ព័ត៌មានជាតិ
កម្ពុជា នឹងប្រារព្ធបុណ្យរំឭកគុណអង្គរ រយៈពេល ៣ ថ្ងៃ នៅពាក់កណ្ដាលខែធ្នូនេះ
អាជ្ញាធរជាតិអប្សរា នឹងប្រារព្ធបុណ្យរំឭកគុណអង្គររយៈពេល៣ថ្ងៃ គឺនៅថ្ងៃទី ១៤ ដល់ ថ្ងៃទី១៦ ខែធ្នូ ឆ្នាំ២០២១ នៅរមណីយដ្ឋានអង្គរ ដើម្បីចូលរួមអបអរសាទរខួប២៩ឆ្នាំនៃការចុះរមណីយដ្ឋានអង្គរ ទៅក្នុងបញ្ជីនៃសម្បត្តិបេតិកភណ្ឌពិភពលោក នាថ្ងៃទី១៤ ខែធ្នូ ឆ្នាំ១៩៩២ ។
សេចក្តីជូនដំណឹងរបស់អាជ្ញាធរជាតិអប្សរានៅថ្ងៃទី០៧ ខែធ្នូ ឆ្នាំ២០២១នេះ បានឱ្យដឹងថា ការប្រារព្ធបុណ្យរំឭកគុណអង្គរនេះដោយសារអង្គរជានិមិត្តរូបជាតិ ជាតំណាងឱ្យអត្តសញ្ញាណ និងជាដួងព្រលឹង របស់ជាតិ វឌ្ឍនភាពជាតិ សាមគ្គីភាព និងសុខសន្តិភាព ក៏ដូចជា រំឭកគុណដល់បុព្វបុរស និងបុព្វការីជនខ្មែរគ្រប់ជំនាន់។
បើតាមអាជ្ញាធរជាតិអប្សរា ព្រឹត្តការណ៍បុណ្យរំឮកគុណអង្គរដ៏មានសារៈសំខាន់នេះ នឹងមានប្រារព្ធពិធីបួងសួងសុំសេចក្តីសុខ និងការដាក់បាតព្រះសង្ឃនៅពេលព្រឹកនៃថ្ងៃចាប់ផ្តើម ការសម្ដែងល្ខោន ស្បែកធំ នាពេលរាត្រី និង ការរៀបចំស្តង់ពិព័រណ៍សមិទ្ធផល និងសកម្មភាពការងាររបស់អាជ្ញាធរជាតិអប្សរា ក៏ដូចជា ការបើកការទស្សនាការដ្ឋាន ជួសជុលនានាក្នុងរមណីយដ្ឋានអង្គរជូនភ្ញៀវជាតិ-អន្តរជាតិ ចាប់ពីថ្ងៃទី១៤ ដល់ថ្ងៃទី១៦ ខែធ្នូ ឆ្នាំ២០២១។ អាជ្ញាធរជាតិអប្សរា បានបន្តថា នៅមុនថ្ងៃប្រារព្វព្រឹត្តិការវប្បធម៌ដ៏សំខាន់មួយនេះ ពោល គឺនៅថ្ងៃទី១២ និងថ្ងៃទី ១៣ ខែធ្នូ ឆ្នាំ២០២១ ក៏នឹងមានការប្រារព្ធពិធីសាសនា និងការសម្តែងសិល្បៈ ជាពិសេស ការសម្តែងល្ខោនបាសាក់ នៅបរិវេណប្រាសាទភ្នំ បាខែង និងទីលានជល់ដំរី ក្រុងអង្គរធំផងដែរ។
សូមជម្រាបជូនថា ប្រាសាទអង្គរ ត្រូវបានអង្គការយូណេស្កូចុះក្នុងសម្បត្តិវប្បធម៌បេតិកភណ្ឌពិភពលោក កាលពី២៩ឆ្នាំមុន ដោយចាត់ទុកជា សម្បត្តិវប្បធម៌មួយដ៏ខ្ពង់ខ្ពស់ និងមានតម្លៃបំផុតមិនអាចកាត់ថ្លៃបាន ពីព្រោះបេតិកភណ្ឌនេះ គឺជាកេរ្តិ៍មរតករបស់មនុស្សជាតិជំនាន់មុនៗ ដែលបានកសាងទុកមកជាយូរ អង្វែងសម្រាប់មនុស្សជំនាន់ក្រោយ៕
អត្ថបទ៖ សំអឿន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ