ព័ត៌មានជាតិ
ពលរដ្ឋរាប់សិបគ្រួសារស្នើអាជ្ញាធរជួយទារលុយថ្លៃឈ្នួលដីនៅតំបន់គោកព្រះ
ប្រជាពលរដ្ឋមួយក្រុម តំណាងឱ្យប្រជាពលរដ្ឋរាប់សិបគ្រួសារ នៅក្នុងខេត្តកំពង់ធំ បានស្នើសុំឱ្យអាជ្ញាធរជួយអន្តរាគមន៍ទារថ្លៃឈ្នួលដីធ្វើស្រែពីម្ចាស់ដីនៅតំបន់គោកព្រះ។
ក្រុមប្រជាពលរដ្ឋរៀបរាប់ក្នុងលក្ខណ្ឌសុំមិនបញ្ចេញឈ្មោះថា ក្នុងរយៈពេល ៣ ទៅ ៤ ឆ្នាំកន្លងមកនេះពួកគាត់បានជួលដីស្រែនៅតំបន់គោកព្រះ ក្នុងឃុំច្រណូក ស្រុកកំពង់លែង ពីម្ចាស់ដីស្រែ ក្នុងមួយហិកតា ត្រូវបង់ថ្លៃឈ្នួលឱ្យគេ ១ លានរៀល ក្នុងមួយរដូវដោយម្ចាស់ដីជាអ្នកផ្គត់ផ្គង់ទឹកស្រែឱ្យពួកគាត់ ចំណែកពួកគាត់ ត្រូវសាបព្រោះ និងទិញជីដាក់ស្រែដោយខ្លួនឯងដើម្បីប្រមូលផល។
ដល់រដូវធ្វើស្រែឆ្នាំ ២០២១ ពួកគាត់មួយចំនួន បានបង់ថ្លៃឈ្នួលដីស្រែជាមុនពាក់កណ្តាល ដូច្នេះនៅពេលក្រុមការងារ អន្តរក្រសួងចុះដកហូតយកដីស្រែនៅតំបន់គោកព្រះ ពួកគាត់ជាអ្នកជួលដីស្រែនោះក្លាយជាជនរងគ្រោះ ព្រោះខាតបង់ទៅលើពូជស្រូវដែលបានសាបព្រោះរួចហើយ និងខាតទៅលើការបង់ប្រាក់ឱ្យម្ចាស់ដីស្រែមុនពាក់កណ្តាល។
លោក ស៊ុំ សុជាតិ ស្នងការរងនគរ បាលខេត្តកំពង់ឆ្នាំង ដែលមានដីស្រែនៅតំបន់គោកព្រះ ជាង ៦០០ ហិកតា បានប្រាប់តាមទូរសព្ទឱ្យដឹងថា ប្រជាពលរដ្ឋ នៅខេត្តកំពង់ធំ ដែលបានជួលដីស្រែពីលោក ខ្លះបានបង់ថ្លៃឈ្នួលបាន៣០ ភាគរយខ្លះ ២០% និងខ្លះអត់បានបង់ថ្លៃឈ្នួលដីស្រែឱ្យទេ គឺដល់ពេលប្រមូលផលទើបគាត់បង់ឱ្យ។ ដូច្នេះ ចំពោះការនិយាយថាបានបង់ប្រាក់ថ្លៃឈ្នួលដីស្រែ ៥០% ជូនលោកនោះ គឺមិនពិតនោះទេ។
លោក ស៊ុំ សុជាតិ បានបន្តថា ការសុំទាមទារយកប្រាក់ថ្លៃជួលដីស្រែខាងលើនេះ លោកគ្មានលទ្ធ ភាពសងជូនវិញទេ ព្រោះលុយដែលបានបង់ឲ្យលោកនោះ គឺលោកបានយកទៅចំណាយធ្វើប្រ ឡាយបង្ហូរទឹកសំរាប់ផ្គត់ផ្គង់ទឹក ជូនពួកគាត់ធ្វើ ស្រែអស់ទៅហើយ។
ម្យ៉ាងទៀតនៅក្នុងពេលនេះ ដីស្រែទាំងអស់របស់លោកដែលបានទិញពីប្រជា ពលរដ្ឋកន្លង លោកក៏បានប្រគល់ជូនរដ្ឋវិញអស់ ទៅហើយ រឿងនេះគឺជាការខាតបង់ទាំងអស់គ្នា ។
មន្ទីរកសិកម្មរុក្ខាប្រមាញ់ និងនេសាទ ខេត្តកំពង់ឆ្នាំងប្រាប់ថា តំបន់គោកព្រះនេះ ពីមុនមកគឺជាតំបន់ព្រៃលិចទឹកដែលមានទំហំដីសរុបចំនួនជាង ៥ ពាន់ ហិកតា។ ប៉ុន្តែក្រោយមក ត្រូវបានប្រជាពលរដ្ឋខិលខូច និងមន្ត្រីខិលខូច បានលួចឈូសឆាយ រំលោភយកជាកម្មសិទ្ធិអស់ជិត១០០ភាគរយ និងបានលក់ដូរតៗគ្នាដើម្បីធ្វើស្រែ។
ដោយឡែក គិតមកដល់ថ្ងៃទី០២ ខែធ្នូ ឆ្នាំ២០២ ១ នេះអនុវត្តតាមបញ្ជារបស់សម្ដេចតេជោហ៊ុនសែ ននាយករដ្ឋមន្ត្រី ក្រុមការងារចំរុះរបស់អន្តរក្រសួង និងអាជ្ញាធរខេត្ត បានសម្រេចដកហូត ដីតំបន់៣ នៅចំណុចគោកព្រះ ក្នុងឃុំច្រណូក ស្រុកកំពង់លែង ប្រមាណជាង៥ ពាន់ ហិកតា ទុកជាសម្ប ត្តិរដ្ឋវិញ។
នៅក្នុងប្រតិបត្តិការនេះដែរ ក៏មានអ្នកសារភាពចំនួន១៣នាក់ ផងដែរបានចេញមកសារភាពនិងយល់ព្រមប្រគល់ដីដែកខ្លួនបានកាន់កាប់សរុបចំនួន ២០៥៨,៥០ ហិកតាជូនទុកជាសម្បត្តិរដ្ឋវិញ។
ឯកឧត្តមអភិបាលខេត្តកំពង់ឆ្នាំង ក៏បានឱ្យដឹងដែរថា ក្រោយពីបញ្ចប់ប្រតិបត្តិការដកហូតដីទឹកនៅ ក្នុងស្រុកកំពង់លែង ក្រុមការងារខេត្តនិងអន្តរក្រសួងនឹងបន្តចុះទៅស្រាវជ្រាវដកហូតដីតំបន់៣នៅបណ្ដាស្រុកមួយចំនួនទៀតក្នុងខេត្តកំពង់ឆ្នាំង៕
អត្ថបទ៖ ឈៀងថារិទ្ធ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង