ព័ត៌មានជាតិ

អាជ្ញាធរសង្កាត់ចោមចៅទី៣កៀរអាចម៍ដី សំអាតតាមបណ្តោយផ្លូវជាតិលេខ៤

បានផុស

២ years មុន

នៅ

ថ្ងៃអង្គារ ២៣ វិច្ឆិកា ២០២១

ដោយ

ភ្នំពេញ ៖ នៅរសៀលថ្ងៃទី២៣ ខែវិច្ឆិកា ឆ្នាំ២០២១ លោក វ៉ា សាវឿន ចៅសង្កាត់ចោមចៅទី៣ លោក អ៊ឹម វណ្ណា ចៅសង្កាត់រងទី១ នឹងលោកសុទ្ធ សុជាតិ ចៅសង្កាត់រងទី២ បានដឹកនាំក្រុមប្រឹក្សានិងប្រជាការពារសង្កាត់យកសារស៊រកៀរអាចម៍ដីចេញពីផ្លូវជាតិលេខ៤ នៅចំណុចមុខសាលារៀនបឋមសិក្សាហ៊ុនសែនជម្ពូវ័ន ភូមិជម្ពូនវ័ន១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ដើម្បីឱ្យបរិស្ថានស្អាតនិងកុំឱ្យប៉ះពាល់ដល់សុខភាពបងប្អូនប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ា សាវឿន ចៅសង្កាត់ចោមចៅទី៣ បានឲ្យដឹងថា ដោយសារតែមួយរយៈនេះមេឃបានបង្អើលទឹកភ្លៀងមកស្ទើរជារៀងរាល់ថ្ងៃធ្វើឱ្យកម្ទេចអាចម៍ដីជាច្រើនគរជាប់នឹងចិញ្ចើមផ្លូវដោយសារឃើញដូចនេះទើបលោកដឹកនាំក្រុមប្រឹក្សានិងប្រជាការពារសង្កាត់ចុះសារស៊រនឹងប៉ែលឈូសកៀតសំអាតឲ្យមានបរិស្ថានស្អាតឡើងវិញជៀសវាងប៉ះពាល់ដល់សុខភាពបងប្អូនប្រជាពលរដ្ឋដែលរស់នៅក្បែរនោះនិងអ្នកធ្វើដំណើរជាដើម។

ក្នុងឱកាសនោះផងដែរលោក វ៉ា សាវឿន ចៅសង្កាត់ចោមចៅទី៣ សូមសំណូមពរដល់បងប្អូនប្រជាពលរដ្ឋដែលរស់នៅក្នុងតំបន់នោះ ក៏ដូចជាអ្នកធ្វើដំណើរសូមចូលរួមសំអាតបរិស្ថានទាំងអស់គ្នា និងកុំភ្លេចថែរក្សាសុខភាពអនុវត្តតាមក្រសួងសុខាភិបាល៕

ដោយ ៖ សុខា