ព្រះសង្ឃនិមន្តបិណ្ឌបាតតាមទីផ្សារ ប្រឈមការចាប់ផ្សឹក
Connect with us
Helistar Cambodia - Helicopter Charter Services

ព័ត៌មានជាតិ

ព្រះសង្ឃនិមន្តបិណ្ឌបាតតាមទីផ្សារ ប្រឈមការចាប់ផ្សឹក

បានផុស

នៅ

ភ្នំពេញ៖ អ្នកនាំពាក្យក្រសួងធម្មការនិងសាសនា បានអំពាវនាវដល់ព្រះសង្ឃមិនត្រូវនិមន្តបិណ្ឌបាតតាមទីផ្សារឡើយហើយក្នុងករណីព្រះសង្ឃអង្គណាល្មើស នឹងត្រូវប្រឈមការចាប់ផ្សឹកដើម្បីកុំឱ្យប៉ះពាល់ដល់តម្លៃនៃព្រះពុទ្ធសាសនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអំពាវនាវនេះបានធ្វើឡើង ក្រោយពេលក្រសួងធម្មការនិងសាសនា បានប្រកាសបើកដំណើរការឡើងវិញពិធីសាសនានិងការជួបជុំ និងកម្មវិធីផ្សេងៗបែបសាសនា។

លោក សេង សុមុនី អ្នកនាំពាក្យក្រសួងធម្មការនិងសាសនាបានមានប្រសាសន៍នៅព្រឹកថ្ងៃទី១៣វិច្ឆិកានេះ​ថា ជន​ខិលខូច​មួយចំនួន ដែលយកសាសនាធ្វើជាឈ្នាន់សម្រាប់ធ្វើអាជីវកម្មដូចជាដើររ៉ៃអង្គាសប្រាក់ ឬធ្វើសង្ឃក្លែងក្លាយត្រូវបញ្ឈប់ទង្វើទាំងនេះជាបន្ទាន់ ដើម្បីចៀសវាងប្រឈមនឹងទោសទណ្ឌ។

ជាមួយគ្នានេះ​ដែរ លោក​ធ្វើការអំពាវនាវដល់ព្រះសង្ឃដែលនិមន្តបិណ្ឌបាតរាល់ថ្ងៃ នៅតាមភូមិនានាត្រូវបង្កើនការប្រុងប្រយ័ត្នខ្ពស់បន្ថែមទៀតចំពោះជំងឺកូវីដ១៩ ទោះបីស្ថានភាពជំងឺនេះមានភាពធូរស្រាលក៏ដោយ។

លោកសេង សុមុនី បានបន្តថា «ពេលនិមន្តបិណ្ឌបាតតាមភូមិព្រះសង្ឃត្រូវពាក់ម៉ាស ឧស្សាហ៍លាងសំអាតដៃជាមួយសាប៊ូឬអាកុលឲ្យបានញឹកញាប់ និងត្រូវដាក់ព្រះកាយឲ្យនៅឆ្ងាយពីពុទ្ធបរិស័ទប្រមាណជាង២ម៉ែត្រ ដើម្បីការពារកុំឲ្យឆ្លងជំងឺកូវីដ១៩ សំដៅធ្វើយ៉ាងណាកុំឲ្យនាំជំងឺនេះមកចំលងដល់ព្រះសង្ឃផ្សេងៗទៀត»។

លោកសេង សុមុនី បានបន្ថែមថា បច្ចុប្បន្ននេះព្រះសង្ឃនៅភ្នំពេញ អាចនិមន្តបិណ្ឌបាតបានឡើងវិញជាបណ្តើរៗហើយដោយសារស្ថានភាពជំងឺកូវីដ១៩មានភាពធូរស្រាល ហើយរាជរដ្ឋាភិបាលក៏បានចាប់ផ្តើមបើកដំណើរការសេដ្ឋកិច្ចឡើងវិញផងដែរ បន្ទាប់ពីបានផ្អាកមួយរយៈដោយសារមានផ្ទុះជំងឺកូវីដ១៩។

យ៉ាងណាក៏ដោយ លោក សេង សុមុនី បានអំពាវនាវដល់ព្រះសង្ឃមិនត្រូវនិមន្តទៅបិណ្ឌបាតនៅតាមទីផ្សារឡើយ ក្នុងករណីព្រះសង្ឃអង្គណាល្មើសនឹងត្រូវប្រឈមនឹងការចាប់ផ្សឹកដើម្បីកុំឲ្យប៉ះពាល់ដល់តម្លៃនៃព្រះពុទ្ធសាសនា។

គួរបញ្ជាក់ថារហូតដល់ពេលនេះ មានព្រះព្រះពុទ្ធសាសនា នៅទូទាំងប្រទេសចំនួន១២១៩អង្គ បានឆ្លងជំងឺកូវីដ-១៩ ជាសះស្បើយចំនួន១១៤២អង្គ និងអនិច្ចធម្មចំនួន១២អង្គ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

អាជីព៣ នាទី មុន

លោក សំ សុខនឿន ៖ បើចង់ជោគជ័យ លើវិស័យអចលនទ្រព្យ ត្រូវមានការអត់ធ្មត់ និងសិក្សាស្វែងយល់ឲ្យបានច្រើនពីវិស័យនេះ

ព័ត៌មានជាតិ១០ នាទី មុន

ក្រុមហ៊ុនពីរបន្ថែមទៀត ទទួលបានសិទ្ធិវិនិយោគ​នៅកម្ពុជា ទំហំទឹកប្រាក់ជាង ២០លានដុល្លារបង្កើត​ការងារជាង ៧០០កន្លែង

ជំនឿ២៤ នាទី មុន

ទំនៀមទម្លាប់ ១០ យ៉ាង ខ្មែរកាត់ ចិន ជឿថា​ នាំហុងស៊ុយសំណាង នៅថ្ងៃចូលឆ្នាំថ្មី

សន្តិសុខសង្គម៣៧ នាទី មុន

លួចម៉ូតូបាន ១០ នាទី បុរសម្នាក់ ត្រូវសមត្ថកិច្ចចាប់ខ្លួនមកវិញ

ព័ត៌មានជាតិ៤១ នាទី មុន

លោកជំទាវ ម៉ែន សំអន អំពាវនាវឲ្យពលរដ្ឋ ទៅចាក់វ៉ាក់សាំងដូសទី ៤គ្រប់ៗគ្នា នៅពេលដល់វេនរបស់​ខ្លួន

Sokha Hotels

ព័ត៌មានពេញនិយម

Helistar Cambodia - Helicopter Charter Services