ព័ត៌មានជាតិ

ចាប់ខ្លួនបុរសម្នាក់ចោទពីបទ ឆបោក និងស៊ីសំណូកនៃនិយោជិត

បានផុស

២ years មុន

នៅ

ថ្ងៃព្រហស្បតិ៍ ២៨ តុលា ២០២១

ដោយ

បុរសម្នាក់ត្រូវបាននគរបាលព្រហ្មកម្រិតធ្ងន់ក្រសួងមហាផ្ទៃចាប់ខ្លួនបញ្ជូនមកអយ្យការអមសាលាដំបូងរាជធានីភ្នំពេញ ពាក់ព័ន្ធបទល្មើសឆបោក និងស៊ីសំណូកនៃនិយោជិត ។

ជនសង្ស័យដែលត្រូវចាប់ខ្លួនឈ្មោះ នៅ សុភ័ក្រ ហៅ ហេង ភេទប្រុស អាយុ៣៧ឆ្នាំ មានទីលំនៅផ្ទះលេខ បេ៦ ផ្លូវបេតុង សង្កាត់គោកឃ្លាង ខណ្ឌសែនសុខ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានបញ្ជាក់ថា ការឃាត់ខ្លួននេះ គឺអនុវត្តតាមដីកាបញ្ជាអោយចូលខ្លួនរបស់លោក សិត វណ្ណៈ ព្រះរាជអាជ្ញារងនៃអយ្យការអមសាលាដំបូងចុះថ្ងៃទី១៨ ខែតុលា ឆ្នាំ២០២១ ។

នៅក្នុងដីកាបញ្ជាអោយចូលខ្លួនលេខ៣៧៦ អ យ ដ ចុះថ្ងៃទី១៨តុលា ឆ្នាំ២០២១ បានបញ្ជាអោយជនសង្ស័យឈ្មោះ នៅ សុខភ័ក្រ ចូលមកបង្ហាញខ្លួននៅអយ្យការអមតុលាការអោយបានមុនថ្ងៃទី០៨ វិច្ឆិកា ឆ្នាំ២០២១ ដើម្បីសាកសួរពីបណ្ដឹងព្រហ្មទណ្ឌពីបទឆបោក និងបទស៊ីសំណូកនៃនិយោជិត តាមពាក្យបណ្ដឹងរបស់ឈ្មោះ LEE JAE HOO ជាតំណាងក្រុមហ៊ុន ដេហានអូតូ និងឈ្មោះ ម៉ៅ គន្ធា ជាតំណាងក្រុមហ៊ុន អិលវីអ៊ឹមស៊ី ហូលឌីង ។

ឥឡូវនេះតំណាងអយ្យការកំពង់សាកសួរជនសង្ស័យនៅឡើយ ដោយមិនទាន់សម្រេចបែបណាទេ ៕

អត្ថបទ៖ មករា