Connect with us

ព័ត៌មានជាតិ

ក្រសួង​តម្រូវ​ឲ្យ​ផ្សារ​ទំនើប ធនាគារ និង​កន្លែង​ប្រកប​អាជីវកម្ម​ត្រូវ​តាមដាន​សុខភាព​បុគ្គលិក​របស់​ខ្លួន​ជាប្រចាំ

បានផុស

នៅ

ភ្នំពេញ ៖​ រដ្ឋមន្ត្រី​ក្រសួងសុខាភិបាល​បាន​ណែនាំ​ដល់​ផ្សារ​ទំនើប ធនាគារ និង​កន្លែង​ប្រកប​អាជីវកម្ម​ត្រូវ​តាមដាន​សុខភាព​បុគ្គលិក​របស់​ខ្លួន​រាល់​ថ្ងៃជា​រៀងរាល់ថ្ងៃ យ៉ាងតិច​៣​ដង ក្នុង​១​ថ្ងៃ​ដើម្បី​ចូលរួម​ទប់ស្កាត់​ការឆ្លង​ជំងឺ​កូ​វីដ​១៩​ចូល​សហគមន៍​។

យោង​តាម​សេចក្តី​ណែនាំ​ស្តីពី​ពង្រឹង​ការអនុវត្ត​វិធានការ​អនាម័យ​បន្ថែម​នៅ​តាម​ផ្សារ​ទំនើប ធនាគារ និង​កន្លែង​ប្រកប​អាជីវកម្ម​ចុះ​ថ្ងៃទី​៤​ធ្នូ​នេះ​លោក​សាស្ត្រាចារ្យ ម៉ម​ប៊ុនហេង​រដ្ឋមន្ត្រី​ក្រសួងសុខាភិបាល​បាន​ណែនាំ​ដល់​អាជីវករ​ផ្សារ​ទំនើប ធនាគារ និង​កន្លែង​ប្រកប​អាជីវកម្ម​ផ្សេងៗ​ត្រូវ​ឲ្យ​បុគ្គលិក​បម្រើការ​ងារ​ទាំង​អស់​ត្រូវ​ពាក់​ម៉ាស និង​របាំងមុខ​ការពា​រ​ឱ្យបាន​ត្រឹមត្រូវ និង​ជាប់​ជាប្រចាំ​។​ចំណែក​អតិថិជន​ទាំងអស់​ត្រូវ​ពាក់​ម៉ាស់​វេជ្ជសាស្ត្រ ឬ​ម៉ាស​ក្រណាត់ ឱ្យបាន​ត្រឹមត្រូវ និង​ជាប់​ជានិច្ច​ទាំងអស់​គ្នា​ផងដែរ​។

ជាង​នេះទៀត​ផ្សារ​ទំនើប ធនាគារ និង​កន្លែង​ប្រកប​អាជីវកម្ម​ត្រូវ​បំពាក់​ម៉ាស៊ីន​វាស់​កំដៅ​ស្វ័យប្រវត្តិ ឬ​ទែ​ម៉ូ​ម៉ែត្រ​វាស់​កំដៅ​ដោយ​ដៃ និង​អាល់កុល ឬ​ជែ​ល​លាងដៃ នៅ​គ្រប់​ច្រកចូល និង​ដាក់​អាល់កុល ឬ​ជែ​ល​លាងដៃ នៅក្នុង​ទីតាំង​ប្រតិបត្តិការ​របស់ខ្លួន និង​តម្រូវឱ្យ​លាងដៃ​ជា​ញឹក​ជាប់ ជាពិសេស​បន្ទាប់ពី​បាន​ប៉ះពាល់​វត្ថុ​ផ្សេងៗ ក្រោយពេល​ចូល​បន្ទប់ទឹក និង​មុនពេល​បរិភោគ​អាហារ​។​ល​។

រៀបចំ​ទីតាំង​ឈរ ឬ​អង្គុយ​សម្រាប់​បុគ្គលិក និង​អតិថិជន​របស់ខ្លួន ដោយ​រក្សា​គម្លាត​សុវត្ថិភាព​យ៉ាងតិច​១.៥​ម៉ែត្រ ពី​បុគ្គល​ម្នាក់​ទៅ​បុគ្គល​ម្នាក់​ហើយ​ការធ្វើ​បដិសណ្ឋារកិច្ច ត្រូវ​ធ្វើតាម​ទំនៀប​ទម្លាប់​ប្រពៃណី​ខ្មែរ ដោយ​លើកដៃ​សំពះ ចៀស​វា​ការ​ចាប់ដៃគ្នា​។​

ក្រសួង​បាន​ណែនាំ​ទៀតថា ​ម្ចាស់​អាជីវកម្ម អ្នកគ្រប់គ្រង និង​បុគ្គលិក​បម្រើការ​ងារ​ទាំង​អស់​ត្រូវ​រាយការណ៍ ឲ្យ​បាន​ឆាប់​ជូន​ដល់​អាជ្ញាធរ​ពាក់ព័ន្ធ ឬ​ក្រុម​ឆ្លើយតប​បន្ទាន់​តាម​ប្រព័ន្ធ​ទូរសព្ទ​ទាន់​ហេតុការណ៍ ១១៥ ដោយ​មិន​គិតថ្លៃ រាល់ពេល​សង្កេតឃើញ​មាន​ករណី​សង្ស័យ​ចូលក្នុង​និយមន័យ នៃ​ជំងឺ​កូ​វីដ​១៩​។

គួរ​បញ្ជាក់​ថា​ គិត​ត្រឹម​ម៉ោង​៧​ព្រឹក​ថ្ងៃទី​០៤ ខែធ្នូ ឆ្នាំ​២០២០​កម្ពុជា​រកឃើញ​អ្នក​ឆ្លង​កូ​វីដ​១៩ សរុប​៣៣៥​នាក់​ស្ត្រី ៧៦​នាក់ និង​បុរស ២៥៩​នាក់​ក្នុងនោះ​ចំនួន​អ្នក​ព្យាបាល​ជាសះស្បើយ​សរុប​ទូទាំងប្រទេស មាន​ចំនួន ៣០៤​នាក់ និង​អ្នក​សម្រាក​ព្យាបាល​នៅ​មន្ទីរពេទ្យ​ចំនួន ៣១​នាក់​៕
ដោយ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម