ព័ត៌មានជាតិ
អាជ្ញាធរស្រុកថ្មគោល ព្រមានចាត់វិធានការលើបុគ្គលម្នាក់ ករណីពុះដីចំណីខ្នងអាងទឹក «ភាស» លក់
អាង «ភាស» ដែលគេស្គាល់ថា ជាអាងទឹកដ៏ធំមួយ នៅជាប់បឹងទន្លេសាប ស្ថិតនៅក្នុងភូមិទួលទំពូងត្បូង ឃុំតាពូង ស្រុកថ្មគោល ក្នុងភូមិសាស្ត្រខេត្តបាត់ដំបង។ អាងនេះត្រូវបានជួសជុល សាង់សង់កែលម្អខ្នងទំនប់ជុំវិញយ៉ាងធំទូលំទូលាយ សម្រាប់ភ្ញៀវទេសចរចូលទស្សនា។ ប៉ុន្តែស្រាប់តែថ្មីៗ នេះ មានបុគ្គលម្នាក់អះអាងថា ខ្លួនមានដីនៅទីនោះ ហើយបានរៀបចំពុះជាឡូតិ៍លក់ឲ្យប្រជាពលរដ្ឋ ដោយក្នុង ១ឡូតិ៍តម្លៃ ៣ពាន់ដុល្លារ ទៅវិញ។
ពាក់ព័ន្ធ នឹងករណីខាងលើនេះ លោក ជា សម្បត្តិ អភិបាលស្រុកថ្មគោល កាលពីថ្ងៃទី ២៣ ខែវិច្ឆកា ឆ្នាំ ២០២១ បានចេញសេចក្តីប្រកាសជាសាធារណ: ជូនដល់មហាជនទូទៅទាំងក្នុង និងក្រៅមូលដ្ឋានស្រុកថ្មគោល ឲ្យបង្កើនការប្រុងប្រយ័ត្ន ចៀសវាងចាញ់បោកបុគ្គលខិលខូច ដែលកំពុងដើរតួជាម្ចាស់កម្មសិទ្ធដីមួយកន្លែងយកទៅលក់ដូរ ដែលជាដីចំណីខ្នងអាងភាស ស្ថិតនៅក្នុងភូមិទួលទំពូងត្បូង ឃុំតាពូង ស្រុកថ្មគោល ខេត្តបាត់ដំបង។
លោក ជា សម្បត្តិ បានឲ្យដឹងថា បុគ្គលរូបនោះ មានឈ្មោះ វុន ជុំ ភេទប្រុស អាយុ ៥២ឆ្នាំ និងមានទីលំនៅ នៅភូមិវិហារចិន សង្កាត់ស្វាយដង្គុំ ក្រុងសៀមរាប ខេត្តសៀមរាប។ លោកព្រមានឲ្យបុគ្គលរូបនោះ ត្រូវបញ្ឍប់សកម្មភាពខុសច្បាប់ជាបន្ទាន់ បើពុំដូច្នេះទេ រដ្ឋបាលស្រុក នឹងចាត់វិធានការតាមផ្លូវច្បាប់។ បុគ្គលឈ្មោះ វុន ជុំ កន្លងមក បានយកដីសាធារណ:របស់រដ្ឋ (ដីចំណីអាងភាស) ទៅពុះជាដីឡូតិ៍ លក់ទៅឲ្យប្រជាពលរដ្ឋមួយចំនួន ដោយក្នុង១ឡូតិ៍ តម្លៃ ៣០០០ដុល្លារអាមេរិក។
តាមរយៈសេចក្ដីប្រកាសជាសាធារណៈ កាលពីថ្ងៃទី ២៣ ខែវិច្ឆិកានោះ រដ្ឋបាលស្រុកថ្មគោល បានជម្រាបជូនប្រជាពលរដ្ឋទាំងអស់ មិនត្រូវបានអនុវញ្ញាតឲ្យមានការទិញ-លក់ទីតាំងខាងលើ ជាដាច់ ខាត។ ការទិញ-លក់ដីឡូតិ៍ នៅលើទីតាំងនេះជាអំពើខុសច្បាប់ មិនអនុញ្ញាតឲ្យការសាងសង់សំណង់ផ្សេងៗ គ្រប់ប្រភេទ។ រីឯសំណង់ ដែលបានសាងសង់រួចហើយ ត្រូវរុះរើចេញឲ្យអស់យ៉ាងយូរត្រឹមថ្ងៃទី ៣០ ខែធ្នូ ឆ្នាំ ២០២១ ជាកំហិត។
លោកអភិបាលស្រុក បានបញ្ជាក់ប្រាប់កម្ពុជាថ្មីបន្ថែមថា «រឿងនេះ ខាងរដ្ឋបាលស្រុក ធ្លាប់បានធ្វើរបាយការណ៍ ដាក់ជូនទៅរដ្ឋបាលខេត្ត តាំងពីលោកអភិបាលចាស់នៅគ្រប់គ្រង ហើយចំពោះបុគ្គលខាងលើ ក៏បានធ្វើរបាយការណ៍ ដាក់ជូនរដ្ឋបាលខេត្តរួចរាល់ដែរ មុននិងចេញសេចក្តីប្រកាសរបស់សាលាស្រុក ជម្រាបដំណឹងដល់ពលរដ្ឋ ដើម្បីស្នើសុំកិច្ចសហការ ជាមួយរដ្ឋបាលខេត្ត និងមន្ទីរជំនាញពាក់ព័ន្ធចាត់វិធានការច្បាប់ លើបុគ្គលខាងលើ បើសិនមិនបញ្ឈប់សកម្មភាព»។
សូមជម្រាបថា ការស្តារ និងកែលម្អខ្នងអាងខាងលើនេះ ធ្វើឡើងក្នុងអំឡុង ខែតុលា ឆ្នាំ ២០២០ ខណៈដែលលោក ងួន រតនៈ អភិបាល នៃគណៈអភិបាលខេត្តបាត់ដំបងចាស់ បានចុះពិនិត្យជាមួយមន្ត្រីពាក់ព័ន្ធ ក្នុងគ្រាដែលអាងមួយនេះ កំពុងតែជន់លិចជាបណ្ដើរៗ ដោយសារកំណើនទឹកភ្លៀងផ្នែកខាងលើនៅតែបន្តធ្លាក់ចុះ ហើយខ្នងទំនប់អាងតូចទាបផង ទើបបង្កជន់លិចដល់ក្នុងភូមិតែម្តង។
ក្នុងនោះ មន្ទីរជំនាញ បានធ្វើការកាយដីតាមមាត់អាង នៅតាមចំណុចខ្លះៗ ដើម្បីបង្កើតជាចរន្តទឹកហូរ ឲ្យកាន់តែលឿនជាងមុន ដើម្បីជួយសម្រាលបន្ទុកទឹកក្នុងអាង ដែលអាចបង្កឲ្យបាក់ទំនប់កាន់តែធ្ងន់ធ្ងរ និងធ្វើឲ្យប្រជាពលរដ្ឋខ្វះទឹកប្រើប្រាស់ នៅរដូវប្រាំងផងដែរ។
យោងតាមមន្ត្រីជំនាញ បានឲ្យដឹងថា អាងទឹកដ៏ចំណាស់ខាងលើនេះ មានសមត្ថភាពស្តុកទឹកបាន ១២លានម៉ែត្រគូប អាចស្រោចស្រពដំណាំស្រូវវស្សាចំនួន ៣.០០០ហិកតា និងស្រូវប្រាំងចំនួន ២.០០០ហិកតា ក្នុងឆ្នាំ ២០២០ ដល់ឆ្នាំ ២០២១ ក្រោយធ្វើការជួសជុលរួចរាល់៕
អត្ថបទ៖ សៅ សារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង