ព័ត៌មានជាតិ
រដ្ឋមន្រ្តីសេដ្ឋកិច្ចជំរុញវិស័យវាយតម្លៃអចលនវត្ថុកម្ពុជារៀបចំស្តង់ដារឲ្យបានឆាប់
រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុលោក អូន ព័ន្ធមុនីរ័ត្ន បានជំរុញឲ្យវិស័យវាយតម្លៃអចលនវត្ថុកម្ពុជា រៀបចំស្តង់ដារឲ្យបានឆាប់ ដើម្បីលើកកម្ពស់ការងារវិជ្ជាជីវៈ និងគុណវុធអ្នកវាយតម្លៃអចលនវត្ថុ ឲ្យកាន់តែប្រសើរ។ លោករដ្ឋមន្រ្តីថ្លែងបែបនេះ នៅក្នុងសមាជលើកទី២៣ ក្រោមប្រធានបទ «ការវាយតម្លៃអចលនវត្ថុ ក្នុងអំឡុងនៃការរីករាលដាលជំងឺកូវីដ-១៩» របស់សមាគមអ្នកវាយតម្លៃអចលនវត្ថុអាស៊ាន (ASEAN Valuers Association – AVA) នាព្រឹកថ្ងៃទី ២៥ ខែវិច្ឆិកា ឆ្នាំ២០២១។
លោក អូន ព័ន្ធមុនីរ័ត្ន បានថ្លែងដូច្នេះថា «ខ្ញុំសង្ឃឹមថា តាមរយៈយន្តការនៃសមាជអ្នកវាយតម្លៃអចលនវត្ថុអាស៊ាននេះ កិច្ចសហប្រតិបត្តិការ ការសិក្សាស្វែងយល់ និងផ្លាស់ប្តូរបទពិសោធន៍ ក្នុងចំណោមអ្នកចូលរួម និងអាចក្លាយជាធាតុចូលដ៏សំខាន់ សម្រាប់រៀបចំច្បាប់ បទបញ្ញត្តិ និងគោលនយោបាយ ពាក់ព័ន្ធនឹងវិស័យអចលនវត្ថុ នៅក្នុងប្រទេសសមាជិកទាំងអស់ ពិសេសនៅកម្ពុជាផ្ទាល់»។
លោករដ្ឋមន្រ្តី បានស្នើអង្គសមាជពិនិត្យលទ្ធភាព ក្នុងការគិតគូ និងផ្តល់យោបល់លើចំណុចសំខាន់ៗមួយចំនួន ដើម្បីជំរុញវិស័យអចលនវត្ថុ ប្រកបដោយចីរភាព ប្រសិទ្ធភាព។ ក្នុងនោះលោករដ្ឋមន្រ្តី បានផ្តល់ជាអនុសាសន៍ចំនួន៥ចំណុចសំខាន់ដូច្នេះថា «រៀបចំស្តង់ដារអ្នកវាយតម្លៃអចលនវត្ថុរួមមួយក្នុងក្របខណ្ឌតំបន់អាស៊ាន, សម្រាប់ប្រទេសដែលមិនទាន់មានស្តង់ដារវាយតម្លៃអចលនវត្ថុ ដូចជាកម្ពុជា គួររៀបចំស្តង់ដារ វាយតម្លៃអចលនវត្ថុនេះឡើងឲ្យបានឆាប់ , ជំរុញលើកកម្ពស់ការងារវិជ្ជាជីវៈ និងគុណវុធអ្នកវាយតម្លៃអចលនវត្ថុ ឲ្យកាន់តែប្រសើរ, ពង្រឹងកិច្ចសហប្រតិបត្តិការវាងឯកជន និងឯកជន ឯកជននិងនិយ័តករ និងរវាងនិយ័តករ និងនិយ័តករផងដែរ តាមរតាមរយៈការផ្លាស់ប្តូរជំនាញ និងបទពិសោធន៍តាមបច្ចេកវិទ្យា ការវិនិយោគ និងអាជីវកម្មរួមគ្នា»។
ទន្ទឹមនឹងនេះ លោក អូន ព័ន្ធមុនីរ័ត្ន បានសម្តែងសេចក្តីរីករាយដែលកម្ពុជាទទួលធ្វើជាម្ចាស់ផ្ទះក្នុងកម្មវិធីដែលមានសារសំខាន់នេះ។ លោកថា អ្នកវាយតម្លៃអចលនវត្ថុដើរនាទីយ៉ាងសំខាន់ក្នុងការអភិវឌ្ឍវិស័យអចលនវត្ថុនៅក្នុងប្រទេសនិងតំបន់។ «ខ្ញុំយល់ថា តំបន់អាស៊ាននឹងនៅតែមានសក្កតានុពល និងដើរតួនាទីយ៉ាងសំខាន់ស្តារសេដ្ឋកិច្ចឡើងវិញ»។
ទោះកម្ពុជា កំពុងប្រឈមនិងកូវីដ និងសម្របខ្លួនតាមប្រក្រតីភាពថ្មីក្តី តែវិស័យអចលនវត្ថុក្នុងប្រទេសនៅតែមានសក្កានុពលខ្ពស់ និងមានតម្លៃទាបសមរម្យសម្រាប់ការវិនិយោគ បើប្រៀបធៀបនឹងប្រទេសជិតខាងក្នុងនោះ រួមមានតំបន់សំខាន់ៗមួយចំនួន ដូចជា រាជធានីភ្នំពេញ និងខេត្តកណ្តាល ដែលគម្រោងសាងសង់អាកាសយាន្តដ្ឋានថ្មីកំពុងអនុវត្ត, ខេត្តព្រះសីហនុកំពុងតែត្រូវបានប្រែក្លាយ ជាតំបន់សេដ្ឋកិច្ចពិសេសពហុបំណង, ខេត្តសៀមរាបជាតំបន់ទេសចរណ៍ប្រវត្តិសាស្រ្ត , ក្រុងបាវិតដែលជាមាត់ច្រកព្រំដែនកម្ពុជាវៀតណាម និងក្រុងប៉ោយប៉ែត ជាមាត់ច្រកកម្ពុជាថៃ។
សូមបញ្ជាក់ថា កិច្ចប្រជុំកំពូល ក្រោមប្រធានបទ «ការវាយតម្លៃអចលនវត្ថុ ក្នុងអំឡុងពេលនៃការរីករាលដាលជំងឺកូវីដ-19» នេះ ធ្វើឡើងក្នុងគោលបំណង ដើម្បីពិភាក្សាអំពីទីផ្សារអចលនទ្រព្យ និងស្តង់ដារបច្ចេកទេសនៃការវាយតម្លៃក្នុងតំបន់អាស៊ាន អំឡុងនៃការរីករាលដាលជំងឺកូវីដ-១៩ ជាសកល។ កិច្ចប្រជុំនេះ មានការអញ្ជើញចូលរួមពីគណៈប្រតិភូមកពី ៨ ប្រទេសជាសមាជិកអាស៊ាន (និងអ្នកតំណាងមកពីឡាវ ភូមា) សហរដ្ឋអាមេរិក សហភាពអឺរ៉ុប ចិន ជប៉ុន និងប្រទេសកូរ៉េ៕
អត្ថបទ៖ ទួន សុផល
-
ព័ត៌មានជាតិ១៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)