Connect with us

ព័ត៌មានជាតិ

ក្រសួងសង្គមកិច្ច ប្តេជ្ញាលើកកម្ពស់សិទ្ធិស្ត្រី និងកុមារី មានពិការភាព

បានផុស

នៅ

មន្ត្រីជាន់ខ្ពស់ក្រសួងសង្គមកិច្ច អតីតយុទ្ធជន និងយុវនីតិសម្បទាបានមានប្រសាសន៍ថា ក្រសួងមានការប្តេជ្ញាចិត្តយ៉ាងមុតមាំ ក្នុងការធានាថាស្រ្តី និងកុមារី ពិសេសស្ត្រី និងកុមារីមានពិការភាពទាំងអស់ ឱ្យទទួលបានសិទ្ធិ ឱកាសស្មើភាព និងការការពារ ហើយជំរុញឱ្យសំឡេងរបស់ពួកគេដាក់ចូលទៅក្នុងដំណើរការធ្វើការសម្រេចចិត្ត។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងវគ្គបណ្តុះបណ្តាលស្តីពី សមភាពយេនឌ័រ នៅព្រឹកថ្ងៃទី ២៣ ខែវិច្ឆិកានេះ លោក ឯម ច័ន្ទមករា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា និងជាអគ្គាលេខាធិការ នៃអគ្គលេខាធិការដ្ឋានក្រុមប្រឹក្សាសកម្មភាពជនពិការ បានបន្តថា វគ្គបណ្តុះបណ្តាលនាពេលនេះបានឆ្លុះបញ្ចាំងពីការបន្តប្តេជ្ញាចិត្ត រួមគ្នារបស់ក្រសួង ស្ថាប័ន និងអង្គការដៃគូពាក់ព័ន្ធនឹងសមភាពយេនឌ័រ ក្រោយវិបត្តិ និងការស្តារឡើងវិញពីការរីករាលដាលនៃជំងឺកូវីដ-១៩។

លោកបានបន្តថា៖ “ពេញមួយដំណាក់កាលនៃការស្តារឡើងវិញក្រោយវិបត្តិកូវីដ-១៩ យើងត្រូវធានាថា វឌ្ឍនភាពដ៏លំបាកលើសមភាពយេនឌ័រក្នុងរយៈពេលប៉ុន្មានទសវត្សរ៍កន្លងមកនេះនឹងមិនត្រូវបានលុបចោលដោយផលប៉ះពាល់នៃជំងឺរាតត្បាតនោះទេ។ ដោយហេតុផលនេះ យើងនឹងបង្កើនកិច្ចខិតខំប្រឹងប្រែងរបស់យើងក្នុងការបង្រួមគម្លាតយេនឌ័រនៃវិស័យការងារសេដ្ឋកិច្ច អប់រំ សុខភាព ការអភិវឌ្ឍជំនាញ និងការទទួលបានការផ្តល់ហិរញ្ញវត្ថុ ព្រមទាំងសេវា។ល។”។

លោករដ្ឋលេខាធិការបានបន្តទៀតថា ក្នុងបរិបទខាងលើនេះ ក្រសួងសង្គមកិច្ច នៅតែប្តេជ្ញាចិត្តយ៉ាងពេញទំហឹងក្នុងការជួយឱ្យសម្រេចបាននូវគោលដៅ SDG ប្រកបដោយមហិច្ឆិតា រួមទាំងបញ្ហាសមភាពយេនឌ័រផងដែរ។ ដូចជាបញ្ហាសុខភាពបន្តពូជ ភាពជាអ្នកដឹកនាំរបស់ស្ត្រី និងការពង្រឹងភាពធន់របស់ស្ត្រីតាមរយៈការគាំពារសង្គម ក៏ត្រូវបានដាក់បញ្ចូលក្នុងផែនការសកម្មភាពដើម្បីប្រែក្លាយទៅជាការអនុវត្តដ៏មានប្រសិទ្ធភាព។

លោក ឯម ច័ន្ទមករា បានបន្ថែមថា ប៉ុន្មានឆ្នាំមកនេះ យើងបានត្រួសត្រាយផ្លូវថ្មី និងស្វែងរកការបើកឱកាសកាន់តែច្រើនសម្រាប់ស្ត្រី និងកុមារីដែលមានពិការភាពដើម្បីទទួលបានអត្ថប្រយោជន៍ពេញលេញពីផែនការយុទ្ធសាស្ត្រជាតិស្តីពី ពិការភាពរបស់យើង។ ដូចជាការបង្កើតឱកាសការងារដែលមានជំនាញសម្រាប់ស្ត្រី ការសម្របសម្រួលដល់សហគ្រិនស្រ្តីឱ្យទទួលបានហិរញ្ញវត្ថុ និងការបណ្តុះបណ្តាលដើម្បីពង្រីកអាជីវកម្មរបស់ពួកគេ។

លោកបានបញ្ជាក់ថា៖ “ថ្ងៃនេះ យើងនឹងបានស្ដាប់ឧទាហរណ៍បន្ថែមទៀតអំពីរបៀបដែ សមភាពយេនឌ័រ ត្រូវបានគិតគូរនិងដាក់បញ្ចូលទៅក្នុងការឆ្លើយតបក្រោយ វិបត្តិកូវីដ-១៩ ពិសេសការយល់ដឹងជាមូលដ្ឋានអំពី “សមភាពយេនឌ័រ” ដើម្បីយើងអាចកំណត់បាននូវការផ្តល់សេវាឆ្លើយតបប្រកបដោយគុណភាព ប្រសិទ្ធភាព និងសមភាពយេនឌ័រចំពោះស្រ្តីនិងក្មេងស្រីមានពិការភាព”។

លោកមានជំនឿយ៉ាងមុតមាំថា តាមរយៈការរៀបចំវគ្គបណ្តុះបណ្តាលនាពេលនេះ នឹងក្លាយជាបច្ច័យគំនិតដែលធ្វើឱ្យស្ត្រីនិងកុមារីដែលមានពិការភាពទទួលបានសិទ្ធិយ៉ាងពេលលេញហើយក្លាយជាការពិត ដើម្បីឈានទៅរកសមភាពយេនឌ័រ។

លោកស្រី អាន រ៉យខៀវ ប្រធានក្រុមការងារនៃកម្មវិធីសហប្រតិបត្តិការអូស្ត្រាលីកម្ពុជាដើម្បីផ្ដល់សេវាប្រកបដោយនិរន្តភាព និងសមធម៌ ជឿជាក់ថា វគ្គបណ្តុះបណ្តាលនេះនឹងជួយដល់អ្នកចូលរួមក្នុងការបង្កើនចំណេះដឹង និងជំនាញផ្នែក សមភាពយេនឌ័រ ហើយអ្នកចូលរួមនឹងកំណត់រកពីជំហ៊ាន និងសកម្មភាពជាក់ស្តែងក្នុងការលើកកម្ពស់ឱកាសស្មើភាព គ្នាសម្រាប់ស្ត្រី និងក្មេងស្រីមានពិការភាព ហើយនេះគឺជាឱកាសដ៏ពិសេសក្នុងការចែករំលែក និងរៀនពីគ្នាទៅវិញទៅមក និង ពីក្រុមអ្នកសម្របសម្រួលដែលមានបទពិសោធន៍៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ចរាចរណ៍៤០ នាទី មុន

រថយន្តក្រុងធ្លាក់ជ្រោះនៅអាហ្វ្រិកខាងត្បូង ស្លាប់មនុស្ស៤៥នាក់ រស់តែកុមារីអាយុ៨ឆ្នាំម្នាក់

ព័ត៌មានអន្ដរជាតិ១ ម៉ោង មុន

លោក ហ្សេលេនស្គី ថា ទាល់មានខែលការពារអាកាស ទើបប្រជាជនអ៊ុយក្រែន យកកូន

ព័ត៌មានជាតិ១១ ម៉ោង មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ១២ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ១៣ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ព័ត៌មានជាតិ៦ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៥ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម