ព័ត៌មានជាតិ
ប្រធានសមាគមគ្រឹះស្ថានឧត្ដមសិក្សាស្នើក្រសួងអប់រំឲ្យបេក្ខជនប្រឡងបាក់ឌុបជាប់ដោយស្វ័យប្រវត្តិ
ប្រធានសមាគមគ្រឹះស្ថានឧត្ដមសិក្សា បានស្នើក្រសួងអប់រំយុវជន និងកីឡា ឲ្យបេក្ខជនប្រឡងបាក់ឌុបដែលត្រូវប្រឡងនាពេលខាងមុខ ឲ្យជាប់ដោយស្វ័យប្រវត្តិ ឬយកពិន្ទុមធ្យមថ្នាក់ទី១២ ដើម្បីកំណត់ជាប់ ឬធ្លាក់តែម្តងដោយមិនចាំបាច់ប្រឡងនោះទេ ដោយសារការរាតត្បាតកូវីដ-១៩។
ការស្នើសុំរបស់សមាគមគ្រឹះស្ថានឧត្តមសិក្សានេះ បានធ្វើឡើងបន្ទាប់ពីក្រសួងអប់រំយុវជន និងកីឡា បានសម្រេចពន្យាពេលការប្រឡងមធ្យមសិក្សាទុតិយភូមិ ឬបាក់ឌុប ដែលគ្រោងធ្វើនៅថ្ងៃទី២១និង២២ ខែធ្នូទៅធ្វើនៅពាក់កណ្តាលខែមករា ឆ្នាំ២០២១ ដោយសារស្ថានភាពមិនទាន់ច្បាស់លាស់ នៃផលប៉ះពាល់នៃព្រឹត្តិការណ៍សហគមន៍២៨វិច្ឆិកា។
លោក ហេង វ៉ាន់ដា ប្រធាន សមាគមគ្រឹះស្ថានឧត្តមសិក្សាបានមានប្រសាសន៍ នៅព្រឹកថ្ងៃទី៨ ខែធ្នូនេះថា «ខ្ញុំស្នើឲ្យក្រសួងអប់រំរក្សាការប្រឡងបាក់ឌុបនៅថ្ងៃទី២១និង២២ធ្នូដដែល។ ប៉ុន្តែក្នុងករណីប្រឡងមិនបានតាមកាលបរិច្ឆេទទេ ស្នើសុំឲ្យជាប់ដោយស្វ័យប្រវត្តិ ឬយកពិន្ទុមធ្យមថ្នាក់ទី១២ដើម្បីកំណត់ជាប់ឬធ្លាក់តែម្តង»។
លោក បានមានប្រសាសន៍បន្តថា ការឲ្យបេក្ខជនជាប់ដោយស្វ័យប្រ វត្តិឬយកពិន្ទុមធ្យមថ្នាក់ទី១២នេះដោយសារសមាគមគិតពីអារម្មណ៍របស់សិស្សដែលពន្យារហូតតាំងពីខែកញ្ញា រហូតមកដល់ខែ១២នេះហើយពន្យាពេលដល់ពាក់កណ្តាលខែមករា ឆ្នាំ២០២១ទៀត។
លោកបានលើកជាសំណួរថា«ចុះបើនៅពាក់កណ្តាលខែមករា មិនអាចប្រឡងបានទៀត តើក្រសួងនឹងត្រូវបន្តពន្យាទៀត ឬឲ្យសិស្សឌុបថ្នាក់ និយាយឲ្យច្បាស់មក ហើយម៉ិចក៏មិនយកមធ្យមភាគថ្នាក់ទី១២ មកវាយតម្លៃនិងប្រើប្រាស់ទៅៗយកការប្រឡងចុងបញ្ចប់ប្រឡងសម័យកូវីដ ហើយថាអត់គុណភាពយ៉ាងម៉ិច?»។
លោកបានបន្តទៀតថា សមាគមគ្រឹះស្ថានឧត្តមសិក្សា នឹងចេញលិខិតជាផ្លូវការរបស់ខ្លួនស្នើសុំឲ្យជាប់ដោយស្វ័យប្រវត្តិ ឬយកពិន្ទុមធ្យមថ្នាក់១២ ដើម្បីកំនត់ជាប់ ឬធ្លាក់នាពេលឆាប់ៗនេះ។
លោក ហេង វ៉ាន់ដា បានបញ្ជាក់ថា ម្យ៉ាងទៀតជំងឺកូវីដ-១៩នេះ ធ្វើឲ្យគ្រឹះស្ថានឯកជន ក៏មានការលំបាកដែរព្រោះជិតដល់១ឆ្នាំហើយ សាលាត្រូវការវាយតម្លៃពីការចំណាយទៅលើបុគ្គលិកនិងការចំណាយនានា។
គួរបញ្ជាក់ថា ប្រឡងបាក់ឌុបនៅឆ្នាំនេះមានបេក្ខជនដាក់ពាក្យប្រឡង ចំនួ១២១២០១នាក់ ក្នុងនោះបេក្ខនារីមានចំនួន៦៣៩៣៧នាក់ និងបុរស មានចំនួន៥៧២៦៤នាក់។
ក្នុងនោះមានបេក្ខជនចំណេះទូទៅចំនួន១០២៣៧នាក់ ស្រី៥៥៣៧៥នាក់ បេក្ខជនស្វៃរិនចំនួន១៣៩៩១នាក់ ស្រី៧០៥៧នាក់ បេក្ខជនបំពេញវិជ្ជា ចំនួន៣២៦០នាក់ ស្រី១០៧៧នាក់ និងបេក្ខជនស្វៃរិនបំពេញវិជ្ជា ចំនួន១៩១៣ ស្រី៤២៨នាក់។
ក្នុងចំណោមបេក្ខជន១២១២០១នាក់ មានបេក្ខជនប្រឡង ថ្នាក់វិទ្យាសាស្ត្រមានចំនួន៤០៧៦៥នាក់ ស្រី២៣៦៣៦នាក់ និងបុរស១៧១២៩នាក់។
ចំណែកថ្នាក់វិទ្យាសាស្ត្រសង្គមវិញ មានបេក្ខជន ចំនួន៨០៤៣៦នាក់ ស្រី៤០៣០១នាក់ និងបុរស៤០១៣៥នាក់៕
អត្ថបទ ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន