ព័ត៌មានជាតិ
សមាសភាពគណៈរដ្ឋមន្ត្រីថ្មី សម្រាប់យុវជនជំនាន់ក្រោយ ត្រូវបានរៀបចំត្រៀមរួចហើយ
សម្ដេចតេជោ ហ៊ុន សែន បានបង្ហើបឲ្យដឹងថា សម្ដេច និងថ្នាក់ដឹកនាំសំខាន់ៗ បានរៀបចំរួចទៅហើយ នូវសមាសភាពគណៈរដ្ឋមន្ត្រីថ្មី សម្រាប់យុវជនជំនាន់ក្រោយ ហើយជិតពាក់កណ្ដាល នៃសមាសភាព គឺបានរៀនចប់ថ្នាក់បណ្ឌិត។
សម្ដេចតេជោនាយករដ្ឋមន្ត្រី បានថ្លែងក្នុងពិធីចុះត្រួតពិនិត្យ ការដ្ឋានសាងសង់ព្រលានយន្តហោះអន្តរជាតិភ្នំពេញថ្មី ស្ថិតនៅឃុំព្រែកស្លែង ស្រុកកណ្តាលស្ទឹង ខេត្តកណ្តាល នាព្រឹកថ្ងៃទី ៩ ខែធ្នូនេះថា សមាសភាពគណៈរដ្ឋមន្ត្រីថ្មីមួយ ត្រូវបានរៀបចំត្រៀមរួចជាស្រេចទៅហើយ សម្រាប់យុវជនជំនាន់ក្រោយ។ នៅក្នុងសមាសភាពនោះ មានអ្នករៀនចប់ថ្នាក់បណ្ឌិត រហូតដល់ជិតពាក់កណ្ដាលឯណោះ។
សម្ដេចតេជោ ហ៊ុន សែន មានប្រសាសន៍ថា «ខ្ញុំអត់បង្ហាញទេ ក្រៅពីមនុស្សប៉ុន្មាននាក់ ខ្ញុំមិនបង្ហាញឲ្យនរណាដឹងទេ គណៈរដ្ឋមន្ត្រីថ្មីមួយ ត្រូវបានរៀបចំត្រៀមរួចហើយ សម្រាប់ពួកក្មេងជំនាន់ក្រោយ ផ្ដាំទៅអ្នកឯងទៅ ផ្ដាំទៅអ្នកឯង ហើយពិនិត្យក្នុងគណៈរដ្ឋមន្ត្រីហ្នឹង បណ្ឌិតជាក់ពាក់កណ្ដាល ក្រៅពីនោះអនុបណ្ឌិត»។
នៅក្នុងសមាសភាពគណៈរដ្ឋមន្ត្រីថ្មី ដែលត្រៀមទុកនោះ គឺមានអាយុក្រោម ៦០ឆ្នាំ។ បើតាមសម្ដេចតេជោ ហ៊ុន សែន គឺនៅថ្ងៃម្សិលមិញ មានការប្រជុំរួចស្រេចទៅហើយ នៅផ្ទះរបស់សម្ដេច ដោយមានការចូលរួមពីសម្ដេចតេជោ ហ៊ុន សែន ផ្ទាល់, សម្ដេចក្រឡាហោម ស ខេង, សម្ដេចវិបុលសេនាភក្ដី សាយ ឈុំ, សម្ដេចពិជ័យសេនា ទៀ បាញ់, និងលោកជំទាវឧបនាយករដ្ឋមន្ត្រី ម៉ែន សំអន។ នៅក្នុងកិច្ចប្រជុំនេះ គឺបានសម្រេចទៅលើបញ្ជីឈ្មោះ សមាសភាពគណៈរដ្ឋមន្ត្រីបម្រុង រួចស្រេចទៅហើយ។
ទោះយ៉ាងណាក៏ដោយ សម្ដេចតេជោ ហ៊ុន សែន បានបញ្ជាក់ថា សមាសភាពគណៈរដ្ឋមន្ត្រីបម្រុងនេះ មិនមែនចាប់ផ្ដើមបំពេញការងារ នៅក្នុងឆ្នាំ ២០២៣ខាងមុខនេះនោះទេ ពីព្រោះនៅឆ្នាំ ២០២៣ សម្ដេចតេជោ នៅតែជាបេក្ខជននាយករដ្ឋមន្ត្រីដដែល៕
អត្ថបទ៖ ឃួន សុភ័ក្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង