ព័ត៌មានជាតិ
នៅខេត្តកំពត និងកែប មិនទាន់មានភ្ញៀវច្រើនទៅកក់សណ្ឋាគារ និងផ្ទះសំណាក់សម្រាប់ថ្ងៃឆ្លងឆ្នាំនៅឡើយទេ
បើទោះជាថ្ងៃបុណ្យឆ្លងឆ្នាំសកល ជិតឈានចូលមកដល់ក៏ដោយ ក៏នៅខេត្តកំពត និងខេត្តកែប ហាក់ពុំទាន់មានភ្ញៀវជាតិ-អន្តរជាតិ កក់សណ្ឋាគារ ផ្ទះសំណាក់ និងរីស៊ត ដើម្បីសម្រាកលំហែរកាយ សម្រាប់ឆ្លងឆ្នាំសកល ច្រើននៅ ឡើយ ។ នេះបើតាមការដឹង ពីប្រធានមន្ទីរទេសចរណ៍ខេត្តកំពត និងម្ចាស់សណ្ឋាគារ ផ្ទះសំណាក់មួយចំនួន នៅក្នុងខេត្តទាំងពីរ។
លោក សយ ស៊ីណុល ប្រធានមន្ទីរទេសចរណ៍ខេត្តកំពត បានប្រាប់នៅព្រឹកថ្ងៃទី ១៤ ខែធ្នូនេះថា បើទោះបីជាថ្ងៃឆ្លងឆ្នាំសកលជិតមកដល់ហើយ ពោលគឺនៅខ្វះតែកន្លះខែទៀតប៉ុណ្ណោះ តែពេលនេះមិនទាន់មានភ្ញៀវច្រើននោះ ទៅកក់សណ្ឋាគារ ផ្ទះសំណាក់ ក្នុងខេត្តកំពត។ លោកថា វេលាដែលភ្ញៀវត្រូវមកកក់កន្លែងស្នាក់នៅ លុះត្រាតែជិតកៀកថ្ងៃបុណ្យ ដោយភាគច្រើននៅមុនថ្ងៃឆ្លងឆ្នាំប្រហែល ៣ទៅ៤ថ្ងៃ ទើបក្រុមភ្ញៀវជាតិ-អន្តរជាតិ សម្រុកកក់សណ្ឋាគារ និងផ្ទះសំណាក់។
ដោយឡែក បើតាមការរៀបរាប់ពីម្ចាស់ផ្ទះសណ្ឋាគារ ម្ចាស់ផ្ទះសំណាក់ និងម្ចាស់រីស៊តធំៗ ល្បីៗ នៅខេត្តកែប ក៏បានប្រាប់ដែរថា ថ្វីដ្បិតខេត្តកែបជាខេត្តទេសចរណ៍យ៉ាងប្រណិត តែរឿងភ្ញៀវមកកក់សណ្ឋាគារ ផ្ទះសំណាក់ នៅពេលនេះ មិនទាន់មាននៅឡើយទេ ព្រោះថា ទម្លាប់ភ្ញៀវដែលមកពីបណ្តាខេត្តឆ្ងាយៗ សុទ្ធសឹងតែមកកក់មុនថ្ងៃឆ្លងឆ្នាំ យ៉ាងហោចណាស់ក៏ ៥ ទៅ៦ថ្ងៃដែរ ព្រោះអ្នកមកពីខេត្តឆ្ងាយៗ ភាគច្រើនជាប់រវល់ប្រកបការងាររកស៊ី មិនខុសគ្នានឹងពលរដ្ឋ នៅខេត្តកែបនោះទេ។
ទោះបែបណាក៏ដោយ ថ្វីបើភ្ញៀវមិនទាន់មកកក់សណ្ឋាគារ ផ្ទះសំណាក់ តែរៀងរាល់ ថ្ងៃសៅរ៍ និងថ្ងៃអាទិត្យ ដែលជាថ្ងៃសម្រាកការងារ គេកត់សម្គាល់ឃើញ នៅតំបន់រមណីយដ្ឋានជាច្រើន ក្នុងខេត្តកំពត និងខេត្តកែប មានភ្ញៀវទេសចរសម្រុកទៅដើរលេងកម្សាន្ត រៀងរាល់សប្តាហ៍ ក្រោយពីជំងឺកូវីដ-១៩ ហាក់មានការថមថយមក៕
អត្ថបទ៖ សេង ណារិទ្ធ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២១ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានជាតិ១៩ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»