ព័ត៌មានជាតិ
ចំណតរថយន្តតាក់ស៊ី ខាងលិចផ្សារធំថ្មី កំពុងបង្កឲ្យបាត់បង់សណ្តាប់ធ្នាប់ ក្នុងមូលដ្ឋាន
បេនឡាន ដែលរត់ចាប់ម៉ូយគ្មានសណ្តាប់ធ្នាប់ បានបង្កភាពកកស្ទះចរាចរណ៍ ស្ទើររាល់ថ្ងៃគ្មានខ្លាចអាជ្ញាធរមូលដ្ឋាន នៅចំណុចផ្លូវលេខ ១២០ កែងនឹងផ្លូវលេខ ១១៨ ស្ថិតខាងលិចឈាងខាងជើងផ្សារធំថ្មី ក្នុងសង្កាត់ផ្សារថ្មីទី ២ខណ្ឌដូនពេញ រាជធានីភ្នំពេញ។ ក្នុងនោះផងដែរ គេក៏បានឃើញមានអ្នកដើរប្រមូលលុយជាប្រចាំ តែមិនដឹងថា អ្នកដើរប្រមូលលុយនោះជានរណាឲ្យពិតប្រាកដ មិនដឹងថាតើជាអាជ្ញាធរមូលដ្ឋាន សង្កាត់ ឬខណ្ឌនោះ ឬក៏ខាងបេននោះទេ។
បើតាមការឲ្យដឹងពីអ្នករត់តាក់ស៊ីម្នាក់ នៅតំបន់នោះសុំមិនបញ្ចេញឈ្មោះ បានឲ្យដឹងថា គាត់មានរថយន្តតាក់ស៊ីមួយគ្រឿង បើកដឹកភ្ញៀវពីភ្នំពេញទៅបាត់ដំបង ដោយគាត់ចូលចតរថយន្តនៅលើផ្លូវ ត្រូវបង់លុយឲ្យគេក្នុងមួយថ្ងៃ១៥០០០ រៀល។ ចំពោះរថយន្តចតនៅលើដងផ្លូវមួយគ្រឿង ទោះបីរថយន្តបានដឹកភ្ញៀវចេញមួយជើង ឬក៏មិនបានដឹកចេញក៏ដោយ គឺត្រូវតែបង់ឲ្យម្ចាស់បេនឡានដែរ។
លោកស្រី ប៉ុន ដានី អភិបាលរដ្ឋាករស្វយ័តផ្សារថ្មី ធ្លាប់បានមានប្រសាសន៍ថា ពាក់ព័ន្ធជាមួយបេនឡានសូរិយា និង បេនឡានភ្នំពេញ-បាត់ដំបង គឺមានខាងម្ចាស់បេនគេជាអ្នកគ្រប់គ្រង។ អ្នកស្រីប្រធានផ្សារធំថ្មី បានឲ្យដឹងទៀតថា គាត់គ្រប់គ្រងតែបេនឡាន នៅជុំវិញផ្សារធំថ្មីតែប៉ុណ្ណោះ។
លោក សុខ ពេញវុធ អភិបាល នៃគណៈខណ្ឌដូនពេញ បានឲ្យដឹងដែរថា ពាក់ព័ន្ធនឹងបញ្ហានេះ លោកក៏បានចាត់ឲ្យក្រុមសណ្តាប់ធ្នាប់ខណ្ឌ ចុះទៅអប់រំណែនាំដល់ក្រុមចាប់ម៉ូយទាំងនោះ ដើម្បីធ្វើយ៉ាងណារក្សារបៀបរៀបរយឲ្យបានល្អ បើមិនស្តាប់តាមការណែនាំទេនោះ លោកនឹងចាត់កម្លាំងចុះទៅចាប់ឃាត់ទាំងមនុស្ស និងរថយន្តដែលឈប់ចតគ្មានសណ្តាប់យកមករក្សាទុក។ លោកថា ក្នុងនាមជាអាជ្ញាធរមូលដ្ឋាន យើងនឹងខិតខំធ្វើការងារនេះឲ្យទាល់តែបានល្អប្រសើរ គឺដើម្បីសោភ័ណ្ឌភាពទីក្រុងយើង ផងដែរ៕
អត្ថបទ៖ រស្មី
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង