ព័ត៌មានជាតិ
មិនមានគោលការណ៍ យកសំណាកគ្រូបង្រៀន ពេលបើកសាលាគ្រប់កម្រិតថ្ងៃស្អែក
ប្រធានមន្ទីរអប់រំ យុវជន និងកីឡា រាជធានីភ្នំពេញបានមានប្រសាសន៍ថា រហូតមកដល់ពេលនេះនៅមិនទាន់មានគោលការណ៍ធ្វើតេស្ត ទៅលើអ្នកគ្រូលោកគ្រូពេលបើកសាលាគ្រប់កម្រិតនៅថ្ងៃទី១ខែវិច្ឆិកាឆ្នាំ២០២១ស្អែកនេះទេ។
លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡាបានឱ្យដឹង នៅព្រឹកថ្ងៃទី ៣១ តុលានេះថា «ការបើកដំណើរការនៅថ្ងៃទី១៥កញ្ញា និងពេលចូលរៀនក្រោយបុណ្យភ្ជុំបិណ្ឌកន្លងទៅតម្រូវឱ្យលោកគ្រូអ្នកគ្រូធ្វើតេស្តរកជំងឺកូវីដ១៩។ប៉ុន្តែចូលរៀនលើកទី២នេះមិនមានគោលការណ៍ណាមួយតម្រូវឱ្យធ្វើតេស្តរកជំងឺកូវីដ១៩ទៅលើគ្រូនោះទេ»។
លោកប្រធានមន្ទីរអប់រំបានបន្តថា ប៉ុន្តែមន្ទីរបានណែនាំដល់គ្រប់សាលាដែលត្រូវបើកដំណើរការនៅថ្ងៃស្អែកទាំងអស់ត្រូវពង្រឹងការអនុវត្តវិធានការសុខាភិបាល ៣កុំ ៣ការពារ និងវិធានការការនានារបស់ក្រសួងអប់រំ យុវជន និងកីឡាឱ្យបានខ្ជាប់ខ្ជួនជាទីបំផុតដើម្បីឱ្យការបើកដំណើរការនេះប្រព្រឹត្តិទៅដោយរលូនមិនមានការឆ្លងជំងឺកូវីដ១៩នៅក្នុងសាលារៀន។
លោកប្រធានមន្ទីរបានបន្តទៀតថា ផ្ទុយពីសាលារដ្ឋសាលាឯកជនដែលមានធនធានច្រើនអាចធ្វើតេស្តរកកូវីដ១៩ទៅលើអ្នកគ្រូលោកគ្រូមុនចូលរៀនបាន។
លោក ហេង វ៉ាន់ដា ប្រធានក្រុមប្រឹក្សាភិបាលសមាគមគ្រឹះស្ថានឧត្តមសិក្សាកម្ពុជាបានមានប្រសាសន៍ថា សាលាឯកជននឹងធ្វើតេស្តរហ័សរកជំងឺកូវីដ១៩ លោកគ្រូអ្នកគ្រូពេលបើកដំណើរការសាលារៀនគ្រប់កម្រិតឡើងវិញនៅថ្ងៃទី១ វិច្ឆិកាឆ្នាំ២០២១ ជាមុនសិនទើបអាចចូលបង្រៀនបាន។
លោក ហែម ស៊ីណារ៉េត បានមានប្រសាសន៍ថា នៅថ្ងៃទី ១ ខែវិច្ឆិកា ឆ្នាំ២០២១ ស្អែកនេះមានសាលារៀនរដ្ឋនិងឯកជន ចាប់ពីកម្រិតមតេយ្យសិក្សាដល់បឋមសិក្សាសរុបចំនួន៥៣១សាលានឹងបើកដំណើរការឡើងវិញ។
ក្នុងនោះមានសាលាមតេយ្យរដ្ឋចំនួន១៨ សាលាសាលាបឋមសិក្សារដ្ឋចំនួន ១៦៣ សាលា សរុបចំនួន១៨១សាលា។ចំណែកសាលាមតេយ្យសិក្សាឯកជនមានចំនួន ១៨ សាលា និងសាលាមឋមសិក្សាឯកជនមានចំនួន ៣៣២ សាលាសរុបចំនួន៣៥០សាលា។
លោក ហែមស៊ីណារ៉េត បានបញ្ជាក់ថាក្រសួងអប់រំ យុវជន និងកីឡា អនុញ្ញាតឱ្យសាលារដ្ឋ និងឯកជនចំណេះទូទៅគ្រប់កម្រិតបើកដំណើរការឡើងវិញប៉ុណ្ណោះ។
មានន័យថាសាលាឯកជនទាំងឡាយណាដែលបង្រៀននិងរៀនតាមកម្មវិធីសិក្សារបស់ក្រសួងអប់រំគឺអាចបើកដំណើរការនៅថ្ងៃទី១វិច្ឆិកាបាន។ចំណែកសាលាឯកជនដែលបង្រៀនក្រៅម៉ោងដូចជាបង្រៀនភាសាចិន អង់គ្លេស និងភាសាផ្សេងៗទៀតគឺក្រសួងនៅមិនទាន់អនុញ្ញាតឱ្យបើកដំណើរការនៅឡើយទេ។
គួរបញ្ជាក់ថាពេលបើកដំណើរការសាលារៀនឡើងវិញនៅថ្ងៃទី១៥ខែកញ្ញាឆ្នាំ២០២១មន្ទីរអប់រំបានធ្វើតេស្តគ្រូជាង៧ពាននាក់ហើយជាលទ្ធផលរកឃើញគ្រូចំនួន២៤នាក់បានឆ្លងជំងឺកូវីដ១៩។ ក្រោយមកចូលរៀនបាន២ថ្ងៃក៏បានរកឃើញសិស្សចំនួន២៣នាក់បានឆ្លងជំងឺកូវីដ១៩បានធ្វើឱ្យបិទថ្នាក់រៀនចំនួន១៥ថ្នាក់នៅសាលាចំនួន១៥។
បន្ទាប់មកនៅក្រោយថ្ងៃបុណ្យភ្ជុំបិណ្ឌមន្ទីរបានធ្វើតេស្តគ្រូជាង៧ពាន់នាក់ទៀតហលយជាលទ្ធផលមានគ្រូចំនួន១២នាក់បានរកឃើញឆ្លងជំងឺកូវីដ១៩។ចំណែកគ្រូសាលាឯកជនប្រមាណជិត៩០០នាក់មិនមានរកឃើញគ្រូបង្រៀនណាម្នាក់មានឆ្លងជំងឺកូវីដ១៩នៅឡើយទេទាំងពេលបើកដំបូងនិងក្រោយបុណ្យភ្ជុំបិណ្ឌ៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ