Connect with us

ព័ត៌មានជាតិ

រកឃើញគ្រូបង្រៀនរដ្ឋ និងឯកជននៅភ្នំពេញ ២៦នាក់ ឆ្លងជំងឺកូវីដ-១៩

បានផុស

នៅ

នៅក្នុងឱកាសថ្ងៃបើកដំណើរការសាលារៀនឡើងវិញគ្រប់កម្រិតនេះ ក្រុមការងារនៅតាមសាលារដ្ឋ និងឯកជននានានៅក្នុងរាជធានីភ្នំពេញ បានធ្វើតេស្តរហ័សលោកគ្រូអ្នកគ្រូប្រមាណជាង ៨ ៤០០ នាក់ ហើយជាលទ្ធផលបានរកឃើញមានវិជ្ជមានកូវីដ-១៩ ចំនួន ២៦ នាក់ស្មើនឹង ០,៣ ភាគរយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡា រាជធានីភ្នំពេញ បានមានប្រសាសន៍នៅព្រឹកថ្ងៃទី០៣ ខែវិច្ឆិកានេះថា ក្រុមការងារតាមសាលានីមួយៗបានធ្វើតេស្តលោកគ្រូអ្នកគ្រូចំនួន ៨ ៤៤៤ នាក់ ក្នុងនោះគ្រូបង្រៀនសាលារដ្ឋមានជាង ៥ ០០០ នាក់ រកឃើញមានវិជ្ជមានចំនួន ២២ នាក់ និងគ្រូបង្រៀនសាលាឯកជនជាង ៣ ០០០ នាក់ ដោយរកឃើញមានវិជ្ជមានចំនួន ៤ នាក់ប៉ុណ្ណោះ។

លោកប្រធានមន្ទីរបានបន្តថា លោកគ្រូអ្នកគ្រូដែលរកឃើញវិជ្ជមានចំនួន ២៦ នាក់នោះត្រូវបានអនុញ្ញាតឱ្យសម្រាកព្យាបាលនៅតាមផ្ទះរៀងៗខ្លួនរួចហើយ។ រហូតមកដល់ពេលនេះស្ថានភាពសុខភាពរបស់ពួកគាត់ល្អជាធម្មតាទេដោយសារពួកគាត់បានចាក់វ៉ាក់សាំងបាន៣ដូសគ្រប់ៗគ្នា។

លោក ហែម ស៊ីណារ៉េត បានបន្តទៀតថា រយៈពេល ៣ ថ្ងៃនៃដំណើរការបើកសាលារៀនឡើងវិញនេះ ឃើញមានការប្រព្រឹត្តិទៅដោយមានភាពរលូន មិនមានឃើញគ្រូ ឬសិស្សដែលបង្រៀន និងរៀននៅក្នុងថ្នាក់ មានឆ្លងជំងឺកូវីដ-១៩ នោះទេ ខណៈពេលបើកដំណើរការសាលារៀនឡើងវិញនៅថ្ងៃទី១៥ ខែកញ្ញា ឆ្នាំ២០២១ បានធ្វើតេស្តគ្រូជាង ៧ ពាន់នាក់ហើយជាលទ្ធផលរកឃើញគ្រូចំនួន ២៤ នាក់បានឆ្លងជំងឺកូវីដ-១៩។ ក្រោយមកចូលរៀនបាន២ថ្ងៃ ក៏បានរកឃើញសិស្សចំនួន ២៣ នាក់បានឆ្លងជំងឺកូវីដ-១៩ ហើយបានបិទថ្នាក់រៀនចំនួន ១៥ ថ្នាក់នៅសាលាចំនួន១៥។

ប្រធានមន្ទីរអប់រំខាងលើ បានបន្ថែមទៀតថា បន្ទាប់មកនៅក្រោយថ្ងៃបុណ្យភ្ជុំបិណ្ឌ មន្ទីរបានធ្វើតេស្តគ្រូជាង ៧ ពាន់នាក់ទៀត ហើយជាលទ្ធផលមានគ្រូចំនួន ១២ នាក់បានរកឃើញឆ្លងជំងឺកូវីដ-១៩។ ចំណែកគ្រូសាលាឯកជនប្រមាណជិត ៩០០ នាក់បានធ្វើតេស្តដែរ តែមិនមានរកឃើញគ្រូបង្រៀនណាម្នាក់មានឆ្លងជំងឺកូវីដ-១៩នោះទេ។

លោក ហែម ស៊ីណារ៉េត បានមានប្រសាសន៍ទៀតថា ការបើកដំណើរការសាលាឡើងវិញគ្រប់កម្រិតនេះ មានសាលារដ្ឋនិងឯកជនចំនួន ៥៣១ សាលាចាប់ពីកម្រិតមតេយ្យសិក្សា និងសាលាបឋមសិក្សា ក្នុងនោះសាលារដ្ឋមានចំនួន ១៨១ សាលា កម្រិតមតេយ្យសិក្សា ១៨ និងកម្រិតបឋម ១៦៣សាលា។ ចំណែកសាលាឯកជនមាន ៣៥០ សាលា ក្នុងនោះមតេយ្យចំនួន ១៨ និងសាលាមឋមចំនួន ៣៣សាលា។

លោក ហែម ស៊ីណារ៉េត បានបន្តទៀតថា ការបើកសាលារៀន ក្រសួងតម្រូវឱ្យដាក់សិស្ស១ថ្នាក់ចំនួនពី ១៥ ទៅ ២០ នាក់ប៉ុណ្ណោះ។ ដូចនេះសាលានីមួយៗត្រូវបែងចែកសិស្សរៀនឆ្លាស់គ្នា ដើម្បីធានាបានការសិក្សាបានទាំងអស់គ្នា ហើយមិនមានការឆ្លងរាលដាលជំងឺកូវីដ-១៩នៅក្នុងសាលា៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៣ នាទី មុន

ឈុតសាមញ្ញទៅមើលការប្រកួតរវាងជម្រើសជាតិ ថៃ-កូរ៉េ​ របស់ Lisa តម្លៃសុទ្ធតែរាប់ពាន់ដុល្លារ

សេចក្ដីជូនដំណឹង១ ម៉ោង មុន

Avian Influenza (AI): ការស្វែងយល់អំពីការគ្រប់គ្រង និងការការពារជំងឺផ្ដាសាយបក្សីក្នុងប្រទេស កម្ពុជា

ព័ត៌មានអន្ដរជាតិ១ ម៉ោង មុន

អ៊ីស្រាអែល ប្រមូលរបស់ទ្រព្យក្រុមហាម៉ាសត្រៀមបើកផ្លូវចូលទីក្រុងភាគ​ខាងត្បូងហ្គាហ្សា

កីឡា២ ម៉ោង មុន

ជើងឯកម៉ុងហ្គោលី Erdene មកដល់កម្ពុជា យប់មិញត្រៀមប្រកួតដណ្តើមខ្សែក្រវាត់

ព័ត៌មានជាតិ២ ម៉ោង មុន

លោកបណ្ឌិត លី ធុជ បញ្ជាក់ពីសារៈសំខាន់នៃការបញ្ជូនរបាយការណ៍តម្លាភាពនៃការអនុវត្តអនុសញ្ញាឆ្នាំ២០២៤

ព័ត៌មានជាតិ៦ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៤ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៤ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៥ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម