ព័ត៌មានជាតិ
គ.ជ.ប បង្ខិតការិយាល័យចុះឈ្មោះបោះឆ្នោត កាន់តែកៀកលំនៅដ្ឋានប្រជាពលរដ្ឋ
ដើម្បីឱ្យប្រជាពលរដ្ឋកាន់តែមានភាពងាយស្រួលក្នុងការពិនិត្យបញ្ជីឈ្មោះ និងចុះឈ្មោះបោះឆ្នោតនោះ ក្រុមការងារចុះឈ្មោះបោះឆ្នោត បានលើកការិយាល័យចូលទៅតាមភូមិ នៅក្នុង ឃុំ សង្កាត់ ជិតលំនៅដ្ឋានរបស់ប្រជាពលរដ្ឋ។ នេះបើតាមមន្រ្តីជាន់ខ្ពស់គណៈកម្មាធិការជាតិរៀបចំការបោះឆ្នោត។
លោក សោម សូរីដា អគ្គលេខាធិការរង និងជាអ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានថ្លែងប្រាប់ “កម្ពុជាថ្មី” ថា តាមគោលការណ៍របស់គណៈកម្មាធិការជាតិរៀបចំការបោះឆ្នោត សម្រាប់ដំណើរការពិនិត្យបញ្ជីឈ្មោះ និងចុះឈ្មោះបោះឆ្នោតនេះ រយៈពេល១៥ ថ្ងៃដំបូង គឺចាប់ពីថ្ងៃទី១២ ដល់ថ្ងៃទី២៦ ខែតុលា ការចុះឈ្មោះ ធ្វើនៅតាមសាលា ឃុំ សង្កាត់ ហើយចាប់ពីថ្ងៃទី២៧ ខែតុលា រហូតដល់ចប់ ការិយាល័យចុះឈ្មោះបោះឆ្នោត ត្រូវបានរំកិលទៅតាមភូមិ នៅក្នុងឃុំ សង្កាត់នានា ដើម្បីមានភាពងាយស្រួលសម្រាប់ប្រជាពលរដ្ឋ ក្នុងការចុះឈ្មោះបោះឆ្នោត។
ទោះជាយ៉ាងណា លោក សោម សូរីដា បានអះអាងថា ការចល័តការិយាល័យចុះឈ្មោះនេះ ក៏មានបញ្ហាមួយដែរ ដោយសារតែការចុះឈ្មោះបោះឆ្នោតស្ថិតនៅក្នុងរដូវវស្សា ដែលធ្វើឱ្យក្រុមចុះឈ្មោះមានការលំបាក នៅពេលចល័តការិយាល័យទៅតាមភូមិ។
សូមបញ្ជាក់ថា ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២១ ប្រព្រឹត្តទៅចាប់ពីថ្ងៃទី១២ ខែតុលា ដល់ថ្ងៃទី៣០ ខែវិច្ឆិកា ឆ្នាំ២០២១ គិតទាំងថ្ងៃសៅរ៍ និងថ្ងៃអាទិត្យ។
សរុបរយៈពេល២០ថ្ងៃ នៃការពិនិត្យបញ្ជីឈ្មោះ និងការចុះឈ្មោះទទួល មានប្រជាពលរដ្ឋបានអញ្ជើញមកចុះឈ្មោះបោះឆ្នោតថ្មីចំនួន ២៣១.៩៦៨ នាក់ ហើយអ្នកដែលត្រូវលុបឈ្មោះចេញពីបញ្ជីបោះឆ្នោតមានចំនួន ១១៨.៣១៣ នាក់ ចំណែកអ្នកដែលបានកែតម្រូវទិន្នន័យសរុប មានចំនួន ៧៧.៤៧០ នាក់ រីឯអ្នកដែលបានផ្ទេរទីលំនៅចូលក្នុង ឃុំ សង្កាត់ ថ្មីមានចំនួន ៦៩.៣២៥ នាក់៕
អត្ថបទ៖ កោះកែវ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង