ព័ត៌មានជាតិ
Update! ស្គាល់អត្តសញ្ញាណមនុស្ស៥នាក់ក្នុងចំណោម៧នាក់ ករណីក្រឡាប់រថយន្តស្លាប់ភ្លាមៗនៅឯខេត្តកំពត
កំពត ៖ មនុស្សប្រុស-ស្រី ៧នាក់ បានស្លាប់ភ្លាមៗក្នុងហេតុការណ៍ក្រឡាប់រថយន្តធ្លាក់ចូលក្នុងទឹក កាលពីវេលាម៉ោង២និង៤៥នាទី រសៀល ថ្ងៃទី០២ ខែវិច្ឆិកា ឆ្នាំ២០២១។ ដោយគ្រោះថ្នាក់នេះបានកើតឡើងត្រង់ចំណុចភូមិល្អាង ឃុំល្អាង ស្រុកដងទង់ ខេត្តកំពត លើកំណាត់ផ្លូវជាតិលេខ៤១។
ជុំវិញករណីគ្រោះថ្នាក់ខាងលើ លោក ហ៊ីង ឈុំ អធិការនគរបាលស្រុកដងទង់ បានឱ្យដឹងថា សោកនាដកម្មបណ្តាលឱ្យមនុស្សក្មេង ចាស់ ប្រុស ស្រី ស្លាប់ដ៏រន្ធត់នេះ គឺផ្តើមឡើងដោយសាររថយន្តឆ្លាមមួយគ្រឿង ពាក់ស្លាកលេខ តាកែវ2A-1452 បើកបរលឿនហើយក្រឡាប់ធ្លាក់ចូលក្នុងទឹកមានជម្រៅ។ ដោយមុនពេលមានហេតុការណ៍ដ៏អាក្រក់កើតឡើង គេឃើញរថយន្តម៉ាកកាមរីឆ្លាមមួយគ្រឿងខាងលើ ធ្វើដំណើរពីស្រុកជុំគិរី តាមដងផ្លូវជាតិលេខ៤១ ក្នុងទិសដៅពីជើងទៅត្បូងដោយមានមនុស្សប្រុស ស្រី ចំនួន៧នាក់ រាប់ទាំងតែកុងផងជិះក្នុងរថយន្តនោះ។
លោកបានបញ្ជាក់ថា ចំពោះករណីបណ្តាលឱ្យរថយន្តក្រឡាប់បែបនេះ បើតាមការសន្និដ្ឋានអាចបណ្តាលមកពីរថយន្តបែកកង់មុខ ហើយអ្នកបើកបរជាន់ហ្វ្រាំងបង្ខំ ទើបធ្វើរថយន្តរេមកខាងស្តាំដៃ រួចក្រឡាប់ធ្លាក់ក្នុងទឹកប្រឡាយ បណ្តាលឱ្យមនុស្សប្រុស-ស្រី ទាំង៧នាក់ ដែលជិះក្នុងរថយន្តស្លាប់គ្មានសល់ម្នាក់បែបនេះ។
លោកអធិការ បានបញ្ជាក់ទៀតថា ជនរងគ្រោះដែលស្លាប់ក្នុងហេតុការណ៍គ្រោះថ្នាក់ចរាចរខាងលើ មានចំនួន៧នាក់ ប្រុស៣នាក់ ស្រី៤នាក់ ប៉ុន្តែស្គាល់អត្តសញ្ញាណតែ៥នាក់ ដែលរស់នៅភូមិត្រពាំងវែង ឃុំត្រពាំងរាំង ស្រុកជុំគិរី ខេត្តកំពត៖ ១-ឈ្មោះ ស្រេ ចិន្តា ភេទប្រុស អាយុ៣៤ឆ្នាំ(ប្តី),២-ឈ្មោះ វ៉ាន់ សូរិយា ភេទស្រី អាយុ៣២ឆ្នាំ (ប្រពន្ធ) ,៣-ឈ្មោះ វ៉ាន់ ណារិទ្ធ ភេទប្រុស អាយុ១០ឆ្នាំ ,៤-ឈួន ឧត្តម ភេទប្រុស អាយុ២៦ឆ្នាំ ,៥-ឈ្មោះ ស្រេ សុវណ្ណនីតា ភេទស្រី អាយុ២ឆ្នាំ។ដោយឡែក សពជនរងគ្រោះ២នាក់ទៀតមិនទាន់ស្គាល់អត្តសញ្ញាណនៅឡើយ តែគេដឹងថាជនរងគ្រោះមកពីខេត្តត្បូងឃ្មុំ។
បច្ចុប្បន្នសពជនរងគ្រោះទាំង៧នាក់ ត្រូវបានសមត្ថកិច្ចយកទៅតម្កល់ទុកនៅស្រុកជុំគិរី ដើម្បីចាត់ចែងធ្វើបុណ្យតាមប្រពៃណី៕
ដោយ ៖ សេង ណារិទ្ធ
ព័ត៌មានបន្ថែម ៖ អត្តសញ្ញាណជនរងគ្រោះស្លាប់២នាក់ទៀត ត្រូវបានអាជ្ញាធរសមត្ថកិច្ច ឲ្យដឹងបន្ថែមថា ទី៦,ឈ្មោះ អេង កញ្ញា ភេទស្រី អាយុ២៧ឆ្នាំ មានទីលំនៅភូមិអណ្តូងពេជ្រ ឃុំសេដា ស្រុកតំបែរ ខេត្តត្បូងឃ្មុំ និងទី៧,ឈ្មោះ សឿន សុគន្ធា ភេទស្រី អាយុ១៦ឆ្នាំ មានទីលំនៅភូមិអណ្តូងពេជ្រ ឃុំសេដា ស្រុកតំបែរ ខេត្តត្បូងឃ្មុំ៕
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ