ព័ត៌មានជាតិ
មន្ទីរសាធារណការ ខេត្តបន្ទាយមានជ័យ បន្តជួសជុលផ្លូវជាតិលេខ ៥ ដែលរងកាខូចខាតដោយសារជំនន់ទឹកភ្លៀង
លោក សុក ចាន់ថា ប្រធានមន្ទីសាធារណៈការ និងដឹកជញ្ជូនខេត្តបន្ទាយមានជ័យ បានឲ្យអ្នកយកព័ត៌មានដឹង នៅព្រឹកថ្ងៃទី ២៩ ខែវិច្ឆិកា ឆ្នាំ ២០២១ថា នៅឆ្នាំ២០២០ កន្លងមក ផ្លូវចាប់ពីចំណុចរង្វង់មូលស្រីគ្រប់ល័ក្ខ មកដល់ផ្លូវបំបែកទៅស្រុកមង្គលបូរី ដែលរងគ្រោះដោយទឹកជំននទឹកភ្លៀង និងទឹកហូរធ្លាក់មកពីស្រុកថៃយ៉ាងខ្លាំង បណ្តាលហូរកាត់ផ្លូវជាតិច្រោះដាច់ជាដុំៗ ច្រើនកន្លែង ពេលនេះកម្លាំងមន្ទីរសាធារណៈការដឹកជញ្ជូន ដឹកនាំដោយលោកផ្ទាល់ បានចាប់ផ្ដើមធ្វើការជួសជុលឡើងវិញនូវផ្លូវជាតិលេខ ៥ ដែលហូរច្រោះដាច់ដោយជំនន់ទឹកភ្លៀង ដែលការងារអនុវត្តតាមបទបញ្ជារបស់លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណៈការ និងដឹកជញ្ជូន។
លោក សុក ចន្ថា បានឲ្យដឹងទៀតថា ផ្លូវដែលរងការខួចខាត ដោយសារទឹកជំនន់នោះ ក្រុមការងាររបស់លោក បានចាប់ផ្តើមស្ថាបនាឡើងវិញ ចាប់ពីដើមខែមករា ឆ្នាំ ២០២១ ជាបណ្តើរៗ ហើយដោយចាក់កៅស៊ូ DBST និងមានប្រឡាយរំដោះទឹក ដោយរៀបថ្មភ្នំ រឺថ្មប្រឡុងផ្នែកខាងលិចផ្លូវ មានទទឹងខាងលើ ២ម៉ែត្រ ជម្រៅ ១ម៉ែត្រ ២តឹក បាតក្រោម ៨តឹក។
ផ្លូវដែលស្ថាបនាមាន ២ដំណាក់កាល ដំណាក់ទី ១. ពីចំណុចក្បាលស្ពានសែសិនខាងកើត ដល់ព្រំប្រទល់ស្រុកមង្គលបូរី ទទឹងផ្លូវប្រវែង ១១ម៉ែត្រ ដំណាក់កាលទី ២. ពីចំណុចក្បាលស្ពានសែសិនខាងលិច ដល់រង្វង់មូលស្រីគ្រប់ល័ក្ខ ជួសជុលកន្លែងដែលខូច និងរៀបចំខឿនការ៉ូឡាឡើងវិញ។
លោក សុក ចន្ថា បានប្រាប់ទៀតថា ក្នុងគម្រោងជួសជុលផ្លូវថ្នល់ស្ពាន ដែលរងការខូចខាតដោយសារជំនន់ទឹកភ្លៀងក្នុងឆ្នាំ ២០២០កន្លងមក មន្ទីរសាធារណការ និងដឹកជញ្ជូនខេត្តបន្ទាយមានជ័យ ទទួលបានចំនួន ២គម្រោងបើកការដ្ឋានជួសជុល ចាប់ពីថ្ងៃទី ៧ ខែមករា ឆ្នាំ ២០២១មក។
គម្រោងទី១. ការងារជួសជុលកំណាត់ផ្លូវជាតិលេខ ៥ចាប់ពីចន្លោះ គ.ម ៣៥៥+៨០ ដល់ម.ម ៣៥៧+៩០០ ចាក់ក្រាលកៅស៊ូប្រភេទ DBST មានប្រវែងសរុប ២.១០០ម៉ែត្រ ទទឹង ១១ម៉ែត្រ និងរៀបប្រឡាយរំដោះទឹកខាងឆ្វេងដៃនិងគំរបបេតុងលើប្រឡាយប្រវែង ៥៥០ម៉ែត្រ សាងសង់គំរបអណ្ដូងលូថ្មីចំនួន ១០៧ម៉ែត្រ ស្ថាបនាខឿនបេតុងប្រវែង ២.៥៤៧៥ ម៉ែត្រ ក្រាលការ៉ូឡាចំនួន ២៤៧៥ម៉ែត្រ ព្រមទាំងកម្លើង បរិក្ខាខាផ្លូវថ្នល់ស្ថិតក្នុងសង្កាត់ព្រះពន្លាក្រុងសេរីសោភ័ណ្ឌ។
គម្រោងទី២. ការងារជួសជុលកំណាត់ផ្លូវជាតិលេខ ៥ ចាប់ពីចន្លោះ គ.ម ៣៥៨+៥៥០ ដល់គ.ម ៥៩+៦៥០ ដោយចាក់ក្រាលកៅស៊ូប្រភេទ DBST ប្រវែងសរុប ១.១០០ម៉ែត្រទទឹង ១៤ម៉ែត្រ នឹងដំឡើងបរិក្ខាផ្លូវថ្នល់ ស្ថិតក្នុងសង្កាត់ព្រះពន្លា ក្រុងសិរីសោភ័ណទៀតផង។
លោក សុក ចន្ថា បានប្រាប់បន្ត ដោយសារភ្លៀងខ្លាំងពេក ក្រុមការងាររបស់លោក បានផ្អាកមួយរយៈ ទើបនៅព្រឹក ថ្ងៃទី ២៩ ខែវិច្ឆិកា ឆ្នាំ២០២១នេះ ក្រុមការងាររបស់លោក បានបន្តការងារជួសជុលផ្លូវជាតិលេខ ៥ ដែលរងគ្រោះដោយសារជំនន់ទឹកភ្លៀង ដោយកៀរកិនបង្ហាប់ ស្ថិតនៅសង្កាត់ព្រះពន្លា ក្រុងសិរីសោភ័ណ និងការងារថែទាំចន្លោះពីគម ៣៥៩+ ០០០ ដល់គម ៣៦០+០០០ ដោយលុបសំបុកមាន់ ស្នាមប្រេះ ស្រុត ដោយល្បាយថ្មម៉ិច ស៊ីម៉ង់ត៍ និងកៅស៊ូ ព្រមបន្តការងារថែទាំផ្លូវខេត្តលេខ ២៦៨A ចន្លោះពីគម ៣១+០០០ ដល់ គម ៣២+០០០ ដោយលុបសំបុកមាន់ ស្នាមប្រេះ ស្រុត ដោយល្បាយថ្មម៉ិច ស៊ីម៉ង់ត៍ និងកៅស៊ូ ស្ថិតនៅស្រុកភ្នំស្រុក ទៀតផង៕
អត្ថបទ៖ វ៉ាន់ ណាង
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៣ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore