Connect with us

ព័ត៌មានជាតិ

រដ្ឋបាលខេត្ត​រតនគិរី គ្រោង​នឹង​បំពាក់​ភ្លើង​បំភ្លឺ​ផ្លូវ​សាធារណៈ ដោយ​ប្រព័ន្ធ​បច្ចេកវិទ្យា​ឆ្លាត​វ៉ៃ នៅក្នុង​ភូមិសាស្ត្រ​ខេត្ត​

បានផុស

នៅ

រតនគិរី ៖ ដើម្បី​ជំរុញ​លើ​ការងារ​បំពាក់​ភ្លើង​បំភ្លឺ​ផ្លូវ​សាធារណៈ ឲ្យ​បាន​គ្រប់គ្រាន់​លើ​ផ្លូវ​នានា​ក្នុងភូមិ​សាស្ត្រ​ខេត្តរតនគិរី លោក ញ៉ែម សំអឿន អភិបាល នៃ​គណៈ​អភិបាលខេត្ត​រតនគិរី បានបង្ហាញ​ការគាំទ្រ​ពាក់ព័ន្ធ នឹង​គម្រោង​បំពាក់​ភ្លើង​បំភ្លឺ​ផ្លូវ​សាធារណៈ ដោយ​ប្រព័ន្ធ​បច្ចេកវិទ្យា​ឆ្លាត​វ៉ៃ នៅក្នុង​ខេត្តរតនគិរី​។ ការបង្ហាញ​ការគាំទ្រ​នេះ គឺ​ធ្វើ​ឡើង​នៅ​រសៀល​ថ្ងៃទី​២៥ ខែវិច្ឆិកា ឆ្នាំ​២០២១ នៅ​សាលប្រជុំ​សាលាខេត្ត ក្នុង​ឱកាស​ដែល​លោក​បានទទួល​ជួបពិភាក្សា​ការងារ​ជាមួយ​លោក អា អូ​គី ប្រធាន​នាយកដ្ឋាន​ផ្នែក​លក់​តំណាង​ក្រុមហ៊ុន ជប៉ុន មី​នេ​បៀ​ដែលជា​ក្រុមហ៊ុន ផ្គត់ផ្គង់​ភ្លើង​បំភ្លឺ​ផ្លូវ ឆ្លាត​វ៉ៃ​ប្រភេទ LED​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ក្នុង​ឱកាស​នោះ លោក អា អូ​គី បាន​សម្ដែង​នូវ​ការ​អរគុណ ចំពោះ​លោក​អភិបាលខេត្ត ដែល​បានអនុញ្ញាត​ឲ្យ​លោក និង​សហការី ចូល​ជួប​សម្ដែង​ការគួរសម ព្រមទាំង​បាន​ជម្រាបជូន​អំពី​គម្រោង​ដែល​ក្រុមហ៊ុន​បាន​សិក្សា​ពី​ទីតាំង​ភូមិសាស្ត្រ ដែល​រដ្ឋបាលខេត្ត​បានចង្អុលបង្ហាញ ក្នុងការ​បំពាក់​ភ្លើង​បំភ្លឺ ដែល​គ្រោង​នឹងធ្វើ​ការវិនិយោគ លើ​វិស័យ​ផ្គត់ផ្គង់​ភ្លើង​បំភ្លឺ​ផ្លូវ​សាធារណៈ​ឆ្លាត​វ៉ៃ​នៅលើ​ទឹកដី ខេត្តរតនគិរី​។ ក្នុង​នេះ​ភាគី​ក្រុមហ៊ុន​បានធ្វើ​បទ​បង្ហាញ​ពាក់ព័ន្ធ​នឹង​គម្រោង​បំពាក់​ភ្លើង​បំភ្លឺ​ផ្លូវ​សាធារណៈ​ដោយ​ប្រព័ន្ធ​បច្ចេកវិទ្យា​ឆ្លាត​វ៉ៃ​ជូន​លោក​អភិបាលខេត្ត​ផងដែរ​។

​លោក ញ៉ែម សំអឿន អភិបាលខេត្ត បាន​ថ្លែង​នូវ​ការ​អរគុណ​ចំពោះ​តំណាង​ក្រុមហ៊ុន​ជប៉ុន មី​នេ​បៀ ដែលមាន​បំណង​ធ្វើការ​វិនិយោគ​ភ្លើង​បំភ្លឺ​ផ្លូវ​សាធារណៈ​នៅពេលនេះ​។ ហើយ​រដ្ឋបាលខេត្ត​សង្ឃឹមថា ក្រុមហ៊ុន​នឹង​បន្ធូរបន្ថយ​នូវ​តម្លៃ​សមស្រប ទៅនឹង​បរិបទ នា​ពេល​បច្ចុប្បន្ន​នេះ ដើ​ម្បី​រដ្ឋបាលខេត្ត​រក​កញ្ចប់​ថវិកា សម្រេច លើ​គម្រោង​មួយ​នេះ​ឈានទៅ​ដាក់ឱ្យ​ដំណើរការ​។

លោក​អភិបាលខេត្ត បាន​បញ្ជាក់​ថា ក្នុងនាម​រដ្ឋបាល​ខេត្ត​រតនគិរី សូម​គាំទ្រ​សហការ ផ្តល់ឱកាស​ឲ្យ​ក្រុមហ៊ុន​វិនិយោគ​លើ​វិស័យ​ផ្គត់ផ្គង់ ភ្លើង​បំភ្លឺ​ផ្លូវ​សាធារណៈ​នៅ​ក្នុង​ខេត្ត​រតនគិរី ដែល​នឹង​រៀបចំ​ឡើង​នា​ពេល​ខាងមុខ ក្រោយ​ពិនិត្យ​សិក្សា និង​ឯកភាព​គ្នា​លើ​គម្រោង​មួយ​នេះ​រួចរាល់​៕

ដោយ ៖ វុ​ទ្ធ​ឦសាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ៣ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ៣ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ៦ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ៦ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម