ព័ត៌មានជាតិ
អ្នកនាំពាក្យ៖ មិនសូវមានពលករខ្មែរចូលតាមច្រកអូរស្មាច់ច្រើនរាប់រយនាក់ដូចមុន
អ្នកនាំពាក្យសាលាខេត្តឧត្តរមានជ័យ បានមានប្រសាសន៍ថា បច្ចុប្បន្ននេះមិនសូវមានបងប្អូនពលករខ្មែរចូលតាមច្រកទ្វារអន្តរជាតិអូរស្មាច់ច្រើន រាប់រយនាក់ដូចមុននោះទេ។
លោក ឌី រ៉ាដូ អភិបាលរង និងជាអ្នកនាំពាក្យសាលាខេត្តឧត្តរមានជ័យ បានមានប្រសាសន៍នៅព្រឹកថ្ងៃទី ០៨ ខែវិច្ឆិកានេះនេះថា៖ “ឥឡូវនេះយើងឃើញថា ពលករខ្មែរចូលតាមច្រកអូរស្មាច់មានចំនួនតិចតួចប៉ុណ្ណោះក្នុងមួយថ្ងៃ មានពី ១០ ទៅ ២០នាក់ ហើយច្រើនបំផុត ៦០នាក់ ដែលខុសពីមុនផ្ទុះកូវីដមាន ៣០០ ទៅ ៤០០ នាក់ និងថ្ងៃខ្លះមានរហូតដល់ទៅ ៥០០ នាក់ក៏មានដែរ ច្រើជាងគេក្នុងចំណោមខេត្តនៅជាប់តាមបន្ទាត់ព្រំដែនប្រទេសថៃ”។
លោកបានបន្តថា ចំនួនពលករខ្មែរចូលតាមច្រកទ្វារអូរស្មាច់មានការថយចុះ ដោយសារស្ថានភាពជំងឺកូវីដ-១៩ នៅប្រទេសថៃមានភាពធូរស្រាល និងថៃបានបើកប្រទេសឡើងវិញ បានធ្វើឱ្យក្រុមហ៊ុន រោងចក្រសហគ្រាសបានបើកដំណើរការឡើងវិញ ធ្វើឱ្យពលករខ្មែរយើងត្រូវចូលធ្វើការវិញដែរ”។
លោក ឌី រ៉ាដូ បានបន្តទៀតថា ចំពោះពលករដែលត្រឡប់មកវិញនាពេលនេះ ដោយសារពួកគាត់មានការនឹករលឹកដល់ស្រុកកំណើត និងចង់ទៅលេងក្រុមគ្រួសារបន្ទាប់ពីពួកគាត់បានខនខានមកលេងស្រុងអស់ជាច្រើនខែ ដោយសារបញ្ហាជំងឺកូវីដ-១៩។
យ៉ាងណាក៏ដោយ លោក ឌី រ៉ាដូ បានបន្ថែមថា មិនមានពលករខ្មែរសម្រុកចេញទៅធ្វើការនៅប្រទេសថៃតាមច្រកអូរស្មាច់នេះនៅឡើយ គឺមានតែពលករចូលមកប៉ុណ្ណោះ។
លោក ឌី រ៉ាដូ បានបន្ថែមទៀតថា ពលករចូលមកពីប្រទេសថៃមិនសូវរកឃើញមានឆ្លងជំងឺកូវីដ-១៩ ដូចមុននោះទេ មានថ្ងៃខ្លះរកមិនឃើញសូម្បីតែម្នាក់ ហើយបច្ចុប្បន្ននេះមានពលករកំពុងសម្រាកព្យាបាលជំងឺនៅតាមមណ្ឌលនានាចំនួន ៨៣៤ នាក់ និងកំពុងធ្វើចត្តាឡីស័កចំនួន ១ ១៣០ នាក់៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)