ព័ត៌មានជាតិ
កម្ពុជា នឹងបញ្ជូននិស្សិត២០០នាក់ទៅសិក្សាពីបច្ចេកទេសកសិកម្មទំនើបនៅអ៊ីស្រាអែល
រាជរដ្ឋាភិបាលកម្ពុជា នឹងបញ្ជូននិស្សិតវិទ្យាស្ថានជាតិកសិកម្មព្រែកលៀបឆ្នាំទី២ចំនួន២០០នាក់ទៅធ្វើកម្មសិក្សា ដកស្រង់ ផ្លាស់ប្តូរបទពិសោធន៍ទាំងទ្រឹស្តី និងការអនុវត្តជាក់ស្តែងលើជំនាញបច្ចេកទេសវិស័យកសិកម្មទំនើបនៅប្រទេសអ៊ីស្រាអែលចាប់ពីថ្ងៃ ទី១៤ ខែធ្នូ ឆ្នាំ២០២១ ខាងមុខនេះតទៅ ។
នៅក្នុងពិធីជួបសំណេះសំណាលជាមួយនិស្សិត២០០នាក់មុននឹងចេញដំណើរទៅអ៊ីស្រាអែលនៅទីស្តីការក្រសួងកសិកម្មកាលពីរសៀលម្សិលមិញ លោក ធន់ វឌ្ឍនា នាយកវិទ្យាស្ថានជាតិកសិកម្មព្រែកលៀប បានឱ្យដឹងថា វិទ្យាស្ថានជាតិកសិកម្មព្រែកលៀប បានធ្វើកិច្ចសហប្រតិបត្តិការអភិវឌ្ឍធនធាន មនុស្សជាមួយក្រុមហ៊ុន SNAC ចាប់តាំងពីឆ្នាំ ២០១៩មក ក្នុងគោលបំណងលើកកម្ពស់ការអប់រំទាំងផ្នែកទ្រឹស្តី និងអនុវត្តជាក់ស្តែងដល់និស្សិតឆ្នាំទី២ សម្រាប់រយ:ពេល ១១ខែ នៅប្រទេសអ៊ីស្រាអែល។
លោកបន្តថា នៅអ៊ីស្រាអែល និស្សិតកម្ពុជានឹងសិក្សាលើមុខវិជ្ជាមួយចំនួន ដូចជា ១. ស្តង់ដារកសិកម្មអន្តរជាតិ ២. សេដ្ឋកិច្ចកសិកម្ម ៣. ការការពារដំណាំ ៤. គម្រោងស្រាវជ្រាវ ៥. ការអភិរក្សធនធានដី ៦. មូលដ្ឋានគ្រឹះនៃប្រព័ន្ធស្រោចស្រពបែបទំនើប ៧. បច្ចេកទេសក្រោយប្រមូលផល ៨. ការធ្វើកសិកម្មឈើហូបផ្លែ ៩. និរន្តរភាពកសិកម្ម។ល។ ចំណែកជំនាញដែលត្រូវអនុវត្តនៅក្នុងកសិដ្ឋាន រួមមាន៖ ១. ការចិញ្ចឹមសត្វ ២. សាកវប្ប កម្ម ៣. ការប្រមូលផលនិងការវេចខ្ចប់ ៤. ដំណាំផ្កា ៥. ការបណ្តុះផ្សិត ៦. គ្រាប់ពូជជាដើម។ល។
ចំណែក លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នៅក្នុងជំនួបសំណេះសំណាលនោះដែរ បានលើកទឹកចិត្តដល់និស្សិតទាំងអស់ឲ្យយកចិត្តទុកដាក់រៀនសូត្រ និងស្រាវជ្រាវបន្ថែមដើម្បីអភិវឌ្ឍខ្លួនឯងឲ្យក្លាយជានិស្សិតល្អ និងពលរដ្ឋល្អ ពោពេញដោយ ចំណេះដឹង និងបទពិសោធន៍ ព្រោះជាធនធានដ៏មានតម្លៃសម្រាប់កសាង និងអភិវឌ្ឍន៍វិស័យកសិកម្ម នាពេលអនាគត។
លោករដ្ឋមន្ត្រី ក៏បានណែនាំឱ្យនិស្សិតគ្រប់រូប ត្រូវឆ្លៀតយកឱកាសដ៏ល្អនេះ ខិតខំស្រូបយកនូវរាល់ចំណេះជំនាញ ដែលជាទុនពុទ្ធិឲ្យបានរឹងមាំ ដើម្បីរួមគ្នាគិតគូដោះស្រាយនូវរាល់បញ្ហាដែលកសិករកំពុងប្រឈមឲ្យបានសមស្រប ទាន់ពេលវេលា និងមានប្រសិទ្ធភាព ឈានឆ្ពោះទៅធ្វើការអភិវឌ្ឍវិស័យកសិកម្មកម្ពុជាជាជំហានៗប្រកបដោយចីរភាព និរន្តរភាព មានលក្ខណៈប្រកួតប្រជែង បរិយាប័ន្ន ធន់នឹងការប្រប្រួលអាកាសធាតុ និងនរវានុវត្តន៍៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត