ព័ត៌មានជាតិ
ខេត្តរតនគិរី មានបេក្ខជន ជនជាតិដើមភាគតិច ជាង ៤០% ប្រឡងសញ្ញាបត្រទុតិយភូមិ
ខេត្តរតនគិរី៖ កិច្ចប្រជុំដើម្បីពិនិត្យ និងពិភាក្សាអំពីការរៀបចំប្រឡងសញ្ញាបត្រមធ្យមសិក្សាទុតិយភូមិ ឆ្នាំ ២០២១ នៅ សាលប្រជុំសាលាខេត្តរតនគិរី នៅ ព្រឹកថ្ងៃទី ១៣ ខែធ្នូ ឆ្នាំ ២០២១ នេះ បានបង្ហាញថា មានបេក្ខជន ជនជាតិដើមភាគតិច ជាង ៤០%។
កិច្ចប្រជុំ រៀបចំក្រោមអធិបតីភាពលោក គិត ទ្រី អភិបាលរងខេត្ត តំណាងលោក ញ៉ែម សំអឿន អភិបាលខេត្ត និងមានការអញ្ជើញចូលរួមពី លោកនាយករងរដ្ឋបាលខេត្ត ប្រធានមន្ទីរអប់រំ ប្រធានមន្ទីរសុខាភិបាល អភិបាលក្រុងស្រុក តំណាងស្នងការនគរបាល អាវុធហត្ថ និងមន្រ្ដីជំនាញពាក់ព័ន្ធជាច្រើនរូប។
លោក ខាត់ សាម៉ាល់ ប្រធានមន្ទីរអប់រំយុវជន និងកីឡាខេត្ត បានលើកឡើងថា បេក្ខជនប្រឡងសញ្ញាបត្រមធ្យមសិក្សាទុតិយភូមិ នៅ ខេត្តរតនគិរី ឆ្នាំ ២០២១ នេះ សរុបមានចំនួន ១ ៣០៩ នាក់ មាន ស្រី ៦១១ នាក់។ ក្នុងនោះមានប្អូនៗជនជាតិដើមភាគតិចចំនួន ៥២៩ នាក់ ឬ ៤០,៤១ ភាគរយនៃបេក្ខជនសរុប ដោយមានស្រី ២២៣ នាក់។
លោក ខាត់ សាម៉ាល់ បានបញ្ជាក់ថា ដំណើរការប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជាសម្រាប់ខេត្តរតនគិរី ដែលនឹងប្រព្រឹត្តទៅ នៅ ថ្ងៃទី ២៧ ខែធ្នូ ឆ្នាំ ២០២១ ខាងមុខនេះ មានចំនួន ២ មណ្ឌលប្រឡង។ ក្នុងនោះមាន មណ្ឌលប្រឡងសាលាបឋមសិក្សា ប៊ូ ថង ទេសអន្លុង ស្ថិតក្នុងក្រុងបានលុង ថ្នាក់វិទ្យាសាស្រ្ដពិត មានចំនួន ១១ បន្ទប់ មានបេក្ខជនសរុប ២៧២ នាក់ ស្រី ១៥១ នាក់។ និងមណ្ឌលវិទ្យាល័យសម្ដេចឪ សម្ដេចម៉ែ ស្ថិតក្នុងក្រុងបានលុង ថ្នាក់វិទ្យាសាស្រ្ដសង្គម ចំនួន ៤២ បន្ទប់ មានបេក្ខជនសរុប ១ ០៣៧ នាក់ ស្រី ៤៦០ នាក់។
ថ្លែងក្នុងឱកាសបើកកិច្ចប្រជុំ លោក គិត ទ្រី អភិបាលរងខេត្ត បានមានប្រសាសន៍ថា កិច្ចប្រជុំនេះគឺដើម្បីពិនិត្យពិភាក្សាការងារចាំបាច់នានា ពិសេសលើផ្នែក សណ្ដាប់ធ្នាប់ សុវត្ថិភាពសុខាភិបាល ដើម្បីឱ្យសិស្សានុសិស្សទាំងអស់អាចប្រឡងបានដោយសុវត្ថិភាព និងដំណើរការបានជោគជ័យ និងមិនមានការរំខានពីជំងឺកូវីដ-១៩។
លោកក៏បានសំណូមពរដល់ភាគីអង្គភាពជំនាញពាក់ព័ន្ធ ត្រូវចូលរួមអនុវត្តនូវបទដ្ឋានគតិយុត្តនានា និងយន្ដការកិច្ចការប្រឡង និងមានការពិនិត្យគាំទ្រជាប្រចាំ លើកិច្ចការគ្រប់គ្រងបច្ចេកទេស និងចុះពិនិត្យវាយតម្លៃដល់ទីតាំងមណ្ឌលប្រឡងផ្ទាល់ ដើម្បីពង្រឹងវិធានការអនាម័យ សុវត្ថិភាព សង្ឃឹមថាដំណើរការសំណេរខាងមុខ នឹងទទួលបានសុវត្ថិភាព សុខាមាលភាពតម្លាភាព យុត្តិធម៌ និងលទ្ធផលអាចទទួលយកបាន។
គួរបញ្ជាក់ថា ការប្រឡងសញ្ញាបត្រទុតិយភូមិ ឆ្នាំសិក្សា ២០២០-២០២១ នេះ នឹងប្រព្រឹត្តទៅ រយៈពេល ២ ថ្ងៃ គឺថ្ងៃទី ២៧ និង ២៨ ខែធ្នូ ឆ្នាំ ២០២១ លើ ៧ មុខវិជ្ជា ក្នុងនោះភាសាបរទេសជាវិញ្ញាសាស្ម័គ្រ (បេក្ខជនទាំងអស់បានជ្រើសរើសភាសាអង់គ្លេស)។ ថ្នាក់វិទ្យាសាស្រ្ដ មានវិញ្ញាសា ប្រវត្តិវិទ្យា ជីវវិទ្យា គីមីវិទ្យា ភាសាបរទេស អក្សរសាស្រ្ដខ្មែរ រូបវិទ្យា គណិតវិទ្យា។ ថ្នាក់វិទ្យាសាស្រ្ដសង្គម មានវិញ្ញាសា ផែនដី និងបរិស្ថានវិទ្យា ប្រវត្តិវិទ្យា ភូមិវិទ្យា ភាសាបរទេស គណិតវិទ្យា សីលធម៌ពលរដ្ឋវិជ្ជា អក្សរសាស្រ្ដខ្មែរ៕
អត្ថបទ៖ វុទ្ធឦសាន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង