ព័ត៌មានជាតិ
១៤ខណ្ឌ មិនឲ្យមានការបើកអាជីវកម្មកម្សាន្តគ្រប់ប្រភេទ ដើម្បីទប់ស្កាត់ជំងឺកូវីដ-១៩
អភិបាលនៃគណៈអភិបាល ខណ្ឌទួលគោកលោក ឯក ឃុនដឿន បានធ្វើការណែនាំឲ្យអភិបាលនៃគណៈអភិបាលរងខណ្ឌ ក៏ដូចជាមន្ត្រីនិងអាជ្ញាធរសង្កាត់ទាំង១០ ត្រូវចុះតាមដានមូលដ្ឋានរបស់ខ្លួនកុំឲ្យមានការលួចបើកដាច់ខាត ចំពោះទីតាំងខារ៉ាអូខេនិងក្លឹបកម្សាន្ត។
ចំពោះភោជនីយដ្ឋាន ក៏ត្រូវតែតាមដានពិនិត្យផងដែរ ថាតើពួកគាត់បានអនុវត្តតាមវិធានការរបស់ក្រសួងសុខាភិបាលឬទេ។ បើមិនអនុវត្តទេ ត្រូវណែនាំឲ្យពួកគាត់ អនុវត្តឲ្យបានជាដាច់ខាត់ ដើម្បីរួមគ្នាក្នុងការបង្ការទប់ស្កាត់ជំងឺកូវីដ-១៩ទាំងអស់គ្នា។
លោក ឯក ឃុនដឿន បានណែនាំថា ចំពោះភោជនីយដ្ឋាន បើទោះបីអនុញ្ញាតឲ្យដំណើរការមែន តែមិនឲ្យលើសពី២០នាក់ទេ ហើយត្រូវអនុវត្តឲ្យបាន ដាច់ខាតទៅតាមការណែនាំរបស់ក្រសួងសុខាភិបាល ដូចជាការលាងដៃនឹងអាកុល ជែល ពាក់ម៉ាស ពិនិត្យវាស់កម្ដៅ មុននឹងភ្ញៀវចូលក្នុងភោជនីយដ្ឋាន។ ពាក់ព័ន្ធនិងក្លឹបកម្សាន្តនិងខារ៉ាអូខេ ត្រូវតែមានវិធានការតឹងរឹងបំផុត គឺមិនឲ្យលួចបើកដំណើរការជាដាច់ខាត ដើម្បីរួមគ្នាទប់ស្កាត់ការរីករាលដាលជំងឺកូវីដ-១៩ ខណៈដែលជំងឺនេះ បាននិងកំពុងរីករាលដាលចូលដល់សហគមន៍ហើយនោះ ពិសេសនៅក្នុងរាជធានីភ្នំពេញរបស់យើងតែម្តង។
តាមរយៈសារអេឡិចត្រូនិករបស់លោក ឃួង ស្រេង អភិបាលរាជធានីផ្ញើជូនទៅអាជ្ញាធរខណ្ឌទាំង១៤ថា ជម្រាបដល់ ប្រធានគណៈបញ្ជាការឯកភាពរដ្ឋបាលខណ្ឌទាំង១៤ ដើម្បីអនុវត្តន៍ តាមការស្រាវជ្រាវរបស់កម្លាំងសម្ងាត់បានបញ្ជាក់ថា អាជីវកម្ម ក្លឹបកម្សាន្ត និងខារ៉ាអូខេមួយចំនួន នៅតែបន្តលបលួចបើកដំណើរការដូចធម្មតាដដែល ហេតុដូចនេះ សូមលោក-លោកស្រីអភិបាលខណ្ឌ និងជាប្រធានគណៈបញ្ជាការឯកភាពខណ្ឌទាំង១៤ ត្រូវចាត់វិធានការឲ្យបានតឹងរឹងបំផុត ចំពោះករណីខាងលើនេះ កុំឲ្យមានដាច់ខាតនៅក្នុងមូលដ្ឋានរបស់ខណ្ឌនីមួយៗ។ កិច្ចការងារនេះ គឺជាការទទួលខុសត្រូវខ្ពស់បំផុត ចំពោះសុខុមាលភាពរបស់ប្រជាពលរដ្ឋនៅក្នុងដែនសមត្ថកិច្ចរបស់ខ្លួន ស្របពេលដែលបញ្ហាជំងឺកូវីដ-១៩នេះ កំពុងរាលដាលដល់សហគមន៍។
ពាក់ព័ន្ធនឹងវិធានការខាងលើ កាលពីយប់ថ្ងៃទី៤ ខែធ្នូឆ្នាំ២០២០ គណៈបញ្ជាការឯកភាពរដ្ឋបាលសង្កាត់ទឹកល្អក់ទី១ បានចុះណែនាំតាមភោជនីយដ្ឋាន ក្នុងមូលដ្ឋានឲ្យអនុវត្តបានសរុបចំនួន១៥ទីតាំងឲ្យវាស់កម្ដៅមុនចូល និងបាញ់អាល់កុល ហើយបុគ្គលិក និងអ្នកបម្រើសេវាត្រូវពាក់ម៉ាសគ្រប់គ្នា៕
អត្ថបទ៖ ស្រីរ័ត្ន
សូមចុចអាន៖ បេនឡានច្បារអំពៅ ធ្លាប់អ៊ូអរឥឡូវស្ងាត់ជ្រងំ ដោយសារជំងឺកូវីដ១៩ផ្ទុះខ្លាំង
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ