ព័ត៌មានជាតិ

អភិបាលខេត្តកំពង់ចាម ជំរុញពលរដ្ឋឲ្យថែរក្សាសុខភាព ខណៈរដូវរងាចូលមកដល់

បានផុស

២ years មុន

នៅ

ថ្ងៃពុធ ១ ធ្នូ ២០២១

ដោយ

នៅព្រឹកថ្ងៃទី១ ខែធ្នូ ឆ្នាំ២០២១ ឯកឧត្ដម អ៊ុន ចាន់ដា អភិបាលខេត្តកំពង់ចាម និងឯកឧត្ដម ខ្លូត ផន ប្រធានក្រុមប្រឹក្សាខេត្ត បានអញ្ជើញសំណេះសំណាលជាមួយបងប្អូនប្រជាពលរដ្ឋ និងផ្តល់អំណោយ មនុស្សធម៌របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជូនដល់គ្រួសារដែលជួបការលំបាកចំនួន៥៤៥គ្រួសារ ដែលរស់នៅក្នុងសង្កាត់ទាំង៤ នៃក្រុងកំពង់ចាម ខេត្តកំពង់ចាម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លៀតឱកាសនោះ ឯកឧត្តម អ៊ុន ចាន់ដា អភិបាលខេត្តកំពង់ចាម បានថ្លែងថា សម្តេចទាំងទ្វេតែងតែគិតគូពីជីវភាព សុខមាលភាពរបស់ពលរដ្ឋជានិច្ចហើយឯកឧត្តមស្នើសុំដល់បងប្អូនប្រជាពលរដ្ឋខិតខំថែរទាំសុខភាពក្រុមគ្រួសារក្នុងរដូវរងានេះ ហើយត្រូវជំរុញដល់សមាជិកគ្រួសារត្រូវទៅទទួលវ៉ាក់សាំងបង្ការជំងឺកូវីដ-១៩ និងចូលរួមអនុវត្តន៍វិធានការពារ អនាម័យ៣កុំ និង៣ការពារ ឲ្យខ្ជាប់ខ្ជួនដើម្បីទប់ស្កាត់ការឆ្លងរីករាលដាលជំងឺកូវីដ ១៩។

អំណោយមនុស្សធម៌របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន រួមមាន៖ អង្ករ២៥គីឡូក្រាម ត្រីខមួយយួរ មីមួយកេស ទឹកស៊ីអ៊ីវមួយយួរ, អាវរងាមួយ ផងដែរ៕

អត្ថបទ៖ ហុង ម៉េងហៀ