ព័ត៌មានជាតិ
ខេត្តកោះកុងយកអគារអតីតសាលាខេត្តចាស់ធ្វើជាទីតាំងសម្រាប់សង្គ្រោះបន្ទាន់អ្នកជំងឺកូវីដ១៩ធ្ងន់ធ្ងន់
ប្រធានមន្ទីរសុខាភិបាលខេត្តកោះកុង បានឱ្យដឹងថា ខេត្តកោះកុងបានយកអគារអតីតសាលាខេត្តចាស់ ដែលអាចដាក់បានចំនួន៤០គ្រែ ធ្វើជាទីតាំងសម្រាប់សង្គ្រោះបន្ទាន់ និងព្យាបាលអ្នកជំងឺកូវីដ១៩ធ្ងន់ធ្ងន់។
លោកវេជ្ជបណ្ឌិត ទៅ ម៉ឹ ងប្រធានមន្ទីរសុខាភិបាលខេត្តកោះកុង បានឲ្យដឹង នៅទី៥ធ្នូនេះថាអនុគណៈកម្មការព្យាបាល និងសង្គ្រោះជំងឺកូវីដ១៩ បានត្រៀមកន្លែងសម្រាប់ជួយសង្គ្រោះដល់អ្នកជំងឺកូវីដ១៩ ដែលមានស្ថានភាពធ្ងន់ធ្ងរ ព្រោះកន្លងមកនៅមន្ទីរពេទ្យខេត្តមានតែ ១៣គ្រែប៉ុណ្ណោះ។
លោក វេជ្ជបណ្ឌិត បានបន្តថា«អ៊ីចឹងយើងចង់បន្ថែម៤០គ្រែទៀតដើម្បីជួយសម្រួលដល់ការជួយសង្គ្រោះឱ្យបានទាន់ពេលវេលានៅពេលដែលមានការកើនឡើងអ្នកជំងឺធ្ងន់ច្រើន។ប្រសិនបើមានអ្នកជំងឺច្រើនលើសពីសមត្ថភាពនៅមន្ទីរពេទ្យខេត្តទើបយើងបញ្ជួនមកកន្លែងថ្មីនេះ»។
លោកវេជ្ជបណ្ឌិត បានបន្តទៀតថា ទីតាំងថ្មីនេះ មិនមែនសម្រាប់ដាក់អ្នកជំងឺអូមីក្រុងទេ ព្រោះ ជំងឺនេះនៅមិនទាន់មកដល់កម្ពុជានៅឡើយ ហើយរឿងជំងឺបំប្លែងថ្មីអូមីក្រុងនេះ នឹងគិតទៅតាមជាក់ស្តែងជាបន្តទៀត។
លោកវេជ្ជបណ្ឌិត ហៃ ឡៃសុន ប្រធានមន្ទីរពេទ្យបង្អែកខេត្តកោះកុងបានមានប្រសាសន៍ថាលោកនិងថ្នាក់ដឹកនាំមន្ទីរពេទ្យផ្សេងទៀត បានដឹកនាំក្រុមគ្រូពេទ្យ ថែទាំ ព្យាបាលជំងឺកូវីដ-១៩ ដើម្បីរៀបចំគ្រែ និងសម្អាត មណ្ឌលព្យាបាលជំងឺកូវីដ-១៩កម្រិតធ្ងន់ ដែលមានទីតាំងនៅអតីតអគារសាលាខេត្តចាស់ ដែលមណ្ឌលព្យាបាលនេះមានចំនួន៤០គ្រែហើយគ្រោង នឹងត្រៀមដាក់ឱ្យដំណើរការនៅពេលឆាប់ៗនាចុងឆ្នាំ២០២១នេះ។
លោក ទូ សាវុធ អភិបាលរងនៃគណៈអភិបាលខេត្តកោះកុងបានមានប្រសាសន៍ថាបច្ចុប្បន្ននេះខេត្តមានអ្នកជំងឺកូវីដ១៩ ប្រមាណជិត២០នាក់ក្នុងនោះមាន៨នាក់សម្រាកព្យាបាលនៅតាមផ្ទះនិងជាង១០នាក់ទៀត កំពុងសម្រាកព្យាបាលនៅមន្ទីរពេទ្យស្រែអំបិលនិងមន្ទីរពេទ្យខេត្ត។ចំណែកនៅមណ្ឌលព្យាបាលនានាត្រូវបានផ្អាកទាំងអស់មិនទទួលដាក់អ្នកជំងឺទៀតទេ៕សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)