ព័ត៌មានជាតិ
រដ្ឋមន្ត្រីសង្គមកិច្ច អំពាវនាវកុំមានការរើសអើងដល់កុមារអូទីស្សឹម និងខ្សោយសតិបញ្ញា
រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បានអំពាវនាវដល់ប្រជាពលរដ្ឋកុំមានការរើសអើងដល់កុមារដែលមានជំងឺអូទីស្សឹម កុមារខ្សោយសតិបញ្ញា និងដោនសាំងដ្រូម ព្រោះថាពួកគេក៏មានសិទ្ធិពេញលេញរស់នៅដូចមនុស្សទូទៅដែរ។
ថ្លែងក្នុងឱកាសនាំយកអំណោយរបស់សម្តេចតេជោនាយករដ្ឋមន្ត្រី ហ៊ុន សែន ទៅចែកជូនដល់កុមារអូទីស្សឹម នៅក្នុងវិទ្យាល័យអប់រំពិសេសក្រុងតាខ្មៅ នាព្រឹកថ្ងៃទី៩ ខែធ្នូ ឆ្នាំ២០២១ នេះ លោក វង សូត រដ្ឋមន្ត្រី ក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានក្រុមប្រឹក្សាសកម្មភាពជនពិការ បានមានប្រសាសន៍ថា រាជរដ្ឋាភិបាលបានគាំទ្រចំពោះកុមារមានពិការភាព និងកុមារអូទីស្សឹម ខ្សោយសតិបញ្ញា និង ដោនសាំងដ្រូម ដែលមានការលំបាកខ្លាំងណាស់ក្នុងការមើលថែទាំ និងអប់រំបង្ហាត់បង្រៀនដល់ពួកគេឱ្យទទួលបានចំណេះដឹង និងអាចរស់នៅក្នុងសង្គមបានពេញលេញ។
លោករដ្ឋមន្ត្រីបានធ្វើការកោតសរសើរដល់មាតាបិតាអាណាព្យាបាល លោកគ្រូ អ្នកគ្រូ ដែលជាអ្នកមើលថែ និង បង្រៀនដល់កុមារអូទីស្សឹម ខ្សោយសតិបញ្ញា និង ដោនសាំងដ្រូម បានល្អប្រសើរ ព្រោះថាការមើលថែទាំដល់កុមារទាំងនេះទាមទារនូវជំនាញពិសេសច្បាស់លាស់ និង ការអត់ធ្មត់ខ្ពស់ជាទីបំផុត។
លោករដ្ឋមន្ត្រី បានអះអាងថា៖ « ក្នុងនាមរាជរដ្ឋភិបាល ក៏ដូចជាក្រសួងសង្គមកិច្ច សូមថ្លែងអំណរគុណ និង កោតសរសើរដោយស្មោះ ចំពោះ មាតាបិតាអាណាព្យាបាល លោកគ្រូ អ្នកគ្រូ បុគ្គលិក អ្នកមើលថែ និង អ្នកបង្រៀនដល់ ដល់កុមារដែលមានពិការភាព និងកុមារអូទីស្សឹម កុមារខ្សោយសតិបញ្ញា និង កុមារដោនសាំងដ្រូមបានល្អប្រសើរព្រោះការមើលថែទាំចំពោះកុមារទាំងនោះពិតជាទាមទារឱ្យមាននូវជំនាញ និង ការអត់ធ្មត់ណាស់ »។
លោក ចាន់ សារិន នាយកអង្គការជំនួយនៃក្តីសង្ឃឹមសម្រាប់សហគមន៍ និងជានាយកសាលាវិទ្យាល័យអប់រំពិសេសក្រុងតាខ្មៅ បានឱ្យដឹងថា បច្ចុប្បន្ននេះ វិទ្យាល័យអប់រំពិសេសក្រុងតាខ្មៅ មានសិស្សជាកុមារអូទីស្សឹម ខ្សោយសតិបញ្ញា និង ដោនសាំងដ្រូម ចំនួន ២០៥ នាក់ បាន និង កំពុងសិក្សា និង ៩០ នាក់ផ្សេងទៀត កំពុងរង់ចាំសាលាដែលបច្ចុប្បន្នកំពុងដោះស្រាយការសាងសង់។ ប្រឈមនឹងបញ្ហានេះ លោករដ្ឋមន្ត្រី វង សូត បានឧបត្ថម្ភថវិកា ១ ម៉ឺន ដុល្លារអាមេរិកសម្រាប់ចូលរួមសាងសង់សាលាវិទ្យាល័យអប់រំពិសេសក្រុងតាខ្មៅផងដែរ ៕
អត្ថបទ៖ សំអឿន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៥ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore