ព័ត៌មានជាតិ
បាត់ដំបងឆ្នាំនេះ គ្មានការអុំទូកនោះទេ
ខេត្តបាត់ដំបង÷ ប្រជាពលរដ្ឋក្នុងខេត្តបាត់ដំបងបានលើកឡើងប្រហាក់ប្រហែលគ្នានៅចុងសប្តាហ៍នេះ ខណៈពិធីបុណ្យអុំទូកបានផ្អាកពីរឆ្នាំជាប់គ្នា។
យុវជន សីលា ក្នុងចំណោមយុវជនជាសិស្សនិស្សិតជាច្រើនទៀត ក្នុងក្រុមទប់ស្កាត់អំពើជួញដូរមនុស្សបានលើកឡើងថា រូបគេពិតជាចង់ឃើញព្រឹត្តិការណ៍អុំទូករៀបចំជារៀងរាល់ឆ្នាំ ក្រោយពិធីដ៏សប្បាយរីករាយបំផុតនេះខកខានមួយឆ្នាំទៅហើយ ហើយឆ្នាំនេះក៏បានផ្អាកបន្តទៀត។
យុវជនរូបនេះបានលើកឡើងថា ២ឆ្នាំហើយដែលពិធីបុណ្យប្រពៃណីដ៏ធំនេះត្រូវបានផ្អាក ដោយសារវិបត្តិជំងឺកូវីដអូសបន្លាយ។
យុវជនរូបនេះបានបញ្ជាពីតម្លៃនៃពិធីបុណ្យអុំទូក ជាពិធី១ក្នុងចំណោមពិធីបុណ្យជាតិផ្សេងទៀត សំខាន់ជាប្រវត្តិសាស្ត្រតាំងពីជំនាន់ដើមរៀងរហូតមក ស្របជាមួយភាពសប្បាយរីករាយក្នុងពិធីនេះផង។
អាជីករមួយរូបបានលើកឡើងនៅព្រឹកថ្ងៃទី១៥ខែវិច្ឆកានេះថា ការផ្អាកបន្តទៀតនៅឆ្នាំនេះពិតជារឿងខកចិត្ត ខណះពួកគាត់ត្រៀមខ្លួនអាចលក់ដូរខ្លះៗដើម្បីរកផលកម្រៃសេដ្ឋកិច្ចគ្រួសារ។
ការត្រៀមខ្លួនរបស់ពលរដ្ឋនិងយុវជនសិស្សានុសិស្សក្នុងខេត្តបាត់ដំបង ដើម្បីចូលរួមក្នុងពិធីនេះត្រូវបានខកបំណងដោយសារវិបត្តិជំងឺកូវីដរារាំង។
ពាក់ព័ន្ធពិធីបុណ្យអុំទូកដែលពលរដ្ឋត្រៀមនឹងចូលរួមសប្បាយនេះ លោកសុខ លូ អភិបាលខេត្តបាត់ដំបងដែលទើបទទួលតំណែងថ្មីបានឆ្លើយតបសំនួរកម្ពុជាថ្មីយ៉ាងខ្លីដូច្នេះថា “អត់បានរៀបចំធ្វើទេ”។ លោកមិនបានពន្យល់ហេតុផលណាមួយ តាមរយះកម្ពុជាថ្មីដល់ពលរដ្ឋនិងយុវជនសិស្សានុសិស្ស ក៏ដូចជាមហាជនក្នុងខេត្តឲ្យបានយល់ច្បាស់អំពីហេតុផលនៃការខកខានប្រារព្វពិធីមួយនេះនោះទេ។
ពាក់ព័ន្ធពិធីបុណ្យអុំទូកប្រារព្ធធ្វើតាំងពីសម័យបុរាណកាលមកក្នុងរជ្ជកាលព្រះបាទជ័យវរ្ម័នទី៧ក្នុងឆ្នាំ (១១៨១នៃគ.ស) រហូតមកដល់បច្ចុប្បន្ន ដើម្បីរំលឹកដល់គំរូវីរភាពដ៏អង់អាចក្លាហានរបស់កងទ័ពជើងទឹកខ្មែរ។
រដ្ឋាភិបាលបានសម្រេចផ្អាកពិធីបុណ្យអុំទូកជាថ្មីម្តងទៀតសម្រាប់ឆ្នាំ២០២១នេះ ដោយបារម្ភអំពីការឆ្លងរាតត្បាតជំងឺកូវីដ១៩។ នៅឆ្នាំ២០២១នេះ ពិធីបុណ្យអុំទូក គ្រោងប្រព្រឹត្តទៅចាប់ពីថ្ងៃទី១៨ ដល់ថ្ងៃទី២០ ខែវិច្ឆិកា តែរដ្ឋាភិបាលបានសម្រេចផ្អាកពីរឆ្នាំជាប់គ្នា៕
អត្ថបទ៖ សៅ សារិទ្ធ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ