ព័ត៌មានជាតិ
ប្រធានក្រុមការងារ ចុះជួយមូលដ្ឋានឃុំបន្ទាយស្ទោងបើកកិច្ចប្រជុំផ្សព្វផ្សាយ គោលនយោបាយអភិវឌ្ឍន៍
ឯកឧត្ដមសោម ស៊ុន សមាជិកអចិន្ត្រៃយ៍គណបក្សប្រជាជនកម្ពុជា ខេត្តកំពង់ធំ អនុប្រធានក្រុមការងារចុះស្រុកស្ទោង ប្រធានក្រុមការងារ ចុះជួយមូលដ្ឋានឃុំបន្ទាយស្ទោង បានបើកកិច្ចប្រជុំប្រជុំផ្សព្វផ្សាយគោលនយោបាយអភិវឌ្ឍន៍ឃុំ-សង្កាត់ឆ្នាំ២០២២-២០២៧ ជូនថ្នាក់ដឹកនាំគណបក្សឃុំ សាខាបក្សភូមិ និងក្រុមការងារ ពិធីនេះធ្វើឡើងនៅក្នុងវត្តបន្ទាយស្ទោង ឃុំបន្ទាយស្ទោង ស្រុកស្ទោង ខេត្តកំពង់ធំ នៅព្រឹកថ្ងៃទី២៩ ខែតុលា ឆ្នាំ២០២១។
លោក សូត្រ អ៊ុល ប្រធានគណបក្សឃុំបន្ទាយស្ទោង បានអានខ្លឹមសារគោលនយោបាយអភិវឌ្ឍន៍ ឃុំ-សង្កាត់ ឆ្នាំ២០២២-២០២៧ របស់គណៈកម្មាធិការកណ្តាលគណបក្សប្រជាជនកម្ពុជា ផ្សព្វផ្សាយជូនអង្គប្រជុំរួចមក ឯកឧត្ដម សោម ស៊ុន បានមានប្រសាសន៍ថាគោលបំណង នៃការផ្សព្វផ្សាយគោលនយោបាយ អភិវឌ្ឍន៍ ឃុំ-សង្កាត់ ជូនដល់ផ្ទៃក្នុងថ្នាក់ដឹកនាំគណបក្សឃុំ សាខាបក្សភូមិ និងក្រុមការងារចុះជួយមូលដ្ឋាន គឺដើម្បីឲ្យជ្រាប និងត្រៀមចូលរួមអនុវត្តន៍ ខ្លឹមសារជាក់ស្ដែងនៃ ផែនការកម្មវិធីនិងសកម្មភាពអភិវឌ្ឍន៍ ដើម្បីឲ្យថ្នាក់ដឹកនាំត្រូវប្តេជ្ញាចិត្ត ដឹកនាំនិងចូលរួមអនុវត្តឲ្យទទួលបានជោគជ័យ ។
ឯកឧត្ដម សោម ស៊ុន កោតសរសើរចំពោះការខិតខំប្រឹងប្រែង រួមសហការគ្នា របស់ក្រុមការងារ ថ្នាក់ដឹកនាំគណបក្សឃុំ សាខាបក្សភូមិ ដែលបានខិតខំបំពេញ ភារកិច្ចក្នុងការបម្រើប្រជាជនបានល្អប្រសើរ និងបានរំលឹកដល់ថ្នាក់ដឹកនាំ គ្រប់លំដាប់ថ្នាក់ត្រូវបន្តគ្រប់គ្រងពង្រឹង សតិអារម្មណ៍សមាជិកគណបក្សចាស់ និងបន្តកសាងពង្រីកសមាជិកបក្សថ្មី ក្នុងស្រទាប់យុវវ័យពង្រឹងរបៀបរបបការងាររបស់គណបក្ស ពង្រឹងការសាមគ្គី ភាពឯកភាពគ្នារឹងមាំ ត្រៀមខ្លួនចូលរួមប្រកួតប្រជែងក្នុងការបោះឆ្នោតជ្រើស រើសក្រុមប្រឹក្សាឃុំ-សង្កាត់ នៅឆ្នាំ២០២២ ខាងមុខនេះឲ្យទទួលបានការ គាំទ្រពីមហាជន និងទទួលបាន ជោគជ័យសម្រាប់គណបក្សប្រជាជនកម្ពុជា។
ថ្នាក់ដឹកនាំគណបក្សឃុំសាខាបក្សភូមិ និងក្រុមការងារចុះជួយមូលដ្ឋានឃុំបន្ទាយស្ទោង ស្រុកស្ទោង ខេត្តកំពង់ធំ ទាំងអស់បានប្តេជ្ញាចិត្តអនុវត្តឲ្យទទួល បានជោគជ័យនូវគោលនយោបាយ អភិវឌ្ឍន៍ឃុំ-សង្កាត់ ឆ្នាំ២០២២-២០២៧ របស់គណៈកម្មាធិការកណ្តាលគណបក្សប្រជាជនកម្ពុជា និងមតិណែនាំរបស់ឯកឧត្តម សោម ស៊ុន ប្រធានក្រុមការងារចុះជួយមូលដ្ឋានឃុំ ឲ្យមានប្រសិទ្ធភាព៕
អត្ថបទ៖ ប៊ុន រដ្ឋា
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល