ព័ត៌មានជាតិ

មិនដល់២៤ម៉ោងផង មាស សុវណ្ណរតនា ទទួលបានដំណោះស្រាយលុយ២០០០ដុល្លារពីខាងធនាគារABA

បានផុស

២ years មុន

នៅ

ថ្ងៃពុធ ២៧ តុលា ២០២១

ដោយ

ភ្នំពេញ ៖ ទីបំផុតអតីតពិធីការិនីអ្នកនាង មាស សុវណ្ណរតនា ទទួលបានដំណោះស្រាយហើយជុំវិញរឿងរ៉ាវលុយចំនួន២០០០ដុល្លារដែលត្រូវបានជាប់គាំងនៅទូATMរបស់ធនាគារមួយសាខាម្តុំស្ពានអាកាសផ្សារដីហ៊ុយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណោះស្រាយនេះបន្ទាប់ពីអ្នកនាង មាស សុវណ្ណរតនា បានឡាំប៉ាហើយទ្រហ៊ោរយំតាមរយៈការ Live videoធ្វើការរិះគន់និងទទូចឲ្យធនាគារមួយជួយពន្លឿនការដោះស្រាយក្រោយពេលដែលនា ងជួបបញ្ហាកាលពីយប់ថ្ងៃទី២៦ ខែតុលា ឆ្នាំ២០២១ ព្រោះបញ្ចូលលុយដាក់ទូរATMក៏ត្រូវជាប់គាំង។

ក្រោយជួបរឿងហេតុនេះក៏ស្រាប់តែនៅថ្ងៃទី២៧ ខែតុលា ឆ្នាំ២០២១ គេឃើញអ្នកនាង មាស សុវណ្ណរតនាបានបង្ហោះជាថ្មីដោយមានខ្លឹមសារថា «សប្បាយចិត្តណាស់ ថវិការបស់នាងខ្ញុំដែលបានដាក់ចូលម៉ាស៊ីនទូATMហើយត្រូវបានជាប់គាំងកាលពីយប់មិញ ឥឡូវបានចូលមកក្នុងគណនីរបស់នាងខ្ញុំវិញហើយ។

អ្នកនាងបន្តថា សូមអរគុណដល់ធនាគារដែលបានជួយពន្លឿននិងមានដំណោះស្រាយលឿនរហ័សទាន់ចិត្តមិនដល់២៤ម៉ោងជូនដល់អតិថិជននិងសូមអ រគុណបងស្រីម្នាក់….(ខាងធនាគារ)ដែលបង ស្រីបានទំនាក់ទំនងមកនាងខ្ញុំកាលពីម៉ោង៦និង ០៨ព្រឹកដោយគាត់ទើបតែបានមើលវីដេអូរបស់នាងខ្ញុំរួចហើយបានជួយពន្លឿននិងរកដំណោះ ស្រាយឆាប់រហ័សជូនមកនាងខ្ញុំក្នុងការសម្របសម្រួលបញ្ហាដែលកើតឡើងសូមអរគុណ…!។

អ្នកនាង មាស សុវណ្ណរតនា និយាយទៀតថា នាងសូមបញ្ជាក់ថា បើអត់មានតំណាងសាខាធនាគារ (ទឹកថ្លា)ក្រោមស្ពានអាកាសផ្សារដីហ៊ុយណាម្នាក់ធ្វើការសុំទោសនាងទេប៉ុន្មានថ្ងៃខាងមុខនេះក្រោយពេលនាងរួចរាល់ធុរៈការងាររួចរាល់នាងនិងទៅធនាគារដើម្បីធ្វើការបិតគណនីរបស់ខ្លួនទាំងអស់ឈប់ប្រើប្រាស់ជាងរៀងរហូត។

ខ្ញុំអត់បានគំរាមទេសូមបញ្ជាក់តែនាងខ្ញុំឈឺចាប់ខ្លាំង ហើយក៏មិនចង់យកភាពល្បីដោយការមានបញ្ហាជាមួយខាងធនាគារដែរនាងខ្ញុំចង់អោយខាងសាខាមានដំណោះស្រាយមានការទទួលខុសត្រូវមានរ បៀបទំនាក់ទំនងពន្យល់អតិថិជនដោយល្អទទួល យកបាននិងស្ដាប់ហេតុផលរបស់អតិថិជនផងអំពីបញ្ហារបស់គាត់ត្រូវការសូមអរគុណ។មាស សុវណ្ណ រតនា បន្ថែម៕

ដោយ ៖ ចាន់រ៉ា