ព័ត៌មានជាតិ
លោក ពេជ្រ កែវមុនី គោរពវិញ្ញាណក្ខន្ធ ព្រះសង្ឃមួយអង្គ ព្រះជន្ម ១០៨ព្រះវស្សា ដែលទទួលអនិច្ចធម្ម នៅថ្ងៃនេះ
លោក ពេជ្រ កែវមុនី អភិបាល នៃគណៈអភិបាលខណ្ឌមានជ័យ នៅរសៀលថ្ងៃទី៣០ ខែតុលានេះ បានអញ្ជើញទៅគោរពវិញ្ញាណក្ខន្ធព្រះសង្ឃ ព្រះជន្ម ១០៨ព្រះវស្សា ដែលគង់នៅវត្តចាក់អង្រែលើ ស្ថិតក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។
លោក ពេជ្រ កែវមុនី បានប្រាប់កម្ពុជាថ្មីនៅថ្ងៃនេះថា លោកបានទទួលព័ត៌មាន ពីព្រះចៅអធិការវត្តចាក់អង្រែលើ ថា ព្រះសង្ឃព្រះនាម កែវ ប៊ុន ព្រះជន្ម ១០៨ព្រះវស្សា បានទទួលអនិច្ចធម្ម នៅវេលាម៉ោង១១ និង៤៥នាទី ថ្ងៃទី៣០ ខែតុលា ដោយជរាពាធ។ ពេលទទួលដំណឹងនេះភ្លាម លោកក៏បានរួសរាន់មកគោរពវិញ្ញាណក្ខន្ធ និងបានចូលរួមបច្ច័យចំនួន ២លានរៀល ក្នុងការរៀបចំពិធីបុណ្យព្រះសព។ ក្នុងនោះលោកអភិបាលខណ្ឌ បានចាត់តាំងលោក កែវ សាវឿន ចៅសង្កាត់ចាក់អង្រែលើ ឲ្យចាត់ចែងក្នុងពិធីបុណ្យព្រះសព រហូតដល់បញ្ចប់។
លោក ពេជ្រ កែវមុនី បានបញ្ជាក់ទៀត ជារៀងរាល់សប្តាហ៍ លោកតែងតែឆ្លៀតពេលមកសាកសួរសុខទុក្ខ ដល់លោកតា ព្រមទាំងនាំយកនូវគ្រឿងឧបភោគ-បរិភោគ ទៅប្រគេនដល់លោកតាមិនដែលខកខានឡើយ។ ក្នុងនោះដែរលោកតា ក៏ទទួលបានកុដិដ៏ថ្មីពីសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ប្រមាណជា ៣ខែមកហើយ គិតមកត្រឹមថ្ងៃនេះ។
លោក ពេជ្រ កែវមុនី ក៏បានសម្ដែងនូវក្តីសោកស្តាយ ពេលបាត់បង់ព្រះសង្ឃ ព្រះនាម កែវ ប៊ុន ដែលជាព្រះសង្ឃដ៏គួរឲ្យគោរព ដឹងគុណ ពីកូនចៅពុទ្ធបរិស័ទទាំងទីជិតទីឆ្ងាយ ពិសេសប្រជាពលរដ្ឋ ក្នុងមូលដ្ឋានខណ្ឌមានជ័យ។
គួរបញ្ជាក់ថា តាមការរៀបរាប់ពីកូនក្មួយលោកតា គឺលោកតាបានបួស ជាព្រះសង្ឃ តាំងពីនៅវ័យក្មេងមកម្ល៉េះ។ លុះដល់របបខ្មែរក្រហម លោកតាត្រូវបានខ្មែរក្រហមបង្ខំឲ្យសឹក។ បន្ទប់ពីថ្ងៃរំដោះ ៧ មករា ឆ្នាំ១៩៧៩ លោកតា កែវ ប៊ុន បានមកសាងផ្នួស ជាបន្តរហូតដល់ថ្ងៃ អនិច្ចធម្មនេះ៕
អត្ថបទ៖ នរា
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១១ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ