ផ្លូវ​ជាតិ​មួយ​ខ្សែ​កាត់ព្រៃភ្នំ​ពី​សំឡូត​ដល់​កោះកុង​ សម្រច​បាន​ជាង ៥០ ភាគរយ
Connect with us
Helistar Cambodia - Helicopter Charter Services

ព័ត៌មានជាតិ

ផ្លូវ​ជាតិ​មួយ​ខ្សែ​កាត់ព្រៃភ្នំ​ពី​សំឡូត​ដល់​កោះកុង​ សម្រច​បាន​ជាង ៥០ ភាគរយ

បានផុស

នៅ

គម្រោងសាងសង់ផ្លូវជាតិលេខ១០ ប្រវែងជាង ១៩៨ គ.ម គិតត្រឹមដំណាច់ខែវិច្ឆិកា ឆ្នាំ២០២១ សម្រេច​បាន​ជាង ៥០ ភាគរយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្លូវជាតិ​មួយ​ខ្សែនេះ​សាងសង់​ឡើង​ ដោយ​ត្រួសត្រាយឆ្លងកាត់ជ្រោះជ្រោងជ្រលងដងអូរ កាត់ខ្នងភ្នំក្រវាញ ដែល​ជា​ផ្លូវជាតិ​ដ៏សំខាន់​ភ្ជាប់​ច្រក​របៀង​នៃ​លំហូរ​ការ​ធ្វើ​ចរាចរណ៍​រវាង​ខេត្តចំនួន ៣​ នៅ​ភាគ​ខាង​លិច​គឺ​ខេត្ត​បាត់ដំបង ពោធិ៍សាត់ និងកោះកុង។

បើ​តាម​រដ្ឋមន្ត្រីក្រសួងសាធារណការ និងដឹកជញ្ជូន ឯកឧត្តម ស៊ុន ចាន់ថុល ក្នុងពេល​ដឹក​នាំប្រតិភូ​ចុះពិនិត្យវឌ្ឍនភាពការងារសាងសង់ផ្លូវជាតិលេខ១០ បាន​ឲ្យ​ដឹង​ថា គម្រោងផ្លូវនេះមានការជ្រើសរើសគន្លងផ្លូវថ្មីប្រវែងសរុបជាង ​៦៥​គីឡូម៉ែត្រ ដើម្បីធ្វើផ្លូវពង្វាងពីភ្នំក្រវាញ ព្រោះតែមិនចង់វះកាត់ភ្នំក្រវាញជាពីរនាំឱ្យប៉ះពាល់ដល់បរិស្ថាននិងជម្រកសត្វព្រៃធ្ងន់ធ្ងរ។

គម្រោងសាងសង់ផ្លូវជាតិលេខ១០ មានប្រវែងសរុបចំនួន១៩៨,៧១គីឡូម៉ែត្រ តភ្ជាប់ពីសំឡូត​ខេត្តបាត់ដំបងកាត់​វាលវែង​-​អូរសោមខេត្ត​ពោធិ៍សាត់​ដល់ក្រុង​ខេមរភូមិន្ទ​ខេត្ត​កោះកុង ដែល​សាងសង់ស្របតាមបទដ្ឋានបច្ចេកទេសកម្រិត៣របស់សាធារណរដ្ឋប្រជាមានិតចិន។

ផ្លូវ​នេះ​មានទទឹងតួផ្លូវសរុបចំនួន៩ម៉ែត្រ ជាប្រភេទផ្លូវកៅស៊ូពីរស្រទាប់(DBST) សាងសង់ស្ពានចំនួន ២៣ កន្លែងប្រវែង​១៧២១,៤៦ម៉ែត្រ ដែលក្នុងនោះមានស្ពានខ្ពស់ជាងគេមួយដែលមានកម្ពស់៧៥ម៉ែត្រ បណ្តោយ៥៣០ម៉ែត្រ និងទទឹង​១០​ម៉ែត្រ ព្រមទាំងមានបំពាក់ផ្លាកសញ្ញាចរាចរណ៍ គំនូសចរាចរណ៍ បង្គោលគីឡូម៉ែត្រ និងបង្គោលសុវត្ថិភាពផងដែរ។

គម្រោងផ្លូវនេះបានបើកការដ្ឋានសាងសង់កាលពីថ្ងៃទី០៩ ខែមីនា ឆ្នាំ២០២០ ហើយ​គិតត្រឹមដំណាច់ខែវិច្ឆិកា ឆ្នាំ​២០២១ វឌ្ឍនភាពការងារជារួមសម្រេចបាន​ជាង ៥៤%។

បើ​តាម​រដ្ឋមន្រ្តី​ក្រសួង​សាធារណការ​និង​ដឹក​ជញ្ជូន គម្រោងផ្លូវនេះចំណាយថវិកាសរុបប្រមាណ១៨៨,៣៨លានដុល្លារសហអាមេរិក ជាហិរញ្ញប្បទានពីរដ្ឋាភិបាលនៃសាធារណរដ្ឋប្រជាមានិតចិន រួមជាមួយថវិកាបដិភាគរបស់រាជរដ្ឋាភិបាល​កម្ពុជា ដែល​ចំណាយពេលសាងសង់ចំនួន៤៨ខែ ចាប់ពីខែធ្នូ ឆ្នាំ២០១៩ ដល់ខែធ្នូ ឆ្នាំ២០២៣។

ផ្លូវជាតិលេខ១០គឺជាសរសៃឈាមសេដ្ឋកិច្ចជាតិដ៏មានសក្តានុពលរបស់កម្ពុជា អាចជួយសម្រួលដល់ការតភ្ជាប់ទំនាក់ទំនងគមនាគមន៍ ធ្វើសមាហរណកម្មតភ្ជាប់ផ្ទៃក្នុងប្រទេស និងជាមួយតំបន់ រួមចំណែកក្នុងការលើកកម្ពស់ប្រសិទ្ធភាពនៃការដោះដូរពាណិជ្ជកម្ម វិនិយោគ ដំណាំកសិផល កសិ-ឧស្សាហកម្ម និងទេសចរណ៍បានឆាប់រហ័ស និងចំណាយតិច ជាពិសេសជាមួយប្រទេសជិតខាង៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៦ ម៉ោង មុន

បង្គា និង​គ្រឿង​សមុទ្រ​ជាង​៦០០​កេះ ជាប់​ពាក់ព័ន្ធ​នឹង​បទល្មើស ដែល​ជំនាញ​រឹបអូស​ពី​ឈ្មួញ ត្រូវធ្វើ​ពិធី​ដុត​កម្ទេច​ចោល

ព័ត៌មានជាតិ៧ ម៉ោង មុន

ទេសរដ្ឋមន្ត្រី ​៖ ​សន្តិភាព​ធ្វើ​ឲ្យ​ពលរដ្ឋ​មាន​ជីវភាព​ធូរធា ប្រទេស​មានការ​អភិវឌ្ឍ​ន៍​រីកចម្រើន​លើ​គ្រប់​វិស័យ

ព័ត៌មានជាតិ៧ ម៉ោង មុន

អ្នក​វិ​និ​យោ​ចិន​ម្នាក់​ ផ្តល់​អាហារូបករណ៍​ដល់​សិស្ស​ទើប​ជាប់​បាក់​ឌុប​ចំនួន​១០០​កន្លែង

ព័ត៌មានជាតិ៨ ម៉ោង មុន

អ្នកស្រុក​បាណន់​កាន់តែ​ច្រើនឡើងៗ​ងាក​មកប្រើប្រាស់​ការ​ទូ​រ​ទាត់​តាមបែប​ឌីជីថល​

ជីវិតកម្សាន្ដ៨ ម៉ោង មុន

Thuy Tien ក្លាយជាបវរកញ្ញា MGI ដំបូង រកចំណូលបានច្រើនជាងគេឱ្យក្រុមហ៊ុន

Sokha Hotels

ព័ត៌មានពេញនិយម

Helistar Cambodia - Helicopter Charter Services