ព័ត៌មានជាតិ
សណ្ឋាគារជិត ២ម៉ឺនបន្ទប់ដំណើរការឡើងវិញ រង់ចំាទទួលភ្ញៀវទេសចរនៅចុងឆ្នាំនេះ
ខេត្តសៀមរាប៖ ម្ចាស់សណ្ឋាគារ និងផ្ទះសំណាក់ នៅខេត្តសៀមរាបកំពុងរៀបចំកែលម្អទីតាំងរបស់ខ្លួនឡើងវិញ ដើម្បីរង់ចាំទទួលភ្ញៀវទេសចរ ក្រោយផ្អាកដំណើរការមួយរយៈធំ ដោយសារវិបត្តិកូវីដ-១៩។ នេះបើតាមការបញ្ជាក់ររបស់ប្រធានមន្ទីរទេសចរណ៍ខេត្តសៀមរាប។
លោក ង៉ូវ សេងកាក់ ប្រធានមន្ទីរទេសចរណ៍ខេត្តសៀមរាប បានប្រាប់កម្ពុជាថ្មី នៅថ្ងៃទី ០៨ ខែ ធ្នូនេះថា នៅខេត្តសៀមរាប មានសណ្ឋាគារប្រមាណជិត ២ម៉ឺនបន្ទប់ និងផ្ទះសំណាក់ចំនួន ៨០០០បន្ទប់ ដែលបានបើកដំណើរការឡើងវិញ។ លោកបន្តថា ភ្ញៀវទេសចរ ក៏ចាប់ផ្តើមធ្វើដំណើរមកកម្សាន្តនៅខេត្តសៀមរាបជាបណ្តើរផងដែរ។ ជាក់ស្តែងនៅថ្ងៃចុងសប្តាហ៍ ឬថ្ងៃបុណ្យជាតិ មានភ្ញៀវទេសចរមកម្សាន្តនៅខេត្តសក្កានុពលមួយនេះប្រមាណ ៦០០០នាក់ ជារៀងរាល់សប្តាហ៍។
«ថ្ងៃចុងសប្តាហ៍មានភ្ញៀវច្រើន ភាគច្រើនជាភ្ញៀវជាតិ ចំណែកភ្ញៀវអន្តរជាតិ មានតែទេសចរណ៍ផ្ទៃក្នុងទេ(អន្តរជាតិនៅក្នុងប្រទេស) ព្រោះមិនទាន់មានការហោះហើរច្រើន»។
លោក ង៉ូវ សេងកាក់ បានសង្កត់ធ្ងន់ថា នៅក្នុងវិបត្តិកូវីដ-១៩ វិស័យទេសចរណ៍នៅក្នុងខេត្តសៀមរាប រងគ្រោះធ្ងន់ធ្ងរជាងគេ ដែលក្នុងនោះវិស័យសណ្ឋាគារ និងផ្ទះសំណាក់ បានបិទដំណើរការពី ៨០ភាគរយ ទៅ ៩០ភាគរយ។ ប៉ុន្តបច្ចុប្បន្នគ្រប់ផ្នែកទាំងអស់ ដូចជា សេវាកម្ម អាហារដ្ឋាន សណ្ឋាគារ ផ្ទះសំណាក់ បានបើកដំណើរការឡើងវិញ ដែលជាផ្នែកមួយជួយជំរុញវិស័យសេដ្ឋកិច្ចជាតិឲ្យកាន់តែល្អប្រសើរនាពេលឆាប់ៗនេះ។
លើសពីនេះទៀត ប្រធានមន្ទីរទេសចរណ៍ខេត្តសៀមរាប បានលើកឡើងថា នៅថ្ងៃទី ១៧ ខែធ្នូ ឆ្នាំ ២០២១ខាងមុខ មានជើងហោះហើរចំនួន ២ខ្សែ គឺសាំងហ្កាពួ អ៊ែឡាញ និងម៉ៃអ៊ែឡាញ នឹងដឹកភ្ញៀវទេចរចូលមកខេត្តសៀមរាប។ នេះបើតាមការជូនដំណឹងរបស់ភ្នាក់ងារអាកាសចរណ៍កម្ពុជា។
ក្រសួងទេសចរណ៍ បានឲ្យដឹងថា នៅទូទាំងប្រទេសកម្ពុជា មានសណ្ឋាគារសរុបចំនួន ១,០២៨ ទីតាំង ស្មើនឹង ៤៤,៤២៨ បន្ទប់ និងផ្ទះភ្ញៀវមានចំនួន ២,៧៥៥ ទីតាំង ស្មើនឹង ៣៥,៧៩១ បន្ទប់។
បើតាមក្រសួងទេសចរណ៍ ពេញមួយឆ្នាំ២០២០ កន្លងទៅ នៅទូទាំងប្រទេស មានសណ្ឋាគារចំនួន ២៥៩ ទីតាំង ស្មើនឹង ១៤,៤៥៣ បន្ទប់ និងផ្ទះភ្ញៀវចំនួន ២៩៤ ទីតាំង ស្មើនឹង ៣,១៧១ បន្ទប់ បានបិទទ្វារជាបន្តបន្ទាប់ ក្នុងនោះ ទីតាំងដែលរងផលប៉ះពាល់ខ្លាំងជាងគេមានរាជធានីភ្នំពេញ ខេត្តសៀមរាប ស្វាយរៀង កំពត បន្ទាយមានជ័យ និងខេត្តបាត់ដំបង៕
អត្ថបទ៖ ទួន សុផល
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ