ព័ត៌មានជាតិ

បុរសម្នាក់ចង.ក នៅក្នុងរោងកម្មករវត្តបទុមវត្តី

បានផុស

២ years មុន

នៅ

ថ្ងៃព្រហស្បតិ៍ ៤ វិច្ឆិកា ២០២១

ដោយ

បុរសម្នាក់ត្រូវបានគេប្រទះឃើញចង.កសម្លាប់ខ្លួន កាលពីព្រឹកថ្ងៃទី០៤ ខែតុលា ឆ្នាំ២០២១ នៅចំណុចក្នុងរោងកម្មករស្នាក់នៅ ក្នុងវត្តបទុមវតី ផ្លូវលេខ១៩ ភូមិ៣ សង្កាត់ចតុមុខ ខណ្ឌដូនពេញ រាជធានីភ្នំពេញ។

សមត្ថកិច្ចបានឲ្យដឹងថា អត្តសញ្ញាណសាកសពឈ្មោះ យស់ កុយ ភេទប្រុស អាយុ៥៥ឆ្នាំ មុខរបរកម្មករសំណង់ ទីលំនៅភូមិតាសោម ឃុំសំរោង ស្រុកត្រាំកក់ ខេត្តតាកែវ ស្នាក់នៅកន្លែងកើតហេតុខាងលើ។

បើតាមការបំភ្លឺពីសាក្សីឈ្មោះ យៀន ពន្លក ភេទប្រុស អាយុ៣៤ឆ្នាំ ជាក្មួយប្រុស ស្នាក់នៅបន្ទប់ជាប់ជនរងគ្រោះបានឲ្យដឹងថា ខ្ញុំ និងអុំប្រុសបានមកធ្វើសំណង់នៅក្នុងវត្តបទុបវតីរយៈពេលជាង៣ខែមកហើយ, ដោយអុំប្រុសខ្ញុំគាត់មានជំងឺសសៃប្រសាទរយៈពេលយូរណាស់មកហើយ តែដោយសារតែមិនមានអាការៈអ្វីធ្វើទុកទើបមិនដែលបានលេបថ្នាំ និងធ្វើការជាធម្មតា។ នៅល្ងាចថ្ងៃទី០៣ តុលា ២០២១ ពេលចប់ម៉ោងការងារខ្ញុំ និងអុំប្រុសក៏បានហូបបាយរួចបំបែកគ្នាដេកបន្ទប់រៀងៗខ្លួន លុះព្រឹកឡើងខ្ញុំភ្ញាក់ពីដេកបានគោះទ្វារបន្ទប់អុំប្រុសដើម្បីទៅធ្វើការ តែមិនមានសំឡេង ទើបខ្ញុំបានចូលទៅក្នុងបន្ទប់ខ្ញុំហើយបានហែកក្រណាត់បាំងជញ្ជាំងចេញឃើញអុំប្រុសខ្ញុំចង.ក ដោយខ្សែភ្លើង ជាប់នឹងធ្នឹមដែកដំបូលខ្ញុំក៏បានលើកអុំប្រុសខ្ញុំមកក្រោមតែគាត់ស្លាប់បាត់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយពីសភាពការណ៍កើតឡើងកម្លាំងជំនាញខណ្ឌ នឹងប៉ុស្តិ៍បានចុះដល់ បានគ្រប់គ្រងកន្លែងកើតហេតុ បានរាយការណ៍ជូនព្រះរាជអាជ្ញារងអមសាលាដំបូងរាជធានីភ្នំពេញ និងបានសហការជាមួយការិយាល័យបច្ចេកទេសវិឡាសាស្ត្រ ការិយាល័យព្រហ្មទណ្ឌកម្រិតធ្ងន់ និងពេទ្យអមសាលាដំបូងរាជធានីភ្នំពេញ ដើម្បីបង្កើត គណៈកម្មការធ្វើកោសល្យវិច័យ ពិនិត្យសពនិងកន្លែងកើតហេតុ។

សន្និដា្ឋន និងវាយតម្លៃក្រោយចុះដល់កន្លែងកើតហេតុ និងឆ្លងតាមការពិនិត្យរបស់លោកឧកញ៉ាវេជ្ជបណ្ឌិត នង សុវណ្ណរ័ត្ន គ្រូពេទ្យកោសល្យវិច័យរាជធានីភ្នំពេញ និងការិយាល័យជំនាញបច្ចេកទេសវិទ្យាសាស្ត្រកោសល្យវិច័យ នៃស្នងការដ្ឋាននគរបាលរាជធានីភ្នំពេញ បញ្ជាក់ថាស្លាប់ដោយ ចង ក អត្តឃាត។ បច្ចុប្បន្នសពបានប្រគល់ឲ្យទៅក្រុមគ្រួសារសព យកទៅធ្វើបុណ្យតាមប្រពៃណី៕

ដោយ ៖ រស្មី