ព័ត៌មានជាតិ
រដ្ឋមន្រ្តី៖ អ្នកសារព័ត៌មានខ្លះ បំពានការងារសមត្ថកិច្ច ទៅថតផ្សាយផ្ទាល់ គ្មានការអនុញ្ញាត
រដ្ឋមន្ត្រីក្រសួងព័ត៌មានបានមានប្រសាសន៍ថា បច្ចុប្បន្ននេះមានអ្នកសារព័ត៌មានកម្ពុជាប្រមាណ ៨០ ភាគរយនៅមិនទាន់ចេះច្បាប់នានា និងមិនស្គាល់ពីវិជ្ជាជីវៈរបស់ខ្លួននៅឡើយទេ។
ថ្លែងនៅក្នុងសិក្ខាសាលាស្តីពី «ការអនុវត្តវិជ្ជាជីវៈ និងសេរីភាពសារព័ត៌មានក្នុងក្របខ័ណ្ឌច្បាប់នៃប្រទេសកម្ពុជា» នៅថ្ងៃទី១៦ ខែវិច្ឆិកានេះ លោក ខៀវ កាញារីទ្ធ រដ្ឋមន្ត្រីក្រសួងព័ត៌មានបានមានប្រសាសន៍ថា អ្នកសារព័ត៌មានភាគច្រើនជាស្ថាប័នសារព័ត៌មាននៅលើបណ្តាញសង្គម បានទៅបំពានការងាររបស់សមត្ថកិច្ច នគរបាល ដោយមិនមានការអនុញ្ញាតនោះឡើយដែលប្រការនេះ នាំឱ្យមានកំហុសដល់ការអនុវត្តវិជ្ជាជីវៈរបស់ខ្លួន។
លោករដ្ឋមន្ត្រីបានក្រើនរំឭកជាថ្មីម្តងទៀតដល់អ្នកសារព័ត៌មាន កុំឱ្យទៅថត ឬ ផ្សាយផ្ទាល់ នៅក្នុងដែនសមត្ថកិច្ចរបស់អជ្ញាធរកំពុងបំពេញកិច្ចការ។
លោករដ្ឋមន្ត្រីបានបន្តថា ការអនុវត្តវិជ្ជាជីវៈនិងស្គាល់ពីសេរីភាពជាអ្នកសារព័ត៌មានក្នុងក្របខ័ណ្ឌច្បាប់ ជាចំណុចដ៏សំខាន់ ប៉ុន្តែដើម្បីឱ្យមានសេរីភាពព័ត៌មានពិតប្រាកដនោះ ទាមទារការប្រកបអាជីពដោយវិជ្ជាជីវៈ សុច្ចរិតភាព ភាពត្រឹមត្រូវ ដែលឆ្លុះបញ្ចាំងពីទិដ្ឋភាពសង្គម នយោបាយ សេដ្ឋកិច្ច និងបញ្ហារបស់ប្រជាពលរដ្ឋ។
លោករដ្ឋមន្ត្រីបានបន្តទៀតថា បុគ្គលដែលជាអ្នកសារព័ត៌មាន ត្រូវដឹងពីច្បាប់ និងដែនសមត្ថកិច្ចរបស់ខ្លួន ចៀសវាងទៅបំពានវិជ្ជាជីវៈរបស់ខ្លួន ដូចក្នុងករណីសមត្ថកិច្ចនរគបាលមិនឱ្យចូលទៅថត ឬក៏ផ្សាយផ្ទាល់ចំពោះបទល្មើសអ្វីមួយដែលជាការសម្ងាត់របស់ជាតិ ឬកំពុងស្ថិតក្នុងដំណាក់ស៊ើបអង្កេតជាដើម។
ជាមួយគ្នានេះលោករដ្ឋមន្ត្រី ក៏បានអំពាវនាវនិងលើកទឹកចិត្តដល់អ្នកប្រកបវិជ្ជាជីវៈសារព័ត៌មានទាំងអស់ចូលរួមគោរពច្បាប់ និងក្រមសីលធម៌វិជ្ជាជីវៈសារព័ត៌មានឱ្យបានខ្ជាប់ខ្លួន៕
អត្ថបទ៖ សំអឿន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ចរាចរណ៍១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore