ព័ត៌មានជាតិ
អ្នកនាំពាក្យ៖ ក្រសួងអប់រំ ប្រជុំរៀបចំការប្រឡងសញ្ញាបត្រទុតិយភូមិ ក្នុងសប្ដាហ៍នេះ
លោក រស់ សុវាចា អ្នកនាំពាក្យក្រសួងអប់រំ យុវជន និងកីឡា មានប្រសាសន៍ប្រាប់ “កម្ពុជាថ្មី” ថា ក្រសួងអប់រំ យុវជន និងកីឡា នឹងពិនិត្យពន្យាពេលប្រឡងសញ្ញាបត្រមធ្យមសិក្សាទុតិយភូមិថ្នាក់ទី១២ ដើម្បីទុកឱកាសជូនសិស្សថ្នាក់ទី១២ មានពេលបន្ថែមរៀនត្រៀមប្រឡង។
លោក រស់ សុវាចា មានប្រសាសន៍បន្តថា ក្នុងសប្តាហ៍នេះ ថ្នាក់ដឹកនាំក្រសួងអប់រំ យុវជន និងកីឡា នឹងប្រជុំវាយតម្លៃស្ថានការណ៍ពាក់ព័ន្ធ ដើម្បីបន្តរៀបចំការប្រឡងបាក់ឌុប និងជម្រាបដំណឹងជូនសាធារណជន។
មន្ត្រីអ្នកនាំពាក្យក្រសួងអប់រំ យុវជន និងកីឡា រូបនេះ បានបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប ត្រូវបន្តអនុវត្តគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន ស្របនឹងវិធានការសុវត្ថិភាពសុខភាព។
គួរបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ ឬដាក់ឌុបពីមុន ត្រូវបានគ្រោងប្រព្រឹត្តិទៅនៅថ្ងៃទី៦ ខែធ្នូ និងប្រកាសលទ្ធផលនៅថ្ងៃទី២៨និង ២៩ខែធ្នូឆ្នាំ២០២១។
គួររំលឹកថា នៅរសៀលថ្ងៃទី០៣ ខែវិច្ឆិកា ឆ្នាំ២០២១ ម្សិលមិញនេះ លោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ នឹងត្រូវលើកពេលទៅប្រឡងនៅដើមឆ្នាំ២០២២វិញ បន្ទាប់ពីក្រសួងទើបប្រកាសបើកដំណើរការសិក្សាគ្រប់កម្រិតឡើងវិញក្នុងគន្លងប្រក្រតីភាពថ្មី។
ជាមួយគ្នានេះ បន្ទាប់ពីមានសិស្សមួយចំនួនបានចូលទៅខមមិនចូលផេករបស់សម្តេចសុំឱ្យឆ្នាំនេះជាប់ដោយស្វ័យប្រវត្តិ ហើយសុខចិត្តចូលប្រឡងតាមមហាវិទ្យាល័យទៅតាមមុខវិជ្ជា សម្ដេចតេជោ ហ៊ុន សែន កាលពីថ្ងៃទី០១ ខែវិច្ឆិកា បានប្រកាសថា ឆ្នាំនេះមិនអនុញ្ញាតឱ្យសិស្សប្រឡងបាក់ឌុបជាប់ដោយស្វ័យប្រវត្តិដូចឆ្នាំមុនទៀតឡើយ។
សម្តេចតេជោបានលើកឡើងថា ក្នុងករណីសុំជាប់បាក់ឌុបដោយស្វ័យប្រវត្តិ ក្នុងពេលដែលយើងមិនមានចំណេះដឹងក្នុងខ្លួនផង តើយើងមានសមត្ថភាពឯណាអាចប្រឡងចូលរៀននៅមហាវិទ្យាល័យបាននោះ។ ដូច្នេះមានតែជម្រុញការសិក្សា រៀនសូត្រចាប់ពីពេលនេះតទៅ ដើម្បីយើងទទួលបានចំណេះដឹង ក្នុងការអាចទៅប្រឡងបន្តឈានទៅសិក្សានៅមហាវិទ្យាល័យ ដោយសមត្ថភាពពិតប្រាកដ៕
អត្ថបទ៖ ច័ន្ទ វីរៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ