ព័ត៌មានជាតិ
សហភាពអ៊ឺរ៉ុបផ្តល់មូលនិធិ ប្រមាណ ២,៨៥ លានអឺរ៉ូ សម្រាប់ទប់ស្កាត់ការរីករាល ជំងឺកូវីដ១៩នៅកម្ពុជា
សហភាពអឺរ៉ុប កាលពីម្សិលមិញបានប្រកាសផ្តល់មូលនិធិជាទឹកប្រាក់សរុបចំនួន ២០លានអឺរ៉ូ សម្រាប់គាំទ្រដល់ប្រព័ន្ធសុខាភិបាល នៅសហគមន៍អាស៊ាន ក្នុងនោះ ចំនួន២,៨៥ លានអឺរ៉ូ សម្រាប់ កម្ពុជា។
តាមរយៈប្រព័ន្ធផ្សព្វផ្សាយរបស់ខ្លួន កាលពីថ្ងៃទី០៤ ខែធ្នូ ស្ថានតំណាងសហភាពអឺរ៉ុបប្រចាំនៅកម្ពុជា បានប្រកាសបើកដំណើរការនូវកម្មវិធីថ្មីមួយ ដើម្បីជួយគាំទ្រដល់ប្រព័ន្ធសុខាភិបាលរបស់ដៃគូអភិវឌ្ឍទាំង៨ ដែលស្ថិតនៅក្នុងតំបន់អាស៊ាន។ កម្មវិធីឆ្លើយតបនិងការត្រៀមបង្ការជំងឺរាតត្បាត នៅតំបន់អាស៊ីអាគ្នេយ៍ នឹងត្រូវអនុវត្តកម្មវិធីដោយអង្គការសុខ ភាពពិភពលោក ដោយធ្វើការយ៉ាងជិតស្និទ្ធជាមួយ នឹងអាជ្ញាធរជាតិ និងលេខាធិការដ្ឋានអាស៊ាន។
សហភាពអឺរ៉ុបបញ្ជាក់ថា ក្នុងចំណែកនៃថវិកាសកលចំនួន២០លានអឺរ៉ូនោះ ថវិកាចំនួន២,៨៥ លានអឺរ៉ូ ដែលស្មើប្រមាណ ៣,៤៥ លានដុល្លារ នឹងត្រូវចំណាយនៅក្នុងប្រទេសកម្ពុជា។ កម្មវិធីនេះ នឹងត្រូវអនុវត្តដោយការិយាល័យអង្គការសុខភាពពិភពលោកនៅភ្នំពេញ និងសហការជាមួយក្រសួងសុខាភិបាល ដើម្បីគាំទ្រដល់ផែនការឆ្លើយតប ថ្នាក់ជាតិនៃការប្រយុទ្ធប្រឆាំងជំងឺរាតត្បាតកូវីដ-១៩។
សូមជម្រាបថា គិតត្រឹមម៉ោង០៧ព្រឹកថ្ងៃទី០៥ ខែធ្នូ ឆ្នាំ២០២០ នៅកម្ពុជាមានអ្នកឆ្លងវីរុសកូវីដ-១៩ ចំនួនសរុប ៣៤៥នាក់ ក្នុងនោះស្ត្រីចំនួន៨០ នាក់ និងបុរស២៦៥នាក់។ ក្នុងនោះចំនួនអ្នកព្យាបាលជាសះស្បើយសរុបទូទាំងប្រទេសមានចំនួន៣០៥នាក់ និងអ្នកសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត រាជធានីភ្នំពេញចំនួន៣៤នាក់ និងអ្នកសម្រាកព្យាបាល នៅមណ្ឌលនសុខភាពចាក់អង្រែ រាជធានីភ្នំពេញ ចំនួន០៦នាក់។
ដោយឡែកសម្រាប់អ្នកពាក់ព័ន្ធព្រឹត្តិការណ៍ “សហគមន៍ថ្ងៃទី២៨ វិច្ឆិកា” គិតចាប់ពីថ្ងៃទី២៩ ខែវិច្ឆិកា ដល់ថ្ងៃទី០៣ ខែធ្នូ ឆ្នាំ២០២០ ក្រសួងសុខាភិបាលបានធ្វើតេស្តអ្នកប៉ះពាល់សរុបទាំងអស់ចំនួន ១០១៤៧សំណាក់ ហើយនៅក្នុងចំនួននេះ មានអ្នកវិជ្ជមានពីរោះកូវីដ១៩ ថ្មីសរុបចំនួន២៩នាក់ ដែលកំពុងសម្រាកព្យាបាលនៅមន្ទីរពេទ្យមិត្តភាព-ខ្មែរសូវៀត៕
អត្ថបទ៖ កោះកែវ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore