ព័ត៌មានជាតិ
អភិបាលខេត្តបាត់ដំបង ប្ដេជ្ញាលុបបំបាត់ជនមានបញ្ហាស្មារតី និងជនអនាថាឱ្យអស់ពីទីសាធារណៈ
លោក សុខ លូ អភិបាលខេត្តបាត់ដំបង បានប្ដេជ្ញាថានឹងខិតខំធ្វើយ៉ាងណាលប់បំបាត់ជនមានបញ្ហាស្មារតី បញ្ហាសតិ (វិកលចរិត) និងជនអនាថា ចេញឱ្យអស់ពីទីសាធារណៈ នៅក្នុងក្រុងបាត់ដំបងដើម្បីរៀបចំសណ្តាប់ធ្នាប់ឱ្យមានសោភ័ណភាពមានរបៀបរៀបរយ និងទាក់ទាញ។
ប៉ុន្តែលោកអភិបាលខេត្តសំណូមពរ ឱ្យមានការចូលរួម និងគាំទ្រពីបងប្អូនប្រជាពលរដ្ឋ សប្បុរសជន និងអង្គការពាក់ព័ន្ធនានានៅក្នុងខេត្តបាត់ដំបងផងដែរ។
ថ្លែងនៅក្នុងកិច្ចប្រជុំ ពិភាក្សាការងារស្ដីពីការរៀបចំសណ្ដាប់ធ្នាប់ ចំពោះជនមានបញ្ហាស្មារតី បញ្ហាសតិ (វិកលចរិត) និងជនអនាថា ស្ថិតក្នុងភូមិសាស្ដ្រក្រុងបាត់ដំបងនារសៀលថ្ងៃទី២៧ តុលា លោក សុខ បានមានប្រសាសន៍ថាបច្ចុប្បន្ននេះ មានជនមានបញ្ហាស្មារតី បញ្ហាសតិ (វិកលចរិត) និងជនអនាថាជាច្រើននៅក្នុងក្រុងបាត់ដំបង។ លោកអភិបាលខេត្តបានបន្តថា ដូចនេះមន្ទីរជំនាញ និងរដ្ឋបាលក្រុងបាត់ដំបងត្រូវរៀបចំធ្វើយ៉ាងណា ដើម្បីលប់បំបាត់កុំឱ្យមានជនមានបញ្ហាស្មារតី បញ្ហាសតិ (វិកលចរិត) និងជនអនាថា នៅតាមទីសាធារណៈនៅក្នុងភូមិសាស្ត្រក្រុងបាត់ដំបង និងត្រូវរៀបចំឱ្យពួកគាត់បានទទួលការស្នាក់នៅ ការហូបចុក ការថែទាំសុខភាព ការព្យាបាលជំងឺ និង ការអប់រំ បណ្តុះបណ្តាលវិជ្ជាជីវៈ នៅតាមមណ្ឌលស្តារនីតិសម្បទារបស់រដ្ឋ ក៏ដូចជាមណ្ឌលស្តានីតិសម្បទារបស់អង្គការដៃគួរនានានៅក្នុងខេត្ត។
លោក អភិបាលខេត្តបានជំរុញឱ្យមន្ទីរជំនាញ និងរដ្ឋបាលក្រុងបាត់ដំបង ធ្វើការសហការគ្នាក្នុងការធ្វើសម្រង់ស្ថិតិ ចំពោះជនមានបញ្ហាស្មារតី បញ្ហាសតិ (វិកលចរិត) និងជនអនាថា នៅក្នុងក្រុងបាត់ដំបង ដើម្បីធ្វើការប្រជុំពិភាក្សា និងសិក្សាឱ្យបានច្បាស់លាស់ ក្នុងរៀបចំគណៈកម្មការគ្រប់គ្រង និងដោះស្រាយ ជនមានបញ្ហាស្មារតី បញ្ហាសតិ (វិកលចរិត) និងជនអនាថា ដើម្បីពិនិត្យ និងសម្រេច៕
អត្ថបទ៖ សំអឿន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល