ព័ត៌មានជាតិ
លោក សុក ផេង ប្រកាសគាំទ្រលោកឧត្តមសេនីយ៍ ហ៊ុន ម៉ាណែត ជាបេក្ខភាពនាយករដ្ឋមន្ត្រី
ការប្រកាសគាំទ្របេក្ខភាពនាយករដ្ឋមន្ត្រីរបស់លោក សុក ផេង រដ្ឋលេខាធិការទីស្ដីការគណៈរដ្ឋមន្ត្រី និងជាប្រធានក្រុមការងារចុះមូលដ្ឋានជួយឃុំល្វាលើ បានធ្វើឡើងខណៈអញ្ជើញចូលរួមក្នុងកិច្ចប្រជុំបូកសរុបការងារគណបក្សប្រចាំខែវិច្ឆិកា នាព្រឹកថ្ងៃទី១១ ខែធ្នូ ឆ្នាំ២០២១នេះ។
ថ្លែងនៅក្នុងពិធីនោះ លោក សុក ផេង បានផ្ដាំផ្ញើឲ្យគណបក្សឃុំ សាខាបក្សភូមិ និងប៉ុស្តិ៍រដ្ឋបាល បង្កើនការយកចិត្តទុកដាក់បម្រើសេវាសាធារណៈឲ្យបានល្អថែមទៀត និងខិតខំដោះស្រាយបញ្ហាប្រឈម ដែលប្រជាពលរដ្ឋស្នើសុំឲ្យជួយ និងធ្វើអំពើល្អ ដើម្បីដណ្ដើមបានជ័យជំនះជូនគណបក្ស។
ជាមួយគ្នានោះ ក្នុងនាមក្រុមការងារគណបក្ស លោក សុក ផេង បានអះអាងថា លោកសូមគាំទ្រលោកឧត្តមសេនីយ៏ឯក ហ៊ុន ម៉ាណែត ធ្វើជាបេក្ខភាពនាយករដ្ឋមន្ត្រី នាពេលអនាគត។
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា កាលពីថ្មីៗនេះ បានប្រកាសពីបេក្ខភាពនាយករដ្ឋមន្ត្រីរបស់លោកឧត្តមសេនីយ៍ ហ៊ុន ម៉ាណែត តាមរយៈការបោះឆ្នោត ហើយក្រោយពីការប្រកាសនេះ មានថ្នាក់ដឹកនាំ ក៏ដូចជាសមាជិក សមាជិកា គណបក្សប្រជាជនកម្ពុជា ជាច្រើនបានចេញមកប្រកាសគាំទ្រ ក្នុងនោះមានសម្តេចវិបុលសេនាភក្តី សាយ ឈុំ និងសម្តេចក្រឡាហោម ស ខេង ផងដែរ។
សូមបញ្ជាក់ថា នៅព្រឹកថ្ងៃទី១១ ខែធ្នូ ឆ្នាំ២០២១នេះ លោក សុក ផេង រដ្ឋលេខាធិការទីស្ដីការគណ:រដ្ឋមន្ត្រី និងជាប្រធានក្រុមការងារចុះជួយមូលដ្ឋានឃុំល្វាលើ បានអញ្ជើញចូលរួមក្នុងកិច្ចប្រជុំបូកសរុបការងារគណបក្សប្រចាំខែវិច្ឆិកា (ឆ្នាំ២០២១) ហើយសមាសភាពនៅក្នុងកិច្ចប្រជុំនោះរួមមាន៖ ថ្នាក់កណ្ដាល មានលោក អ៊ុយ ជីង, ថ្នាក់ស្រុក លោកស្រី នួន សាមឿន និងមានគណៈកម្មាធិការបក្សឃុំសាខាបក្សភូមិចំនួន១២នាក់ ហើយរបៀបវារៈនៃកិច្ចប្រជុំមានដូចជា អានរបាយការណ៍ការងារគណបក្ស, ការពង្រឹងការងារសន្តិសុខសណ្ដាប់ធ្នាប់ សាធារណ:, ការរៀបចំក្រុមសមាជិក និងការស្រង់ទិន្នន័យមនុស្សចាស់ដែលមានប័ណ្ណសមធម៌ជាដើម។
ក្នុងពេលចុះជួបលោកគ្រូ អ្នកគ្រូ នៅសាលាបឋមភូមិបី នារសៀលថ្ងៃដដែល លោក សុក ផេង បាននាំយកនូវសម្ភារៈសិក្សារួមមាន ប៊ិចចំនួន៣៥០ដើម សៀវភៅ២០០ ក្បាល និងថវិកា ជូនលោកគ្រូ អ្នកគ្រូ៨នាក់ ក្នុងម្នាក់ៗថវិកា៥០០០០រៀល សរុបថវិកា៩៩០ ០០០រៀល ដែលជាថវិការបស់លោក សុក ផេង និងឧបត្ថម្ភលោក វ៉ាន់ ជា និងគ្រួសារមានជំងឺចំនួន២០០០០០រៀល លោក ញាន សារ៉ាន់២០០០០០រៀល ដែលកំពុងសម្រាកព្យាបាលជំងឺនៅផ្ទះ ដែលជាថវិការបស់ក្រុមការងារសរុបថវិកា១ ៣៩០ ០០០ រៀល៕
ដោយ ៖ កោះកែវ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម៤ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ