Connect with us

ព័ត៌មានជាតិ

ឯកឧត្ដម​ក​ត្តិ​នីតិកោសល​បណ្ឌិត ងួន ញ៉ិល ផ្តល់​អំណោយ​ដល់​ពលរដ្ឋ​៤០០​គ្រួសារ

បានផុស

នៅ

​កាលពី​រសៀល​ថ្ងៃ​ទី​២៣ ខែ​តុលា ឆ្នាំ​២០២០​ ឯកឧត្ដម​ក​ត្តិ​នីតិកោសល​បណ្ឌិត ងួន ញ៉ិល អនុប្រធាន​ទី​១ នៃ​រដ្ឋសភា អម​ដោយ​តំណាងរាស្ត្រ មណ្ឌល​ខេត្ត​កំពង់ធំ សមាជិក​រដ្ឋសភា ថ្នាក់ដឹកនាំ​ខេត្ត បាន​អញ្ជើញ​ចុះ​ជួប​សំណេះសំណាល និង​ចែក​អំណោយ​ដល់​ប្រជាពលរដ្ឋ​ចំនួន​៤០០​គ្រួសារ ដែល​រង​គ្រោះ​ដោយ​ជំនន់​ទឹកភ្លៀង ក្នុង​ឃុំ​ក្លែង និង​ឃុំ​ឈើទាល ស្រុក​សណ្តាន់ ខេត្ត​កំពង់ធំ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុង​ពិធី​នោះ ​ឯកឧត្តម​ក​ត្តិ​នីតិកោសល​បណ្ឌិត ងួន ញ៉ិល បាន​ពាំនាំ​នូវ​ព្រះរាជ​បណ្តាំ​សាកសួរ​ សុខ​ទុក្ខ​របស់ ព្រះករុណា ព្រះបាទ​សម្ដេច ព្រះបរមនាថ នរោត្តម សីហមុនី ព្រះមហាក្សត្រ ​នៃ​ព្រះរាជា​ណា​ចក្រ​កម្ពុជា និង​សម្តេចព្រះ​មហាក្សត្រី នរោត្តម មុនិនាថ សីហនុ ព្រះវររាជ​មាតា​ជាតិខ្មែរ ដែល​ព្រះអង្គ​ទាំង​ទ្វេ តែងតែ​យក​ព្រះទ័យ​គិតគូរ​ពី​សុខទុក្ខ​របស់​ប្រជាពលរដ្ឋ ក៏ដូចជា​មតិ​ផ្ដាំផ្ញើ​សាកសួរ សុខទុក្ខ​របស់​ថ្នាក់ដឹកនាំ រដ្ឋសភា ព្រឹទ្ធសភា។ ជាពិសេស សម្ដេច​អគ្គ​មហា​សេនា​បតី​តេ​ជោ ហ៊ុន សែន នាយករដ្ឋមន្ត្រី​កម្ពុជា ដែល​បាន​និង​កំពុង​មមាញឹក​ក្នុង​ការ​ចុះ​ជួប និង​ជួយ​ប្រជាពលរដ្ឋ​នៅតាម​តំបន់​រងគ្រោះ​នានា​។

ឯកឧត្ដម​ក​ត្តិ​នីតិកោសល​បណ្ឌិត ងួន ញ៉ិល ក៏បាន​កោតសរសើរ​ដ​ល់​អាជ្ញាធរ​ខេត្ត​គ្រប់​លំដាប់​ថ្នាក់ កង​កម្លាំងប្រដាប់អាវុធ ភាគី​ពាក់ព័ន្ធ​ទាំងអស់ ដែល​បាន​ខិតខំ​យក​អស់កម្លាំង​កាយ​ចិត្ត​ ជួយ​ដល់​បង​ប្អូន​ប្រជាពលរដ្ឋ និង​ថ្លែង​អំណរគុណ​ដល់​សប្បុរសជន ដែល​បាន​ចូលរួម​ឧបត្ថម្ភ​នូវ​ថវិកា សម្ភារៈ​ផ្សេង​ៗ សម្រាប់​ចែក​ជូន​បងប្អូន​ប្រជាជន​ក្នុង​គ្រា​ដ៏​លំបាក​នេះ​។

ជា​មួយ​គ្នា​នេះ​ដែរ ឯកឧត្ដម​ក​ត្តិ​នីតិកោសល​បណ្ឌិត ងួន ញ៉ិល ក៏បាន​អំពាវនាវ​ដល់​បងប្អូន​ប្រជា​ពល​រដ្ឋ​យើង ​ខណៈ​ប្រទេស​យើង​កំពុង​ជួប​គ្រោះ​ទឹកជំនន់ សូម​បងប្អូន​រក្សា​អនាម័យ​ក្នុង​ការ​រស់នៅ​ជាប់​ជា​ប្រចាំ និង​សូម​ប្រុងប្រយ័ត្ន ​យកចិត្តទុកដាក់​ថែរក្សា​សុខភាព ជាពិសេស​រួមគ្នា​ទប់ស្កាត់​ការ​រីក​រាល​ដាល​ នៃ​ជំងឺ​កូ​វីដ​-១៩​។​

សូម​បញ្ជាក់​ថា អំណោយ​ដែល​ប្រជាពលរដ្ឋ​រងគ្រោះ​ដោយ​ទឹកជំនន់​ទាំង​៤០០​គ្រួសារ​ទទួល​បាន រួម​មាន ៖ អង្ករ មី ទឹក​សុទ្ធ ត្រីខ ទឹកស៊ីអ៊ីវ និង​សាប៊ូ​៕

អត្ថបទ ៖ ប៉ាល់​សុង​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ នាទី មុន

លោក អ៊ុន ចាន់ដា ផ្តាំដល់អាជ្ញាធរពាក់ព័ន្ធផ្តល់បរិយាកាសសប្បាយរីករាយដល់ពលរដ្ឋក្នុងឱកាសចូលឆ្នាំខ្មែរខាងមុខ

កីឡា៧ នាទី មុន

របួសជាថ្មី អ្នកចាំទី Courtois បានចាកចេញពីការហ្វឹកហាត់ទាំងទឹកភ្នែក

ព័ត៌មានអន្ដរជាតិ៨ នាទី មុន

វៀតណាម តែងតាំងស្ត្រីមានឥទ្ធិពលម្នាក់ជាប្រធានាធិបតីស្ដីទី ក្រោយលោក Vo Van Thuong លាលែងពីតំណែង

ព័ត៌មានជាតិ១១ នាទី មុន

ភ្ញៀវទេសចរជាង១ម៉ឺននាក់ បានមកទស្សនាព្រឹត្តិការណ៍ថ្ងៃរះចំកំពូលកណ្តាលប្រាសាទអង្គរវត្ត

ជីវិតកម្សាន្ដ១៣ នាទី មុន

តារាចម្រៀង ណូយ វណ្ណា ក្លាយជាជនរងគ្រោះក្នុងការទិញដីឡូត៍គម្រោងទី ៣០ ម៉ន ដានី ខេត្តកំពត

Sokha Hotels

ព័ត៌មានពេញនិយម