Connect with us

ព័ត៌មានជាតិ

ប្រមុខដឹកនាំកម្ពុជា ចង់ពង្រឹងសមត្ថភាពអ្នកមានស្រុកខ្មែរឲ្យខ្លាំង ដើម្បីបង្កើតមុខរបររកស៊ីនៅក្នុងប្រទេស

បានផុស

នៅ

មានប្រសាសន៍ទាក់ទងទៅនឹងការប្រមូលទុន ដើម្បីសាងសង់ អាកាសយានដ្ឋានអន្តរជាតិតេជោក្រុងតាខ្មៅ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជាបានលើកឡើងថា សម្តេចចង់ពង្រឹងសមត្ថភាពអ្នកមាននៅស្រុកខ្មែរ ដើម្បីបង្កើតមុខរបររកស៊ីនៅក្នុងប្រទេស ដោយចាក់ប្ញសចាក់គល់នៅក្នុងប្រទេស ពីព្រោះក្រុមហ៊ុនបរទេស បើមានការអី គេនឹងរត់ទៅបាត់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចតេជោ ហ៊ុន សែន លើកឡើងយ៉ាងដូច្នេះថា ៖ «ខ្ញុំចេះតែនិយាយ ហើយនិយាយទៀត គឺខ្ញុំចង់ពង្រឹងសមត្ថភាពអ្នកមានស្រុកខ្មែរ ពីព្រោះអ្នកមានប្រទេសក្រៅ នៅពេលដែលមានការអី គេប្រុចទៅបាត់ ហើយមានតែអ្នកមានស្រុកខ្មែរទេ ដែលគេនៅស្រុកខ្មែរ ចឹងបានជាខ្ញុំចង់ពង្រឹងសមត្ថភាពកូនខ្មែររបស់យើង ដើម្បីឲ្យចាក់រឹសចាក់គល់នៅក្នុងប្រទេសរបស់ខ្លួន»។ សម្តេចតេជោ ក៏បានលើកឡើងដែរថា កាលពីប៉ុន្មានថ្ងៃមុន គ្រាន់តែសម្ដេចលើកឡើងពីការចង់ជួយប្រទេសឡាវ ដែលកំពុងមានការលំបាកដោយការរីករាលដាលនៃជំងឺកូវីដ១៩ គឺសម្តេច គ្រាន់តែប្រាប់ទៅឧកញ៉ាម្នាក់ ឧកញ៉ាផ្សេងៗទៀត ក៏បានចូលរួមយ៉ាងច្រើនរហូតដល់១០លានដុល្លារអាមេរិក។

ជាមួយនឹងការលើកឡើងខាងលើនេះ សម្ដេច បានលើកឡើងពីឈ្មោះក្រុមហ៊ុនពីបរទេសមួយចំនួន ហើយថា ធនាគារ ព្រីន មិនមែនជាធនាគារចិនទេ តែជាធនាគារខ្មែរ ព្រោះប្រធានក្រុមហ៊ុននេះ មានសញ្ជាតិខ្មែរ ដោយគាត់រស់នៅលើទឹកដីខ្មែរតាំងពីអាយុ២២ ឆ្នាំមកម្ល៉េះ។ ដោយឡែក ធនាគារ ABAវិញ មិនមែនខ្មែរទេ មានការអី គេនឹងទៅបាត់ហើយ។

សម្តេច បានបញ្ជាក់ថា ការនិយាយនេះ មិនមែនចង់ឃោសនាទម្លាក់គុណភាពការរត់ប្រណាំងប្រជែងគ្នានៃបណ្តាក្រុមហ៊ុននៅក្រៅស្រុក ក្នុងស្រុកនោះទេ គឺគ្រាន់តែពន្យល់ ប្រជាពលរដ្ឋឲ្យបានដឹង ដើម្បីឲ្យច្បាស់ថា គ្មានអ្នកណារួមសុខរួមទុក្ខ ក្រៅពីអ្នកមានស្រុកខ្មែរនោះទេ។ បន្ថែមលើនេះ សម្ដេច ក៏បានអំពាវនាវដល់ក្រុមហ៊ុន ក៏ដូចជា ធនាគារទាំងក្រៅប្រទេស ទាំងក្នុងប្រទេស ចូលរួមទិញយកប័ណ្ណពីព្រលានយន្តហោះថ្មី ពីព្រោះមានការប្រាក់រហូតដល់៥ភាគរយ៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា១១ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ១១ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ១២ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច១២ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ១៣ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម