បើករថយន្ដវ៉ាជែងខ្វះការប្រុងប្រយ័ត្នត្រូវរថយន្ដមួយគ្រឿងទៀតបុកបណ្ដាលអោយរងការខូចខាតហើយប្រកែកយកត្រូវរៀងខ្លួន

ភ្នំពេញ: បើករថយន្តឡិចស៊ីសRX300វ៉ាជែងរថយន្ដឡិចស៊ី570ខាងស្ដាំដៃត្រូវរថយន្ដឡិចស៊ីស570 បុកបញ្ឆិតពីខាង ក្រោយបណ្ដាលឲ្យកៀបជាប់គ្នារងការខូចខាតទាំងសងខាងហើយក្រោយបីកើតហេតុភាគីតាំងសងខាងចុះមកប្រកែក វែកញែកយកខុសត្រូវរៀងៗខ្លួន។

ហេតុការណ៍គ្រោះថ្នាក់ចរាចរណ៍នេះកើតឡើងកាលពីវេលាម៉ោង១២រំលងអាធ្រាត្រឈានចូលថ្ងៃទី០៣ ខែធ្នូ ឆ្នាំ២០២០ នៅខាងកើតស្ពានអាកាសផ្សារដីហុយប្រមាណជាង១០០ម៉ែត្រតាមបណ្តោយផ្លូវសហព័ន្ធរុស្ស៊ីក្នុងសង្កាត់ទឹកថ្លា ខណ្ឌ សែនសុខ រាជធានីភ្នំពេញ។

ព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញបុរសម្នាក់បើករថយន្តឡិចស៊ីសRX300 មួយគ្រឿង ពណ៌សពាក់ស្លាកលេខភ្នំពេញ2AN-0310ធ្វើដំណើរតាមបណ្ដោយផ្លូវសហព័ន្ធរុស្ស៊ីទិសដៅពីកើតទៅលិចខណៈមក ដល់ចំណុចកើតហេតុបានវ៉ាជែងរថយន្តឡិចស៊ីស570ពណ៌ខ្មៅមួយគ្រឿងពាក់ស្លាកលេខ ភ្នំពេញ2K-9229 ធ្វើដំណើរ ស្របទិសគ្នាពីខាងស្តាំដៃរួចរេទៅខាងឆ្វេងដៃវិញធ្វើអោយរថយន្តរថយន្ដឡិចស៊ិស570គេចមិនទាន់ក៏បុកបញ្ឆិតផ្នែក ខាងក្រោយជំហៀងខាងឆ្វេងបណ្ដាលឲ្យរថយន្តលិចស៊ីសRX 300រេចង្កូតកាត់ទទឹងផ្លូវមុខរថយន្តឡិចស៊ីស570កៀប ជាប់គ្នាទៅមុខលែងរួច និងរងការខូចខាតទាំងសងខាង។

ក្រោយកើតហេតុភាគីទាំងសងខាងបានចុះមកជជែកវែកញែកយកត្រូវរៀងៗខ្លួន។ មួយសន្ទុះក្រោយមកទើបកម្លាំង សមត្ថកិច្ចមូលដ្ធានចុះដល់កន្លែងកើតហេតុ។ ដោយភាគីទាំងសងខាងមិនព្រមសម្រុះសម្រួលគ្នា ទើបសមត្ថកិច្ចមូល ដ្ធានបានទំនាក់ទំនងទៅនគរបាលចរាចរណ៍ចុះមកធ្វើការវាស់វែងយករថយន្តទាំងពីរគ្រឿងទៅរក្សាទុកនៅការិយា ល័យចរាចរណ៍ផ្លូវគោក នៃស្នងការដ្ធាននគរបាលរាជធានីភ្នំពេញ ដើម្បីរង់ចាំដោះស្រាយគ្នានៅពេលក្រោយ៕

អត្ថបទ៖ សុខុម