ព័ត៌មានជាតិ
ពាណិជ្ជកម្មទ្វេភាគី កម្ពុជា-ជប៉ុន រយៈពេល៣ត្រីមាសឆ្នាំនេះ កើនឡើងជាង១៣ភាគរយ
ទោះបីជាជួបវិបត្តិជំងឺកូវីដ១៩ បន្តរាតត្បាតពិភពលោកយ៉ាងណាក៏ដោយ ក៏ការដោះដូរពាណិជ្ជកម្មទ្វេភាគីកម្ពុជា-ជប៉ុន រយៈពេល ៣ ត្រីមាសដំបូងឆ្នាំ២០២១ នៅតែរក្សាបានសញ្ញាវិជ្ជមាន គឺសម្រេចបានរហូតជាង១,៧៥៤ លានដុល្លារកើនឡើងជាង១៣ ភាគរយបើធៀបនឹងរយៈពេលដូចគ្នាឆ្នាំ២០២០ ។ នេះបើយោងរបាយការណ៍ អង្គការពាណិជ្ជកម្មក្រៅប្រទេសជប៉ុន (Jetro) ។
ទិន្នន័យអង្គការពាណិជ្ជកម្មក្រៅប្រទេសជប៉ុនកាលពីថ្ងៃទី ៩ខែវិច្ឆិកាបានបង្ហាញថា គិតពីខែមករាដល់ខែកញ្ញាឆ្នាំ២០២១ការធ្វើពាណិជ្ជកម្មទ្វេភាគីរវាងកម្ពុជានិងជប៉ុនមានទឹកប្រាក់សរុប១ ៧៥៤,៣៧ លានដុល្លារកើន ១៣,១០ ភាគរយបើធៀបរយៈពេលដូចគ្នាឆ្នាំ២០២០ ដែលមានទឹកប្រាក់១ ៥៥១,១៥ លានដុល្លារ។
ក្នុងនោះការនាំទំនិញពីកម្ពុជាទៅប្រទេសជប៉ុនមានទឹកប្រាក់១ ៣១៦,២៥ លានដុល្លារកើនឡើង ៨,៧ ភាគរយបើធៀបរយៈពេលដូចគ្នាកាលពីឆ្នាំ២០២០ ដែលមាន ទឹកប្រាក់ត្រឹម ១ ២១១,៨១ លានដុល្លារ។ ចំណែកការនាំទំនិញពីជប៉ុនមកកម្ពុជា មានចំនួនទឹកប្រាក់៤៣៨,១២ លានដុល្លារកើន ២៩,១ភាគរយបើធៀបរយៈពេលដូច គ្នាកាលពីឆ្នាំ២០២០ ដែលមានទឹកប្រាក់ ៣៣៩,៣៤ លានដុល្លារ ។
ដោយឡែកពាណិជ្ជកម្មទ្វេភាគីក្នុងខែកញ្ញាឆ្នាំ ២០២១ មានតម្លៃសរុប ២៤១,៩៨ លានដុល្លារកើនឡើង ២០,២៣ ភាគរយបើធៀបរយៈពេលដូចគ្នាកាលពីឆ្នាំ២០២០ ដែលមានចំនួន ២០១,២៧ លានដុល្លារ។ ក្នុងនោះការនាំចេញរបស់កម្ពុជាចំនួន ១៨៩,០១ លានដុល្លារកើនឡើង ១៦,១ ភាគរយនិងទំនិញនាំចូលពីជប៉ុនមានតម្លៃ ៥២,៩៧ លានដុល្លារកើនឡើង ៣៧,៨ ភាគរយ។
ឧកញ៉ា លឹម ហេង អនុប្រធានសភាពាណិជ្ជកម្មកម្ពុជាបានថ្លែងប្រាប់សារព័ត៌មានថា ការធ្វើពាណិជ្ជកម្មរវាងកម្ពុជា និងជប៉ុនបានកើនឡើងជារៀងរាល់ឆ្នាំលើកលែងក្នុងឆ្នាំ២០២០ ដែលធ្លាក់ចុះដោយសារឥទ្ធិពលពីការរឹតបន្តឹងការធ្វើចរាចរណ៍ឆ្លងប្រទេស។ កំណើននៃការនាំចេញនិងនាំចូលទំនិញបញ្ជាក់ពីភាពល្អប្រសើរនៃទំនាក់ទំនង ការទូតនិងទំនុកចិត្តរបស់អតិថិជននៃប្រជាជនប្រទេសទាំង ២ លើគុណភាពផលិតផល។ កំណើនការដោះដូរទំនិញរវាងប្រទេសទាំងពីរនេះនឹងកើនឡើងច្រើបន្ថែម ទៀតខណៈកម្ពុជាបាននិងកំពុងរៀបចំនិងដាក់ចេញនូវច្បាប់វិនិយោគថ្មីៗដើម្បីបង្កើនភាពទាក់ទាញឱ្យវិនិយោគិនបរទេសរួមទាំងជនជាតិជប៉ុនចូលមកបើកដំណើរការផលិតកែច្នៃសម្រាប់នាំចេញនៅក្នុងប្រទេសកម្ពុជា។
គួរបញ្ជាក់ថា ជប៉ុនជាទីផ្សារមានសក្តានុពលមួយរបស់កម្ពុជាហេតុនេះ កម្ពុជារំពឹងថាការដោះដូរពាណិជ្ជកម្មរវាងប្រទេសទាំង ២ នឹងកើនឡើងបន្តទៀតពិសេសពេលកម្ពុជាបើកទទួលភ្ញៀវទេសចរនិងអ្នកវិនិយោគទូលំទូលាយឡើងវិញចាប់ពីចុងខែវិច្ឆិកានេះតទៅ។
ផលិតផលដែលកម្ពុជានាំទៅជប៉ុនមានដូចជាសំលៀកបំពាក់ គ្រឿងផ្គុំអគ្គិសនី និង គ្រឿងផ្គុំអេឡិចត្រូនិក ខណៈការនាំចូលពីជប៉ុនមានដូចជាគ្រឿងម៉ាស៊ីន និងផលិត ផលប្រើប្រាស់ គ្រឿងអេឡិចត្រូនិក បច្ចេកវិទ្យាទំនើបៗ ។
វិបត្តិកូវីដ ១៩ ធ្វើឱ្យការផ្លាស់ប្តូរពាណិជ្ជកម្មរវាងកម្ពុជាជប៉ុនក្នុងឆ្នាំ ២០២០ មានតម្លៃសរុប២ ១០១,៧៨ លានដុល្លារធ្លាក់ចុះ ៨,៣៥ ភាគរយបើធៀបឆ្នាំ ២០១៩ ក្នុង នោះការនាំចេញមានទឹកប្រាក់ ១៦១៧,០៨ លានដុល្លារធ្លាក់ចុះ ៦,៦ ភាគរយ និង នាំចូលមាន ៤៨៤,៧០ លានដុល្លារ ធ្លាក់ ១៣,៨ ភាគរយ។ នេះបើតាមទិន្នន័យពីអង្គការពាណិជ្ជកម្មក្រៅប្រទេសជប៉ុន៕
អត្ថបទ៖ ណារី
សហរដ្ឋអាមេរិកនិយាយថា ករណីវាយប្រហារនៅសាលប្រគំតន្ត្រី Crocus City Hall គឺជាការអាម៉ាស់របស់រុស្ស៊ី
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ក្រសួងការងារនាំយកប្រាក់ឈ្នួល និងប្រាក់បំណាច់ជូនកម្មកររោងចក្រ Y&W ដែលកំពុងសម្រាលកូនដល់មន្ទីរពេទ្យ
ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ
ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ១ សប្តាហ៍ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)