ព័ត៌មានជាតិ
៣ថ្ងៃនៃពិធីបុណ្យអុំទូក ខេត្តបាត់ដំបង ទទួលបានភ្ញៀវទេសចរជាង ៣ម៉ឺននាក់
ទោះបីជាខេត្តបាត់ដំបង មិនបានប្រារព្វពិធីបុណ្យអុំទូកក៏ដោយ តែភ្ញៀវទេសចរមកពីគ្រប់ទិសទី បានទៅលេងកម្សាន្តតាមរមណីដ្ឋាននានា ក្នុងភូមិសាស្ត្រខេត្តបាត់ដំបង ដោយក្នុងរយៈពេល ៣ថ្ងៃមកនេះ មានភ្ញៀវទេសចរទៅលេងកម្សាន្ដជាង ៣ម៉ឺននាក់។
លោក អ៊ុច អ៊ុំភីនីស្សារ៉ា ប្រធានមន្ទីរទេសចរណ៍ខេត្តបាត់ដំបង បានឲ្យដឹងថា រមណីយដ្ឋាន និងតំបន់ទេសចរណ៍សំខាន់ៗ ដែលជាគោលដៅមានសក្តានុពល ក្នុងភូមិសាស្ត្រខេត្តបាត់ដំបង រួមមាន៖ រមណីយដ្ឋានប្រាសាទបាណន់, រមណីយដ្ឋានភ្នំសំពៅ, ទស្សនាហ្វូងសត្វប្រចៀវល្អាងភ្នំពៅ, រមណីយដ្ឋានប្រាសាទឯកភ្នំ, អាងទឹកកំពីងពួយ, រមណីយដ្ឋានស្ទឹងថ្មដា, រមណីយដ្ឋានទឹកធ្លាក់ ៥៣ ក្នុងស្រុកភ្នំព្រឹក, រមណីយដ្ឋាននគរជុំភ្នំព្រឹក, ភ្នំកំពូល, វត្តល្អាងកង្កែប, វត្តនាងរំសាយសក់, វត្តភ្នំជីហង្ស, រមណីយដ្ឋានវត្តភ្នំចំបាំង និងសហគមន៍អេកូទេសចរណ៍ទឹកធ្លាក់អូរជាំ, ល្អាងភ្នំប្រាំពីរ ជាដើម។
យោងតាមរបាយការណ៍ របស់មន្ទីរទេសចរណ៍ខេត្តបាត់ដំបង បានបញ្ជាក់ឲ្យដឹងថា អំឡុងពេលព្រះរាជពិធីបុណ្យអុំទូក បណ្តែតប្រទីប និងសំពះខែ អកអំបុក រយ:ពេល ៣ថ្ងៃ ចាប់ពីថ្ងៃទី ១៨ ដល់ថ្ងៃទី ២០ ខែវិច្ឆកា ឆ្នាំ ២០២១ខេត្តបាត់ដំបង បានទទួលភ្ញៀវទេសចរណ៍ជាតិ និងអន្តរជាតិ ចូលលេងកម្សាន្ដតាមតំបន់កម្សាន្តនានា មានចំនួន៣៨,៦២៨នាក់។ ក្នុងនោះភ្ញៀវទេសចរជាតិមានចំនួន ៣៨,៥៦៥នាក់ និងភ្ញៀវទេសចរអន្តរជាតិ នៅក្នុងប្រទេសស្រាប់មានចំនួន ៦៣នាក់ផងដែរ។
ការដើរកម្សាន្ត ក្នុងរយៈពេល ៣ថ្ងៃមកនេះ ទាំងភ្ញៀវទេសចរ ទាំងម្ចាស់រមណីយដ្ឋាន គោលដៅទេសចរណ៍នានាក្នុងខេត្ត បានចូលរួមអនុវត្តតាមការណែនាំ របស់រាជរដ្ឋាភិបាល និងក្រសួងសុខាភិបាល ដោយបានអនុវត្តវិធានការការពារខ្លួនពីជំងឺកូវីដ-១៩ បានយ៉ាងល្អប្រសើរ៕
អត្ថបទ៖ សៅ សារិទ្ធ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២៣ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល