ព័ត៌មានជាតិ
មន្ទីរសាធារណការ ខេត្តបន្ទាយមានជ័យ អនុញ្ញាតឲ្យមានក្រុមហ៊ុន ប្តូរចង្កូតរថយន្តពីស្តាំទៅឆ្វេងចំនួន ៣ក្នុងខេត្ត
លោក សុក ចន្ថា ប្រធានមន្ទីរសាធារណការ និងដឹកជញ្ជូន ខេត្តបន្ទាយមានជ័យ បានឲ្យដឹងថា ក្រសួងសាធារណការ និងដឹកជញ្ជូន បានអនុញ្ញាតឲ្យមានក្រុមហ៊ុន ប្តូរចង្កូតរថយន្តពីស្តាំទៅឆ្វេងចំនួន ៣ ដាក់ក្នុងខេត្តបន្ទាយមានជ័យ។
លោក សុក ចន្ថា ប្រាប់ភ្នាក់ងារកម្ពុជាថ្មីប្រចាំខេត្តបន្ទាយមានជ័យ នៅព្រឹកថ្ងៃទី ២២ ខែវិច្ឆិកានេះថា ក្រុមហ៊ុន ៣ដែលនឹងធ្វើប្រតិបត្តិការ ប្តូរចង្កូតរថយន្តពីស្តាំទៅឆ្វេងនោះ រួមមាន៖ ១. ក្រុមហ៊ុន អេស.ធី.ភី អ៊ិនធើណេស្រូណល(ខេមបូឌា) ផាប្លិក [ S.T.P International (Cambodia) Public Co.,Ltd ] អាស័យដ្ឋានផ្ទះលេខ T168 មហាវិថីព្រះនរោត្តម សង្កាត់ទន្លេបាសាក់ ខណ្ឌចម្ការមន រាជធានីភ្នំពេញ មកដាក់សាខានៅខេត្តបន្ទាយមានជ័យ នៅផ្លូវជាតិលេខ ៥ ភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ រោងហូបការទល់មុខស្នងការដ្ឋាន នគរបាលខេត្តបន្ទាយមានជ័យ បានលើកស្លាកហើយ តែមិនទាន់រៀបចំសម្រាប់ដំណើរការនៅឡើយ។
ទី២. ក្រុមហ៊ុនសុវណ្ណយន្ត (SOVANN YAUN Co.,Ltd) អាស័យដ្ឋានផ្ទះលេខ ២៦៥Eo ផ្លូវឧកញ៉ាទេពផន (លេខ ១៨២) សង្កាត់ទឹកល្អក់ ២ ខណ្ឌទួលគោក រាជធានីភ្នំពេញ ក្រុមហ៊ុននេះ បានមកលើកស្លាកនៅផ្លូវជាតិលេខ ៥ជាប់ របងខាងលិចមន្ទីរសាធារណការ និងដឹកជញ្ជូនខេត្ត ភូមិគាប សង្កាត់ទឹកថ្លា ក្រុងសិរីសោភ័ណ។ និង៣. ក្រុមហ៊ុន ភីធីអ៊ីម អាស៊ាន (PTM ASIA Co.,Ltd ) អាស័យដ្ឋានផ្ទះលេខ ៥៧ ផ្លូវជាតិលេខ ៣ សង្កាត់ចោមចៅ ខណ្ឌដង្កោ រាជធានីភ្នំពេញ ក្រុមហ៊ុននេះ មិនទាន់ទៅលើកស្លាក ឬមានទីតាំងខ្លួននៅឡើយនោះទេ។
លោក សុក ចន្ថា បានបញ្ជាក់ថា មន្ទីរសាធារណការ និងដឹកជញ្ចូន បានអនុញ្ញាតក្រុមហ៊ុនទាំង ៣ ដូចខាងលើ ធ្វើអាជីវកម្ម ប្តូរចង្កូតរថយន្តពីស្តាំទៅឆ្វេង នៅក្នុងខេត្តបន្ទាយមានជ័យ ហើយការប្តូរចង្កូតរថយន្តស្តាំ មកឆ្វេងនេះ ក្រោយពីរាជរដ្ឋាភិបាល ប្រកាសឲ្យរថយន្ត ដែលជ្រកក្រោមផ្លាកលេខក្រសួង-ស្ថាប័នរដ្ឋ និងផ្លាកលេខផ្សេងទៀត ពិសេសរថយន្តចង្កូតស្តាំ ចូលខ្លួនមកបំពេញកាតព្វកិច្ច បង់ពន្ធអាករនាំចូល និងនិតិវិធីប្តូរចង្កូតពីស្តាំមកឆ្វេង ដើម្បីយកទៅអនុវត្តចុះ ក្នុងបញ្ជីសម្គាល់យានយន្តឲ្យបានត្រឹមត្រូវ ស្របច្បាប់ដែលបានកំណត់។
មន្ទីរសាធារណការ និងដឹកជញ្ជូនខេត្ត បានណែនាំដល់ម្ចាស់រថយន្ត ទៅត្រូវបំពេញកាតព្វកិច្ចបង់ពន្ធគយ និងបែបបទបច្ចេកទេស ជាមួយសមត្ថកិច្ចជំនាញ និងក្រុមហ៊ុនដូចខាងលើ ឲ្យបានត្រឹមត្រូវ៕
អត្ថបទ៖ វ៉ាន់ ណាង
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល