ព័ត៌មានជាតិ
សម្តេចក្រឡាហោ ស ខេង ឲ្យបន្តធ្វើអធិការកិច្ចប្រកបដោយតម្លាភាពលើករណីជនជាប់ឃុំរត់ចេញពីគុកបាននៅខេត្តស្ទឹងត្រែង
សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាក់នៅល្ងាចថ្ងៃទី ១៧ ខែវិច្ឆិកានេះថា កិច្ចប្រតិបត្តិការចាប់ខ្លួនមកវិញនូវទណ្ឌិតដែល បានលួចរត់ចេញពីពន្ធនាគារខេត្តស្ទឹងត្រែងដែលនៅពេលនេះបានបញ្ចប់ហើយ ដោយបានចាប់ខ្លួនជនទាំង៧ នាក់នោះត្រឡប់មកវិញដោយជោគជ័យ។ ក៏ប៉ុន្តែសម្តេច បានបញ្ជាក់ជាថ្មីថា ដំណើរការអធិការកិច្ចចំពោះបញ្ហាដែលបានកើតឡើងធ្វើឲ្យជនជាប់ឃុំរត់រួចពីពន្ធនាគារនោះ គឺនៅកំពុងដំណើរការនៅឡើយហើយនឹងធ្វើកិច្ចការនេះ ប្រកបដោយការទទួលខុសត្រូវនិងតម្លាភាព។
សមត្ថកិច្ចមូលដ្ឋានបញ្ជាក់ឲ្យដឹងនៅថ្ងៃទី១៧ ខែវិច្ឆិកានេះថា បានបញ្ចប់ការចាប់ខ្លួនជនជាប់ឃុំចំនួន ៧ នាក់មកវិញហើយ ដែលទណ្ឌិតទាំងនោះបានវាយទម្លុះជញ្ជាំង ពន្ធនាគារលួចរត់គេចខ្លួនកាលពីយប់ថ្ងៃទី៨ ខែវិច្ឆិកា ឆ្នាំ២០២១ កន្លងទៅនេះ។
សម្តេចក្រឡាហោម ស ខេង បានថ្លែងថា ក្នុងនាមថ្នាក់ដឹកនាំក្រសួងមហាផ្ទៃ និងខ្លួនខ្ញុំផ្ទាល់ ខ្ញុំសូមសម្ដែងនូវការកោតសរសើរដល់សមត្ថកិច្ចពាក់ព័ន្ធទាំងអស់ ដែលបានខ្នះខ្នែងធ្វើកិច្ចប្រតិបត្តិការក្នុងស្មារតីទទួលខុសត្រូវខ្ពស់ និងប្រកបដោយវិជ្ជាជីវៈព្រមទាំងការចូលរួមរបស់បងប្អូនប្រជាពលរដ្ឋទាំងអស់ដើម្បីសម្រេចបានជោគជ័យនៅ ក្នុងប្រតិបត្តិការនេះ។ ទន្ទឹមនឹងនេះ សម្តេចក្រឡាហោម ស ខេង បានបញ្ជាក់ជាថ្មីថា «ដំណើរការអធិការកិច្ចចំពោះបញ្ហាដែលបានកើតឡើងធ្វើឲ្យជនជាប់ឃុំរត់រួចពីពន្ធនាគារនោះ គឺនៅកំពុងដំណើរការនៅឡើយ ហើយនឹងធ្វើកិច្ចការនេះប្រកបដោយការទទួលខុសត្រូវនិងតម្លាភាព»។
សម្តេចក្រឡាហោមបានលើកឡើងបន្ថែមថា លទ្ធផលជោគជ័យនៃប្រតិបត្តិការនេះពិតជាកើតឡើងបានដោយសារតែមានការចូលរួមរបស់ប្រជាពលរដ្ឋដែលបានជួយ ស្រាវជ្រាវនិងរាយការណ៍ជូនសមត្ថកិច្ចឈានទៅដល់ការចាប់បានមកវិញនូវទណ្ឌិតដែលសុទ្ធជាឧក្រិដ្ឋជនគ្រឿងញៀនហើយនេះគឺជាការបង្ហាញថា គ្រប់សកម្មភាពសង្គមអាចសម្រេចបានគឺពិតជាមានការចូលរួមរបស់ប្រជាពលរដ្ឋហើយវាជាមោទនភាពដែលលទ្ធផលនេះ បានបង្ហាញថា ប្រជាពលរដ្ឋពិតជាមានការយល់ដឹងនិងបានចូល រួមក្នុងគោលនយោបាយភូមិឃុំមានសុវត្ថិភាព ក៏ដូចជាការថែរក្សាសន្តិសុខសុវត្ថិភាពសង្គមផងដែរ ៕
ដោយ ៖ ណារី
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore