ព័ត៌មានជាតិ
ខេត្តព្រះសីហនុ នឹងរៀបចំថតវីដេអូផ្សព្វផ្សាយគោលដៅទេសចរណ៍បង្ហាញទៅកាន់ពិភពលោក
អាជ្ញាធរខេត្តព្រះសីហនុ បានត្រៀមរៀបចំថតវីដេអូផ្សព្វផ្សាយគោលដៅទេសចរណ៍ខេត្តព្រះសីហនុបង្ហាញទៅកាន់ពិភពលោកឱ្យបានឃើញ ដើម្បីទាក់ទាញភ្ញៀវទេសចរ ក៏ដូចជា អ្នកវិនិយោគមកទស្សនា និងវិនិយោគនៅក្នុងខេត្តជាប់សមុទ្រមួយនេះកាន់តែច្រើនថែមទៀត។ ជាមួយនឹងការត្រៀមថតវីដេអូផ្សព្វផ្សាយនេះ អាជ្ញាធរខេត្តនេះ ក៏នឹងបង្ហាញពីគុណភាពសេវាកម្ម ព្រមទាំង ផាសុកភាព និងសុខ សុវត្ថិភាពសម្រាប់អ្នកទេសចរ និងអ្នកវិនិយោគផងដែរ។
នៅក្នុងកិច្ចប្រជុំស្ដីពីការរៀបចំថតវីដេអូផ្សព្វផ្សាយគោលដៅទេសចរណ៍ខេត្តព្រះសីហនុកាលពីថ្ងៃចន្ទ ម្សិលមិញ លោក ម៉ាង ស៊ីណេត អភិបាលរងខេត្តព្រះសីហនុ បានមានប្រសាសន៍ថា ការថតវីដេអូផ្សព្វផ្សាយគោលដៅទេសចរណ៍ខេត្តព្រះសីហនុនេះ គឺដោយសារខេត្តព្រះសីហនុ ជាខេត្តមួយដែលដើរតួនាទីសំខាន់ផ្នែកសេដ្ឋកិច្ច និងទេសចរណ៍។ ដូច្នេះ ត្រូវរួមគ្នាបង្ហាញពីសក្តានុពល និងគោលដៅទេសចរណ៍របស់ខេត្តដល់ភ្ញៀវទេសចរតាមរយៈស្បតវីដេអូខ្លីនៃពីសក្តានុពលដ៏សម្បូរបែបរបស់ខេត្តទាំងនៅលើគោក និងធនធានធម្មជាតិបាតសមុទ្រ ដូចជា ផ្កាថ្ម និងជីវៈចម្រុះបាតសមុទ្រជាដើម។ ទន្ទឹមនឹងនេះ ក៏ត្រូវមានការចូលរួមពីវិស័យឯកជនដែលបម្រើការងារក្នុងវិស័យទេសចរណ៍ថែមទៀត។
លោកអភិបាលរង បានបន្តថា ក្រៅពីនេះ ក៏មានការបង្ហាញពីសក្តានុពលធម្មជាតិរបស់ខេត្តព្រះសីហនុ និងការអភិវឌ្ឍទេសចរណ៍ប្រកបដោយប្រសិទ្ធភាព គុណភាព និងនិរន្តរភាព ដើម្បីចូលរួមចំណែកការពារ និងថែរក្សាធនធានធម្មជាតិ វប្បធម៌ និងទំនៀមទម្លាប់ ដែលជាមូលដ្ឋានបម្រើឱ្យវិស័យទេសចរណ៍ និងចូលរួមកាត់បន្ថយភាពក្រីក្រ។ លោកបានបន្ថែមទៀតថា ការថតវីដេអូផ្សព្វផ្សាយនេះ ក៏នឹងរួមបញ្ចូលនូវការបង្ហាញពីការធានាលើកកម្ពស់គុណភាពសេវាកម្មទេសចរណ៍នៅក្នុងប្រទេសកម្ពុជា ពិសេស សេវាកម្មទេសចរណ៍ក្នុងខេត្តព្រះសីហនុតាមរយៈការបង្កើតប្រព័ន្ធធានាគុណភាព ដោយផ្តល់សន្តិសុខ សុវត្ថិភាព ផាសុកភាព និងបង្កើនការពេញចិត្តដល់ភ្ញៀវទេសចរ៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង