ព័ត៌មានជាតិ
វិទ្យាស្ថានស្រាវជ្រាវម្ហូបអាហារកូរ៉េ សុំសិក្សាលទ្ធភាពបង្កើតមជ្ឈមណ្ឌលម្ហូបអាហារ
វិទ្យាស្ថានស្រាវជ្រាវម្ហូបអាហារកូរ៉េ (KFRI) និងវិទ្យាស្ថានបច្ចេកវិទ្យាជាន់ខ្ពស់កូរ៉េ (KAIT) បានស្នើសុំការអនុញ្ញាត និងឯកភាពព្រមទាំងកិច្ចសហប្រតិបត្តិការ ពីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍កម្ពុជា សិក្សាសមិទ្ធិលទ្ធភាពបង្កើតមជ្ឈមណ្ឌលម្ហូបអាហារ ( FTC) នៅកម្ពុជា។
ការស្នើឡើងបែបនេះធ្វើឡើងនៅក្នុងជំនួបវាងលោក ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ជាមួយលោក គីម យោងចាន់ (KIM Young Chan) នាយកគម្រោងនៃវិទ្យាស្ថានស្រាវជ្រាវម្ហូបអាហារកូរ៉េ KFRI នាពេលថ្មីៗនេះ។
លោក ចម ប្រសិទ្ធ បានវាយតម្លៃខ្ពស់ចំពោះសកម្មភាពអនុវត្តការងារកន្លងមកក្នុងលទ្ធផលផ្លែផ្កាសម្រាប់ជួយឧស្សាហកម្មម្ហូបអាហារនៅកម្ពុជា។ លោកទេសរដ្ឋមន្ត្រីគាំទ្រពេញទំហឹងដោយបានចាត់ទុកថា មានសារៈសំខាន់ និងចំពេលវេលាល្អណាស់ដើម្បីពង្រឹងឧស្សាហកម្មម្ហូបអាហារកម្ពុជាឱ្យមានលក្ខណៈស្តង់ដារអាចប្រកួតប្រជែងលើទីផ្សារអន្តរជាតិបាន ដូចជាភាពល្បីល្បាញនៃម្ហូបអាហារកូរ៉េផងដែរ។
គួររំលឹកថា បន្ទាប់ពីការអនុវត្តគម្រោងក្នុងការជម្រុញវិស័យចំណីអាហារក្រោមជំនួយរបស់រដ្ឋាភិបាលកូរ៉េ តាមរយៈវិទ្យាស្ថានស្រាវជ្រាវម្ហូបអាហារកូរ៉េ (KFRI) និងវិទ្យាស្ថានបច្ចេកវិទ្យាជាន់ខ្ពស់កូរ៉េ (KAIT) នៅកម្ពុជាអស់រយៈពេល ៣ឆ្នាំ (២០១៨ -២០២០) ប្រកបដោយប្រសិទ្ធភាព ជាពិសេសវិស័យសហគ្រាសធុនតូច និងមធ្យម ផ្នែកចំណីអាហាររួចមក ថ្មីៗនេះវិទ្យាស្ថានបច្ចេកវិទ្យាជាន់ខ្ពស់កូរ៉េ (KAIT) បានស្នើសុំការអនុញ្ញាត និងឯកភាពព្រមទាំងកិច្ចសហប្រតិបត្តិការលើការអនុវត្តគម្រោងបន្ត ឬហៅថាការអនុវត្តគម្រោងជំហានទី២ ស្តីពីការសិក្សាសមិទ្ធិលទ្ធភាពបង្កើតមជ្ឈមណ្ឌលម្ហូបអាហារ ( FTC) នៅកម្ពុជា។
ចំពោះការស្វែងរកទីតាំងសម្រាប់បង្កើតមជ្ឈមណ្ឌលម្ហូបអាហារ ( FTC) លោក ចម ប្រសិទ្ធ សូមឱ្យភាគីកូរ៉េពិនិត្យលទ្ធភាពយកទីតាំងអាគារចំនួន ២ ដែលមានកំពស់ ៧ ជាន់ដូចគ្នាស្ថិតនៅតាមបណ្តោយផ្លូវជាតិលេខ២ ក្នុងសង្កាត់ចាក់អង្រែលើ ដែលអាគារទាំងពីរនោះជាទីតាំងធ្វើការរបស់ថ្នាក់ដឹកនាំ និងមន្ត្រីនអគ្គនាយកដ្ឋាន និងវិទ្យាស្ថានវិទ្យាសាស្ត្រ បច្ចេកវិទ្យា និងនវានុវត្តន៍ ហើយក៏ជាទីតាំងបម្រុងសម្រាប់បំពាក់ឧបករណ៍មន្ទីរពិសោធន៍ឧស្សាហកម្មផងដែរ។
ភាគីកូរ៉េបានសម្តែងនូវទឹកចិត្តរីករាយចំពោះកិច្ចសហការដ៏ល្អនេះ ព្រមទាំងពេញចិត្តជាខ្លាំងចំពោះទីតាំងដែលលោកណែនាំ ពីព្រោះទីតាំងនេះគឺអាចប្រមូលផ្តុំការងារទាំងអស់នៅក្នុងកន្លែងតែមួយ ហើយក៏មានលទ្ធភាពអាចសាងសង់អគារបន្ថែមនៅលើដីទំនេរបាន។ លោក គីម បានបញ្ជាក់ថា ក្រុមការងាររបស់លោកនឹងធ្វើរបាយការណ៍លម្អិតចុងក្រោយទៅរដ្ឋាភិបាលកូរ៉េដើម្បីពិនិត្យ និងសម្រេចឱ្យបានឆាប់បំផុត ហើយសង្ឃឹមថានឹងអនុវត្តគម្រោងជំហានទី២ ដែលមានលក្ខណៈស៊ីជម្រៅនេះនៅកម្ពុជាបន្តទៀត ដើម្បីអនាគតឧស្សាហកម្មម្ហូបអាហារនៅកម្ពុជា៕
អត្ថបទ៖ ណារី
អគ្គលេខាធិការដ្ឋាននៃ គ.ល.ក. ជូនដំណឹងដល់សាធារណជនកុំឱ្យចូលរួមសកម្មភាពកាស៊ីណូអនឡាញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
សមត្ថកិច្ចបញ្ជាក់ករណីសំណុំរឿងក្រុមហ៊ុន CIC ខុសពីករណីសំណុំរឿងក្រុមហ៊ុន ឡេង ចាន់ណា
ក្រសួងការងារនាំយកឱកាសការងារជាង ៨០០០ កន្លែងដល់កម្មកររោងចក្រ អ.ជី ហ៊្វូតវែរ
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ម៉ោង agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១០ ម៉ោង agoបឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)