ព័ត៌មានជាតិ
ប្រធានក្រុមប្រឹក្សាខណ្ឌទួលគោក ណែនាំដល់មន្ត្រីរដ្ឋបាលខណ្ឌនិងសង្កាត់ ទប់ស្កាត់នូវការរីករាលដាលជំងឺ កូវីដ-១៩ ខណៈដែរជំងឺនេះបានបម្លែងខ្លួនកាន់តែសាហាវជាងមុន
ភ្នំពេញ ៖ ប្រធានក្រុមប្រឹក្សាខណ្ឌទួលគោក លោកម៉ែន សិរី បានធ្វើការណែនាំដល់មន្ត្រីរដ្ឋបាលខណ្ឌទួលគោកនិងសង្កាត់ទាំង១០ចំណុះឱ្យរដ្ឋបាលខណ្ឌបន្តចូលរួមទប់ស្កាត់នូវការរីករាលដាលជំងឺកូវីដ-១៩ ខណៈដែរជំងឺនេះ បានបម្លែងខ្លួនកាន់តែសាហាវជាងមុន។
ការជំរុញបែបនេះរបស់លោកម៉ែន សិរី បែបនេះបានធ្វើឡើងក្នុងកិច្ចប្រជុំសាមញ្ញលើកទី៣០ របស់ក្រុមប្រឹក្សាខណ្ឌទួលគោក អាណត្តិទី៣ នាព្រឹកថ្ងៃទី៣០ខែវិច្ឆិកាឆ្នាំ២០២១នេះ នៅសាលាខណ្ឌទួលគោក។
លោកម៉ែន សិរី បានមានប្រសាសន៍លើកឡើងថា កូវីដ-១៩ គឺជាជំងឺដ៏កាចសាហាវមួយដែលបានឆ្លងរាលដាលពេញសកលលោក ក្នុងនោះកម្ពុជា ក៏ជាប្រទេសមួយ ដែលទទួលរងពីការឆ្លងរីករាលដាលជំងឺកូវីដ-១៩នេះផងដែរ។ បន្ថែមពីលើនេះ ទៀត កូវីដ-១៩ បានបំប្លែងខ្លួនទៅជាដែលតា ដែលជំងឺថ្មីនេះបានរាលដាលខ្លាំងជាងមុន ហើយចុងក្រោយនេះជំងឺនេះក៏បានបំប្លែងថ្មីមួយទៀត ដែលមានលក្ខណៈកាចសាហាវជាងជំងឺកូវីដ-១៩ ថែមទៀតផង។ ដូច្នេះទេ លោកស្នើឲ្យអាជ្ញាធរមានសមត្ថកិច្ចទាំងអស់ត្រូវតែមានការប្រុងប្រយ័ត្នខ្ពស់ ជាមួយនឹងការណែនាំប្រជាពលរដ្ឋឲ្យចូលរួមក្នុងការទប់ស្កាត់ជំងឺដ៏កាចសាហាវនេះទាំងអស់គ្នា ដោយត្រូវ អនុវត្តឲ្យបាននូវវិធានរបស់ក្រសួងសុខាភិបាលពិសេសគឺអនុវត្តឲ្យបាននូវវិធានការ៣កុំនិង៣ការពាររបស់សម្ដេចតេជោនាយករដ្ឋមន្ត្រី។
លោកចាន់ បណ្ឌិត អភិបាលរងខណ្ឌទួលគោក នៅក្នុងឱកាសនោះ ក៏បានជំរុញឲ្យមន្ត្រីពាក់ព័ន្ធទាំងអស់ត្រូវពិនិត្យបញ្ជីឈ្មោះបោះឆ្នោតឱ្យបានត្រឹមត្រូវនិងច្បាស់លាស់ ដោយហេតុថា ការបិទបញ្ជីឈ្មោះបោះឆ្នោតនិងបិទបញ្ជីនៅថ្ងៃទី៣០វិច្ឆិកានេះហើយ ដូច្នេះទេ លោកស្នើឲ្យអស់លោកលោកស្រីទាំងអស់ដែលជាមន្ត្រីពាក់ព័ន្ធនឹងការងារនេះ ត្រូវពិនិត្យបញ្ជីឈ្មោះឲ្យបានត្រឹមត្រូវ ហើយបើមានការប្ដឹងផ្ដល់ពីប្រជាពលរដ្ឋពីការខុសឈ្មោះ ខុសភេទ នោះ ត្រូវសម្រួលអោយគាត់ទៅតាមនីតិវិធី ធ្វើយ៉ាងណាឱ្យពួកគាត់អាចទទួលយកបាន៕
ដោយ ៖ ស្រីរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង