ព័ត៌មានជាតិ
រដ្ឋមន្រ្តី ហង់ ជួនណារ៉ុន ៖ អ្នកចម្លងគេ និងអ្នកឲ្យគេចម្លងលទ្ធផលធ្លាក់ ហើយមិនឲ្យប្រឡងរយៈពេល២ឆ្នាំ
រដ្ឋមន្រ្តីក្រសួងអប់រំ យុវជន និងកីឡា លោក ហង់ ជួនណារ៉ុន បានដាស់តឿនបេក្ខជនត្រូវប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបឆ្នាំនេះ ត្រូវព្យាយាមប្រើសមត្ថភាពឲ្យអស់ពីលទ្ធភាព ដោយមិនត្រូវចម្លងគេ ឬឲ្យគេចម្លងនោះទេ ព្រោះការប្រព្រឹត្តិបែបនេះ លទ្ធផលនឹងធ្លាក់ដូចគ្នា។ លោករដ្ឋមន្រ្តីមន្រ្តីដាស់តឿនបែបនេះ នៅក្នុងសន្និសីទសារព័ត៌មានស្តីពីការប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា នៅថ្ងៃទី២០ ខែធ្នូ ឆ្នាំ២០២១។
លោករដ្ឋមន្រ្តីបញ្ជាក់ដូច្នេះថា« កម្រិតវិន័យទី១ ប្រសិនបើបេក្ខជនលួចចម្លងលើវិញ្ញាសាណាមួយ គឺឲ្យសូន្យលើវិញ្ញាសានោះ ដូច្នេះបេក្ខជនបានពិន្ទុសូន្យលើវិញ្ញាសាណាមួយ គឺធ្លាក់ដោយស្វ័យប្រវត្តិតែម្តង…ហើយចំពោះការលួចចម្លង បើយើងឆែកទៅឃើញថា ចម្លើយដូចគ្នា ឬអើតមើលរបស់គេជាដើម គឺក៏ធ្លាក់ដូចគ្នា»។
ចំពោះកម្រិតវិន័យទី២ លោក ហង់ ជួនណារ៉ុន បានបញ្ជាក់ថា« ប្រសិនបើបេក្ខជនដើរចុះដើរឡើងចេញពីកន្លែងខ្លួន ដោយគ្មានការអនុញ្ញាត ឬឲ្យសន្លឹកកិច្ចការគេចម្លង ឬបោះសន្លឹកកិច្ចការចេញក្រៅបង្អួច ដណ្តើមសន្លឹកកិច្ចការ ឬប្រមូលលុយ ឬអ្នកឲ្យគេប្រឡងជំនួស គឺឲ្យធ្លាក់ដោយស្វ័យប្រវត្តិ និងមិនឲ្យប្រឡងរយៈពេល២ឆ្នាំ»។
សូមបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបនៅឆ្នាំនេះ ប្រព្រឹត្តិទៅនៅថ្ងៃទី ២៧-២៨ ខែធ្នូ ឆ្នាំ ២០២១ តាមទម្រង់ដូចឆ្នាំកន្លងមក ដោយមានបេក្ខជនបានដាក់ពាក្យប្រឡងសរុប ១១៥ ១៣៩ នាក់ ក្នុងនោះនារី ៦០ ៦៦១ នាក់ ចែកជា ២០៤ មណ្ឌល និង ៤ ៦៥១ បន្ទប់៕ ទួន សុផល
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល