ព័ត៌មានជាតិ
លោកឧត្ដមសេនីយ៍ទោ សោម ស៊ុន ដឹកនាំកិច្ចប្រជុំត្រួតពិនិត្យ បូកសរុបលទ្ធផលការងារ សមាគមអតីតយុទ្ធជនខេត្តកំពង់ធំ
នៅបញ្ជាការដ្ឋានតំបន់ប្រតិបត្តិការសឹករងកំពង់ធំ បានបើកកិច្ចប្រជុំក្រុមលេខាធិការដ្ឋាន ដើម្បីត្រួតពិនិត្យបូកសរុបលទ្ធផលការងារសមាគមអតីតយុទ្ធជនខេត្តកំពង់ធំ ដែលបានអនុវត្តន៍ក្នុងឆ្នាំ ២០២១កន្លងមក និងលើកទិសដៅអនុវត្តន៍ឆ្នាំ ២០២២ ដោយមានការអញ្ជើញចូលរួមដោយពីលោកឧត្ដមសេនីយ៍ទោ សោម ស៊ុន ប្រធានសមាគមអតីតយុទ្ធជនកម្ពុជាខេត្តកំពង់ធំ នៅព្រឹកថ្ងៃទី ១២ ខែវិច្ឆិកា ឆ្នាំ ២០២១នេះ។
លោកឧត្ដមសេនីយ៍ត្រី ង៉ាង ស ប្រធានក្រុមលេខាធិការដ្ឋានសមាគមអតីតយុទ្ធជនកម្ពុជាខេត្តកំពង់ធំ បានអានពីលទ្ធផលការងារបូកសរុបប្រចាំឆ្នាំ ២០២១ ដែលអនុវត្តន៍សម្រេចជោគជ័យ ក្រោមការដឹកនាំរបស់លោកឧត្ដមសេនីយ៍ទោ សោម ស៊ុន និងបានរៀបចំដីសម្បទានសង្គមកិច្ច សាងសង់ផ្ទះចំនួន ១៤១ខ្នង រួមទាំងដឹកនាំក្រុមការងារដោយផ្ទាល់ ក្នុងការសាងសង់ផ្ទះក្នុងឆ្នាំ ២០២១បានចំនួន ២១ខ្នង សរុបមានចំនួន ២០១ខ្នង ដែលនៅតាមមូលដ្ឋាននានាក្នុងខេត្តកំពង់ធំ និងជាអំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន។
លោកឧត្តមសេនីយ៍ បានបញ្ជាក់ថា ផ្ទះដែលបានសាងសង់នេះ គឺសម្រាប់ជូនអតីតយុទ្ធជន ដែលគ្មានដីជាកម្មសិទ្ធិ និងមានជម្រកស្នាក់នៅមិនសមរម្យ សរុបនៅទូទាំងខេត្តកំពង់ធំមានចំនួន ៣៤២ខ្នង និងបើកប្រាក់បេឡាមរណសង្គ្រោះជូនគ្រួសារសពអតីតយុទ្ធជនបានចំ នួន៦១សព ស្មើនឹងថវិកាចំនួន ២៤៤លានរៀល សកម្មភាពសំណេះសំណាលសាកសួរសុខទុក្ខបងប្អូនអតីតយុទ្ធជន ជីវភាពលំបាកខ្វះខាតនៅតាមមូលដ្ឋាននានា បានចំនួន ២២៦លើកបានឧបត្ថម្ភអង្ករជាង ២៤តោន, មី ១,៥៥០កេស និងគ្រឿងឧបភោគបរិភោគ ព្រមទាំងថវិកាមួយចំនួនផងដែរ ដែលជាអំណោយរបស់ឯកឧត្តមបណ្ឌិត ហ៊ុន ម៉ាណែត និងលោកជំទាវ ពេជ ចន្ទមុន្នី។
លោកឧត្ដមសេនីយ៍ទោ សោម ស៊ុន បានកោតសរសើរដល់ក្រុមការងារលេខាធិការដ្ឋាន សមាគមអតីតយុទ្ធជនកម្ពុជាខេត្តកំពង់ធំ ដែលបានអនុវត្តន៍ភារកិច្ចប្រកបដោយស្មារតីទទួលខុសត្រូវខ្ពស់ និងថ្លែងអំណរគុណអាជ្ញាធរដែនដីគ្រប់លំដាប់ថ្នាក់ កងកម្លាំងប្រដាប់អាវុធទាំងបីប្រភេទ និងបណ្តាមន្ទីរ អង្គភាព ស្ថាប័នពាក់ព័ន្ធទាំងអស់ នៅក្នុងខេត្តកំពង់ធំ ដែលបានសហការល្អ ជួយឧបត្ថម្ភ និងបង្ករលក្ខណងាយស្រួល ក្នុងសកម្មភាពបម្រើអតីតយុទ្ធជនយើង ដែលមានជីវភាពលំបាកខ្វះខាត ដោយពួកគាត់ធ្លាប់មានគុណបំណាច់ចំពោះជាតិ និងមាតុភូមិ ដោយបានរួមចំណែកធ្វើឲ្យប្រទេសជាតិយើង មានសុខសន្តិភាពពេញលេញ ដូចសព្វថ្ងៃនេះ៕
អត្ថបទ៖ ប៊ុន រដ្ឋា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង